Ebereei 6:17 - ꞌBuuk cĩ Thõõth cĩ Nyekuci

¹⁷ Nẽ tarĩ, aꞌthũũnnĩ Nyekuci ẽllaa cĩnnĩ ẽmmẽn lõbũtĩ, hátĩ hagaacõ eeta baag aduhaak nẽẽ lõbũtĩ ngaatĩ ĩĩnnĩ thõõth cĩ Nyekuci dĩdĩ.

Ebereei 6:17 ပူးပေါင်းရင်းမြစ်များ

ꞌThianaattõ 26:28

Ẽdẽcĩ Abimẽlẽhĩ hĩ eet cĩgĩnnĩg ko aĩ, “Hagayyia naag dĩdĩ, aaĩ Makayyioohiti Nyekuci hĩ nganiita nẽ hammuka haĩnna, ‘Hiita haꞌnyahit lõbũtĩ cĩ lohoto.’ Haĩnna naag hũbũtanit hĩĩtõ,

Luugithõõ 22:11

aꞌnyĩĩk eet ꞌcĩ iroranoothĩk hẽlẽggĩ ho, hũbũtan muumaa cĩ Makayyiookto. Má ũmmũda Makayyioohiti ĩnõõnnõ ngaatĩ ammĩrrĩ, aꞌnyĩĩk baattĩ taꞌngõõ hẽlẽm thõõth icci nẽ iittiõõ hõllõngaa adiim dũman.

Yõaannẽ 10:10

“Dtiic cĩ igorriaaktõ dioo ꞌcĩ aku ĩgõrꞌthĩ aꞌtha nẽ ucuhana nẽ ĩꞌthaan thõng. Nẽẽthĩ, dtiic caannĩ ꞌcĩ hakuu haaꞌnyĩkĩĩ aꞌtha rũgẽt vẽlẽk ꞌcĩ aalla ooo.

ꞌRooma 11:29

Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

ꞌGalaaꞌthia 3:29

Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

Eevvetho 1:11

Adĩman Nyekuci hõdõõkõthĩ hẽlẽggĩ vẽlẽk ꞌcĩg adiim nẽẽnĩ, ĩnõõ ꞌcĩ aaꞌnyĩkĩ nẽẽ Krĩstõ hẽbẽraeet ngagĩĩt baa hũnũũk ko.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 11:9

Hĩnĩngĩtĩ baa aꞌnyak Abũrahaamõ lemiinit, aau nẽẽ hĩ tahanit looccaa baa aduhaak Nyekuci ĩnõõnnõ. Baa õlõman nẽẽ tuggẽẽtĩ hĩ baa õlõman Iꞌthaako hĩ Yakobo buúk, baag ippotaneek Nyekuci looc nicci dioo noho.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Ebereei 6:16

Nẽẽthĩ ꞌyioko, má abũtan eeta ũgẽẽgĩ lõbũtĩ, aꞌnyĩĩk hũbũtanit eet ꞌcĩ maka ꞌcĩ ĩllõõan ĩhõõggõ, hátĩ huꞌthuutti lõbũtĩ tĩho. Aꞌnyĩĩk huꞌthuutti lõbũtĩ tĩho hiittiõõ jinẽẽnĩtĩ tõõ.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

1 Pẽẽtũrũ 3:7

Nẽ niig maaccwaana ꞌgõõlaa ꞌcĩ aduhõõ thõng, ũrũmtĩ hĩ ngaaĩ cugguung jurrung, itingolli ĩhõõggõ hĩ ꞌgoonogu ꞌcĩg hõllõngaa attiran haauto hĩ niiga, hĩcĩ othollu ꞌbaaninit cĩ rũgẽt ꞌcĩ ĩĩn ngeju, ĩdĩmanit ĩhõõggõ jurrung, hátĩ hiittiõõ ꞌgii ꞌcĩ occa alaam laiinit cunuung tõõ.