Ebereei 6:4 - ꞌBuuk cĩ Thõõth cĩ Nyekuci

⁴ Hĩnĩngĩtĩ õkõmĩ hatĩ gẽrrẽẽt hĩ eet baag agaacõ thõõth cĩ Nyekuci ẽlẽk, ngaatĩ õbõdaanĩ hiita hũtũngteek ꞌthẽccan, eet baag ummuddia ꞌbaaninit cĩ hẽẽtkujjieen nẽ otholit Lori ꞌcĩ Ẽllẽẽmĩthĩ,

Ebereei 6:4 ပူးပေါင်းရင်းမြစ်များ

Maatteeo 12:45

Õkõ hatĩ aꞌnyaha nẽẽ ꞌgõõnõgĩ tũkĩramma ꞌcĩg abathĩ hĩllõõanit ĩnõõnnõ hõõt haauto nĩngaata. Nĩngĩtĩ hatĩ abathõõꞌthĩ authẽtĩ cĩ eeto hĩllõõan baa oou. ꞌGõõl ꞌthẽk hatĩ ꞌcĩ aattiyyi eeta ꞌcĩg abathĩ cĩg irkiꞌnyia niccig cieeni.”

Maatteeo 5:13

“Aattiyyu niig hĩ imilla ꞌcĩ adiim eeta vẽlẽk loota nĩnga. Nẽẽthĩ, má iittiõõ immile mũccarõõnĩ tõõ, occa hatĩ aaꞌnyihi nii hũmmũccar tarĩ hutuno? Occa adduutoothĩk tuu, hatĩ haaꞌthiothĩ eeta ꞌthõõnĩ, hĩnĩngĩtĩ accakaha.

Yõaannẽ 15:6

Má hõllõngaa aaĩ ẽẽtĩ umwaa hĩ nganĩĩta, aaĩ nẽẽ hĩ tabaac ꞌcĩ adhuhoothĩk tuu nẽ õdõhõha. Aluttiaa tabana ꞌcĩg aattĩg noho nẽ udhuktoothĩk ꞌgwoyyiatõõ hutuuꞌthi.

Yõaannẽ 3:27

Ẽdẽcĩ Yõaannẽ ĩhõõggõ anneek, “Aitiõõ ẽẽtĩ ꞌcĩ occa ammũda ꞌgiimwa, hatĩ nga hẽlẽmaahĩ Nyekuci ĩnõõnnõ hũũk hẽẽtahujjieen.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 6:32

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, baa hõllõngaa Mũũꞌtha ꞌcĩ aaꞌnyuung ngagiit ũbũnẽẽt ꞌcĩg au hẽẽtahujjieen ko, baa Baaba ꞌcĩ aaꞌnyuung ngagiit ũbũnẽẽt ꞌcĩg ĩĩn dĩdĩ, ꞌcĩg au hẽẽtahujjieen ko.

Dtiicanĩ cĩg ꞌThooyyiahu 10:45

Lemmiooha ꞌcĩg etteeddi eleeti ꞌcĩg eet ꞌcĩg maacĩg, ꞌcĩg baag õõkõra hĩ Pẽẽtũrũ, iita ukullieek ꞌjieen ngaatĩ akuuni ꞌbaaniniti cĩ Lori ꞌcĩ Ẽllẽẽmĩth hĩ eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 11:17

Nẽẽthĩ, má aaꞌnyĩk Nyekuci ĩhõõggõ ꞌbaaninit hõdẽẽthõng hĩ baa aaꞌnyeet ngagĩĩt baag hẽlẽmĩ Makayyioohit Yeesu Krĩstõ, nganĩĩt occa baa nganĩ ꞌcĩ occa hammuhi ngaatĩ baa habũrrĩ thõõth cĩ Nyekuci ho?”

Dtiicanĩ cĩg ꞌThooyyiahu 15:8

Aga Nyekuci ꞌthinneeti cĩg eetuk nẽ ẽlẽm eet ꞌcĩg hõllõngaa ĩĩn ꞌJudeei, ngaatĩ aaꞌnyĩkĩ ĩhõõggõ Lori ꞌcĩ Ẽllẽẽmĩth, hĩ baa aaꞌnyeet ngagĩĩt buúk.

Dtiicanĩ cĩg ꞌThooyyiahu 8:20

Ẽdẽcĩ Pẽẽtũrũ anneek, “Uduktoothĩk hĩ ꞌrabbẽẽt cugunnig ko vẽlẽk, hĩnĩngĩtĩ ammuhi aini, occa ũũta ꞌbaaninit cĩ Nyekuci ꞌrabbẽẽtĩ.

ꞌRooma 1:11

Habũraneehi naa ngaatĩ hakuu hacinnuung ngagiit, hátĩ hiita hotholit ꞌgattan hõdẽẽthõng baa aaꞌnya nganĩĩt Lorii cĩ Nyekuci, hátĩ ummuddia niig ꞌtirrian lemiittaa cunuung.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

ꞌGalaaꞌthia 3:2

Hadiimi naa haga ꞌgii hõdẽẽthõng diooni hĩ ngagiita. Ammũdaannu baa niig Lori ꞌcĩ Ẽllẽẽmĩth, hĩnĩngĩtĩ aꞌthuunnu nyattal cĩ Mũũꞌtha, hode hĩnĩngĩtĩ elemtu thõõth baa allimanoothikuung ngagiita?

ꞌGalaaꞌthia 3:5

Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Eevvetho 3:7

ꞌBaanittaa cĩ bũnnai cĩ Nyekuci hĩ ꞌtirriaanaa cĩnnĩ ĩcobbi, aaꞌnyĩhoothĩhaa nganĩĩt dtiici ꞌcĩ hadticanõõthĩkĩĩ ĩnõõnnõ nẽ hillimana nyeemuut ꞌcĩ abũnnaa.

Eevvetho 4:7

Baa eꞌngereeheet Krĩstõ ꞌthĩnĩtaa cĩnnĩ ꞌcĩ callĩ ꞌbaaninit ngagĩĩt vẽlẽk.

1 Timotteeo 4:14

Dticcianõõĩ ꞌgẽẽnyĩth baa aaꞌnyi nganiit Lorii ꞌcĩ Ẽllẽẽmĩth kõr baa aggatanni makayyiooha cĩg lemmioohu, hĩ baa aduha nẽẽg thõõthaa baa aaꞌnyĩk Nyekuci ĩhõõggõ.

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

2 Timotteeo 4:14

Ĩdĩmanaa tarĩ Alĩthandoro, ẽẽtĩ gõõng attur thĩĩk lohippongora, ꞌbuth gẽrrẽẽt. Adũman hatĩ Makayyioohiti thõõth ꞌcĩ adĩmaneeka nẽẽ nganĩĩt ko.

Ebereei 10:32

Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.

Ebereei 2:4

Aduha Nyekuci nẽẽ dẽẽdẽ aĩ thõõth ꞌcĩ ĩĩn dĩdĩ cieeni, ꞌgõõlaa ꞌcĩ adticanĩ thooꞌthiok ꞌcĩg mẽẽlĩg ꞌcĩg ĩnaat eeta nẽ aaꞌnyĩk eet Lori ꞌcĩ Ẽllẽẽmĩth hĩ ꞌbaaninit hĩcĩ adiim nẽẽnĩ.

1 Yõaannẽ 5:16

Má acĩn lemmioohiti umwaa ꞌgõtõnĩ hode ngõõnĩ adĩman ꞌthẽccan ꞌcĩ occa hõllõngaa aꞌnyaha daahĩth, alayyiõõĩ ĩnõõnnõ, hátĩ haaꞌnyĩk Nyekuci eet tĩho rũgẽt ꞌcĩ aalla ooo. Nẽẽthĩ, aaĩ ꞌthẽccanĩ ꞌcĩ aꞌnyaha daahĩth nẽ hõllõngaa haini naa alayyiõõĩ eet ꞌcĩg adĩman ꞌthẽccan tĩho ho.