Ebereei 6:12 - ꞌBuuk cĩ Thõõth cĩ Nyekuci

¹² Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Ebereei 6:12 ပူးပေါင်းရင်းမြစ်များ

Maatteeo 22:32

‘Hĩĩnĩ naa Nyekuc cĩ Abũrahamĩ, Nyekuc cĩ Iꞌthaako hĩ Nyekuc cĩ Yakobo.’ Ĩĩn nẽẽ Nyekuc cĩ eet ꞌcĩg arũgĩ, hõllõngaa ĩĩn Nyekuc cĩ daakiahu.”

Maatteeo 25:26

“Ẽdẽcĩ makayyioohiti cĩnnĩ ĩnõõnnõ anneek, ‘Nii dticciannioohiti ciee ĩĩnĩ nyamuttioohit abathi ho! Aga nii ngaatĩ hajaniini naa ngaatĩ nga hathacĩ hinyomo nẽ hajanõ ngaatĩ nga hakatõõĩ.

ꞌLuuka 16:22

“Ma baa ho, ikia adaak Laaꞌtharõ nẽ iita ootti aajĩlẽẽta ĩnõõnnõ ngaatĩ aayyi Abũrahamĩ. Ma urutaa cĩnnĩ, ikia adaak ballioohiti tĩho buúk nĩngĩtĩ adaiini.

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

ꞌRooma 12:11

Idticattõ gẽrrẽẽt nẽ ma hĩĩgĩnnu nyamuttiook. Ĩrrĩcatta ngaatĩ anuyyu Lori ꞌcĩ Ẽllẽẽmĩth nẽ idticattoothihu Makayyioohit.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 4:12

Nẽ tarĩ ĩĩ Abũrahaamõ buúk maaꞌnyĩ eet ꞌcĩg etteeddi eleeti nẽ hõllõngaa ĩĩn maaꞌnyĩ eet ꞌcĩg etteeddi eleeti diooni, nẽẽthĩ, ĩĩn maaꞌnyĩ eet ꞌcĩg anũ ꞌgõõl cĩ lemiinit baa aꞌnyak baangẽẽtĩ cĩnaac Abũrahamĩ baa nga hẽttẽẽdĩ ẽlẽ.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

2 Tẽꞌthaloonika 1:4

Ĩnõõ ꞌcĩ hirriannuung naag ngagiit hĩ lothippiꞌnya cĩg lemmiook cĩg Nyekuci loonyini vẽlẽk. Haduhaaka naag ĩhõõggõ thõõth ꞌcĩ emmeeꞌthu niig pĩĩrnanĩt hĩ thõõth ꞌcĩ aallannu niig elemmu Nyekuc, tananga aꞌnyaku ꞌcannan hĩ pĩĩrnanĩt cobbi gẽrrẽẽt.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 10:36

Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.

Ebereei 11:33

Ẽẽl lemiiniti cĩnĩĩng ĩhõõggõ haggamit habuccieeꞌnya nẽ hĩnĩngĩtĩ adĩman thõõth ꞌcĩ aũlanĩ, umuddia thõõth baa aduha Nyekuci nẽ ecebit utugeeti cĩg ꞌmaaĩtu,

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.

Ebereei 5:11

Tananga hĩĩ maka thõõth ꞌcĩ adukiaakuung ngagiit ꞌcĩ aduhõõnĩ Krĩstõ hĩ Melkithẽdẽk, aꞌnyamanaa nganĩĩt ꞌgõõl ꞌcĩ hẽddẽẽbakuung ngagiit thõõth icci, hĩnĩngĩtĩ hõllõngaa athĩkneennu niig hĩdĩĩkoothong.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

ꞌJeemith 1:3

Hĩnĩngĩtĩ agayyu niig aĩ, má ĩttĩmanĩ lemiiniti cunuung, occa hatĩ ammũda temeethi cunuung ꞌgõõl ꞌcĩ alĩꞌthĩ.

2 Pẽẽtũrũ 1:10

Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.

Terethiinit 13:10

Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.