Ebereei 6:2 - ꞌBuuk cĩ Thõõth cĩ Nyekuci

² Occa hõllõngaa hara hallimaneekuung ngagiit thõõth cĩ baattithimoo, hĩ ꞌgattan cĩ Lori ꞌcĩ Ẽllẽẽmĩth hĩ rũgũthaanĩt cĩ daakiahu hĩ ꞌteedinit cĩ thooꞌthiok ꞌcĩg aalla ooo.

Ebereei 6:2 ပူးပေါင်းရင်းမြစ်များ

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

Maatteeo 3:14

Aku nõõ hinnia abũrĩ Yõaannẽ ngaatĩ aggamẽẽkĩ ĩnõõnnõ baattithimo nẽ ĩĩnnĩk, “Nganiit ꞌcĩ occa aggameekaa nganĩĩt baattithimo, akuu hinnia nii hĩ nganĩĩta?”

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Maarko 7:4

Nẽ ma au nẽẽg ꞌcuuha hatĩ õõ ũũta ꞌgiimwa, hõllõngaa adak ꞌgii tĩho nga hũtũũnytĩ. Mẽẽlĩg nyepiteeꞌnya ꞌcĩg anũ nẽẽg ꞌcĩg aattĩg hĩ cĩg ũũnyĩ hẽddẽmẽẽta hĩ hooppoꞌnya hĩ ijjioꞌnya hĩ lohilihilita.

Maarko 7:8

Uunniku niig tilooinit cĩ Nyekuci nẽ unuyyu nyepiteeꞌnya cĩg eetuk.”

ꞌLuuka 11:38

Ma baa adtuuha Variꞌtheeniti Yeesu ngaatĩ aduhẽẽnĩ nga hũtũũnyĩ athĩn ho, ikia ikidan gẽrrẽẽt.

ꞌLuuka 12:50

Nẽẽthĩ, haꞌnyahi baattithimo cĩ ꞌtĩmmaanõ ꞌcĩ nga aayyiaa ĩĩcĩ oou, ꞌcĩ hatĩ haccananiini gẽrrẽẽt, ĩꞌthõng hikia hedeccia!

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 3:16

Nĩngĩtĩ ẽdẽcĩ Yõaannẽ ĩhõõggõ vẽlẽk annẽẽkĩ, “Habattithannuung naa ngagiit maamĩ haaga, nẽẽthĩ, aaĩ hatĩ eet umwaa cobbi ꞌcĩ aku hĩdĩĩkoothong ꞌcĩ ĩllõõannaa nganĩĩta, eet ꞌcĩ hõllõngaa hũũlũ naa ngaatĩ hõõganĩ lõhamũcĩ cĩg caawa cĩgĩnnĩg. Aku hatĩ aggameekuung nẽẽ baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Yõaannẽ 1:33

Occa baa nga haga naa ĩnõõnnõ, hiittiõõ ngaatĩ aduhaaka ẽẽtĩ baa ĩꞌthõõannaa nganĩĩt hikia haggameek eet baattithimo maamĩ anneeka, ‘Ẽẽtĩ ꞌcĩ acini alluucciak Lorii ꞌcĩ Ẽllẽẽmĩth nẽ ikia ĩbĩl ẽllaa cĩnnĩ ho, ĩnõõnnõ ꞌcĩ hatĩ aggameek eet baattithimo Loriiaa ꞌcĩ Ẽllẽẽmĩth ko.’

Yõaannẽ 5:29

nẽ hatĩ ũrũgta nẽẽg daahĩtha. Arũgna hatĩ eeta ꞌcĩg baag adtican thooꞌthiok ꞌcĩg abũnnaa nẽ õõt rũgẽta nẽ hatĩ ũrũgta eeta ꞌcĩg baag adtican thooꞌthiok ꞌcĩg abathĩ nẽ uukti.

Dtiicanĩ cĩg ꞌThooyyiahu 10:47

“Ĩcca occa ꞌthẽk alaam eet umwaa eet iccig ngaatĩ occa aggamõõthĩkĩ baattithimo maamĩ? Aaꞌnyĩhoothĩk ĩhõõggõ buúk Lorii ꞌcĩ Ẽllẽẽmĩth hĩ baa naaga.”

Dtiicanĩ cĩg ꞌThooyyiahu 13:3

Ma baa edettia nẽẽg eleeti nẽ alayyio, iita ataaddik nẽẽg athĩn cĩggĩĩng ootinii cĩg Baarnaba hĩ ꞌThaaulo, hĩĩ terethiinit ꞌcĩ eberriaanĩ nẽẽg hidticanit dtiic icci. Nĩngĩtĩ ĩꞌthõõĩkĩ ĩhõõggõ ꞌgõõl hõõt.

Dtiicanĩ cĩg ꞌThooyyiahu 16:15

Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.

Dtiicanĩ cĩg ꞌThooyyiahu 16:33

Ma baalin tĩho noho, ũũhĩ ꞌgaalacĩ ĩhõõggõ ngaatĩ baa õkõ ũũnyĩ carrahulit cĩggĩĩng. Nĩngĩtĩ aggamĩ nẽẽ hĩ eet cĩg halang cĩnnĩ vẽlẽk baattithimo nĩĩcĩ noho.

Dtiicanĩ cĩg ꞌThooyyiahu 17:18

Baa ĩĩn eeta ũgẽẽgĩ cĩg anũ ꞌlimman cĩ Epikurio nẽ ĩĩtõ ũgẽẽgĩ ꞌcĩg anũ ꞌlimman cĩ eet cĩg Toihi, nĩngĩtĩ iꞌthianaanĩ ẽppẽhanõõnĩ hĩ ĩnõõnnõ. Baa õthõõth ũgẽẽgĩ aĩ, “Ne ꞌyioko ꞌthẽk ꞌcĩ aĩ huduhaaheet ẽẽtĩ ciee aĩ haga thõõth vẽlẽk ko?” Nẽ ĩĩtõ ũgẽẽgĩ, “Aaĩ hinnia hĩcĩ õthõõth Paaulo ꞌlimman cĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ꞌrĩĩng!” Baa aduha nẽẽg thooꞌthiok iccig, hĩnĩngĩtĩ baa alliman Paaulo thõõth cĩ nyeemuut ꞌcĩ abũnnaa cĩ Yeesu hĩ thõõth ꞌcĩ arũgnaanĩ daahĩtha.

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 2:41

Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia.

Dtiicanĩ cĩg ꞌThooyyiahu 23:6

Ma baa õrõõta Paaulo ngaatĩ ĩĩnnĩ eeta cĩg lokihooak ũgẽẽgĩ Thadutheei nẽ ĩĩtõ ũgẽẽgĩ Variꞌtheei ho, ikia õthõõth ĩĩ, “ꞌGotoonoga, hĩĩnĩ naa Variꞌtheenit, ngeertĩ Variꞌtheetto. Habili ꞌyioko lokihooa, hĩnĩngĩtĩ muhẽẽnĩt caannĩ ꞌcĩ arũkꞌthaanĩ eeta ꞌcĩg adaahito.”

Dtiicanĩ cĩg ꞌThooyyiahu 24:15

nẽ haꞌnyahi naa buúk muhẽẽnĩt hõdẽẽthõng hĩ Nyekuc, hĩcĩ ꞌthẽk aꞌnyak eeta cieegi. Aaĩ ꞌthẽk hatĩ rũgaanĩtĩ cĩ eet ꞌcĩg abũnnaa hĩ ꞌcĩg ĩĩn ꞌthẽccanniook.

Dtiicanĩ cĩg ꞌThooyyiahu 24:21

Nẽẽthĩ nẽẽꞌthẽk, thõõth hõdẽẽthõng ꞌcĩ occa abĩlla nẽẽg nganĩĩt baa hẽggẽrnyĩ lokihooatõõ kõr baa haĩnnĩ, ‘Habili naa lokihooa kõr icci, hĩnĩngĩtĩ helemi haini, arũgna daakiaha daahĩtha.’ ”

Dtiicanĩ cĩg ꞌThooyyiahu 24:25

Ma baa õthõõth Paaulo thõõth cĩ Nyekuci ꞌcĩ aũlan hĩ ꞌgõõl ꞌcĩ haꞌthũũnnĩ ẽlẽ hĩ thõõth ꞌcĩ etteedini thooꞌthioha, ikia itiẽẽlĩ Pelicce gẽrrẽẽt nẽ ĩĩ, “Ẽlẽ, ĩnẽẽnĩ, ũũppanit nicciaag cĩg kõr icci! Bĩĩt da nõõnĩ. Ma hatĩ hammũda ꞌthaa kõr umwa, hauyyi hatĩnĩ.”

Dtiicanĩ cĩg ꞌThooyyiahu 26:8

Inni hõkõm gẽrrẽẽt hĩ ngagiit vẽlẽk ngaatĩ elemmu thõõth ꞌcĩ arũgnaanĩ Nyekuci daakiak ko?

Dtiicanĩ cĩg ꞌThooyyiahu 4:2

Baa alĩĩlĩ nẽẽg gẽrrẽẽt, hĩnĩngĩtĩ alliman ꞌthooyyiaha cieeg eet nẽ udukta thõõth ꞌcĩ arũgnaanĩ Yeesu daahĩtha.

Dtiicanĩ cĩg ꞌThooyyiahu 6:6

Ma baa ho, aꞌnyaktaak nẽẽg eet iccig ꞌthooyyiak, hiita halayyiõõĩ ĩhõõggõ.

ꞌRooma 2:16

Edeeꞌnyia hatĩ thõõth ciee kõr ꞌcĩ hatĩ aaꞌnyĩkĩ Nyekuci Yeesu Krĩstõ hẽttẽẽd thooꞌthiok ꞌcĩg adĩman eeta burkiitina, hĩcĩ aduha nyeemuut caannĩ ꞌcĩ abũnnaa ho.

1 Korinthia 10:2

Baa aggam nẽẽg vẽlẽk baattithimo, hiita hĩĩtõ nuyyiook cĩg Mũũꞌtha diithatõõ hĩ bũlũcatõõ.

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

Pilippi 3:21

Õkõõĩ hatĩ nẽẽ eleeti cĩggaac ꞌcĩg hõllõngaa attiran ꞌcĩg adaahĩ ho nẽ ũtũhũ ĩhõõggõ hĩĩtõ eleeti ꞌcĩg abuli haauto hĩ ẽlẽ cĩnnẽẽnĩ, makaaꞌthĩtaa ꞌcĩ hatĩ aggamĩ nẽẽ hẽlẽggĩ vẽlẽk.

Kolooꞌthe 2:12

Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

2 Timotteeo 2:18

ꞌcĩg arahanit thõõthaa cĩ Nyekuci ĩcĩ ĩĩn dĩdĩ. Aĩ nẽẽg, ũrũgta eeta baag adaahito ẽlẽk. Nẽ ĩĩn thõõth ciee õlõng, ꞌcĩ ẽꞌthẽcan ooti cĩg eet ũgĩ ꞌcĩg elemit thõõth cĩ Nyekuci.

Ebereei 11:35

Ma ho, iita ũrũkta maaccwaana cĩg ngaainu daahĩtha. Nẽẽthĩ, baa accananni eeta cieeg ũgẽẽgĩ gẽrrẽẽt nẽ ũtũbũrĩt ngaatĩ ooggianĩ baabuuthatõõ. Baa aga nẽẽg jurrung ngaatĩ hatĩ ammũdaanĩ dũman ꞌcĩ mẽẽn, hatĩ ũrũgta eeta vẽlẽk daahĩtha.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

2 Pẽẽtũrũ 3:7

Nẽ thõõthaa nĩĩca dioo, aduhaak Nyekuci hẽẽtkujjieen hĩ looc hereeyyio ĩꞌthõng kõr cĩ decciaanĩt cĩ lootu. Nẽẽthĩ, adhuhoothĩk hatĩ nẽẽg ꞌgwoyyiatõõ nẽ urukti eeta ꞌcĩg hõllõngaa athĩhĩ nyeemuut cĩ Nyekuci.