Ebereei 7:1 - ꞌBuuk cĩ Thõõth cĩ Nyekuci

¹ Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

Ebereei 7:1 ပူးပေါင်းရင်းမြစ်များ

Maarko 5:7

nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 7:2

Nẽ ikia aaꞌnyĩk Abũrahaamõ Melkithẽdẽk hẽlẽggĩ ũgĩ ꞌcĩg abadtẽc baag ammiira jora. Nẽ ꞌthaara ꞌcĩg haĩ Melkithẽdẽk ko, nĩngĩtĩ aĩ, “Bũnnai.” Nẽ haĩ Melkithẽdẽk ꞌthaar ũgĩ buúk, “Habu cĩ Ganõõnõ.” Nẽẽthĩ, aĩ ꞌthaara ꞌcĩg haĩ Thaalem ko, Ganõn.

Ebereei 7:3

Baa aitiõõ hõllõngaa agayyi maaꞌnyĩ Melkithẽdẽhĩ hode ngaannia hode maajiha cĩg baarkit hode ꞌtirriaanĩtĩ hĩ daahĩth cĩnnĩ. Ikia aala nẽẽ ĩĩ paadĩr ũdũt haau hĩ Ngeertĩ Nyekuci.

Ebereei 7:6

Baa aitiõõ hõllõngaa ĩĩn Melkithẽdẽhĩ eet cĩ hattũũg cĩ ꞌLeevi. Ma ho, ikia ẽꞌngẽraak Abũrahamĩ ĩnõõnnõ ꞌbaaninit ꞌcĩ abadtẽc, hẽlẽggẽẽnnĩĩ baag ammiira Abũrahamĩ jora. Nĩngĩtĩ aku aggatanĩ Melkithẽdẽhĩ Abũrahaamõ baa aꞌnyak thooꞌthiok ꞌcĩg aduhaak Nyekuci.