Ebereei 6:11 - ꞌBuuk cĩ Thõõth cĩ Nyekuci

¹¹ Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

Ebereei 6:11 ပူးပေါင်းရင်းမြစ်များ

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

ꞌLuuka 1:1

Mẽẽlĩg eeta ꞌcĩg ĩttĩmanit gẽrrẽẽt ngaatĩ ẽhẽẽdĩ thooꞌthiok baag adĩman Nyekuci hõrggẽẽnaa cĩnaac.

ꞌRooma 12:8

Má haga ngaatĩ halũllũũmanẽẽkĩ ꞌgoonogeet thõõth ꞌcĩ abũnnaa, hũlũllũũmatteek ĩhõõggõ thooꞌthiok tĩko. Má haga ngaatĩ hõhõaakĩ ꞌgoonogeet hẽlẽggĩ ũgĩ, hohoyyiaak ꞌgõõlaa ꞌcĩ abũnnaa. Má hĩĩgĩn naag makayyiook, hũtũhaac eet ꞌgõõlaa ꞌcĩ abũnnaa. Má ĩĩn thõõth ꞌcĩ hammaannĩkĩ eeta, hatamaattik taliitta.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

Pilippi 3:15

Aꞌnyĩĩk eet vẽlẽk ꞌcĩg okomit lemiitta, helemit thooꞌthiok iccig. Nẽ má hõllõngaa elemmu thõõth umwa, haga naa aaꞌnyuung hatĩ Nyekuci agaac thõõth tĩho.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:5

hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 4:10

Nẽ dĩdĩ, ammĩnannu niig ꞌgotoonogu hĩ ngoonogu lokor cĩ Maccedoonia ho vẽlẽk. Nẽ hanneekuung ĩrrĩcatta gẽrrẽẽt ittoorrik hĩllõõan mĩnnan gõõng hõdõõkõthĩ.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

2 Pẽẽtũrũ 1:10

Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 3:19

Má hammĩnan naag ꞌgotoonogeet hĩ ngoonogeet, haga naag haĩ hĩĩgĩn eet cĩg thõõth ꞌcĩ ĩĩn dĩdĩ nẽ haattĩg lõꞌngõõc muumaa cĩ Nyekuci.

Terethiinit 2:26

“Nẽ haaꞌnyihi hatĩ naa eet ꞌcĩ ũtũbũr thõõth cĩ ꞌThĩttaanõ nẽ ũꞌthũũtĩ lemiinit caannĩ ũdũt, makaaꞌthĩt ꞌcĩ aggamĩ loonyin vẽlẽk, ĩꞌthõng decciaanĩt cĩ lootu.