Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebereei 6:10 - ꞌBuuk cĩ Thõõth cĩ Nyekuci

10 Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

အခန်းကိုကြည့်ပါ။ ကော်ပီ




Ebereei 6:10
48 ပူးပေါင်းရင်းမြစ်များ  

Nĩngĩtĩ aku ĩĩnnĩ Nyekuci tarbal hĩ ngaaĩ ꞌcĩg ũũkca ꞌgõõnõgĩ ho nẽ iita ittirit eeta cĩg Ĩꞌthĩraẽlĩ gẽrrẽẽt hĩĩtõ mẽẽlĩg ꞌrĩng.


Nẽ má aaꞌnyĩk eet umwaa tarballiook cĩgannĩg ko hooppo cĩ maam ꞌcĩg alalĩ, hĩnĩngĩtĩ ĩĩn eet tĩho nuyyioohit caannĩ, haduhaakuung dĩdĩ, ammũda hatĩ nẽẽ ꞌbaaninit.”


“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’


Nẽ dticciannioohiti baa aggam ꞌtalẽnꞌnya ꞌramma buúk, ũmmũda ũgĩ ꞌramma tarĩ.


Haduhaakuung naa ngagiit thõõth dĩdĩ, má aaꞌnyuung ẽẽtĩ umwaa maam ꞌcĩg ahuddu ꞌthaarĩĩ cĩgannĩg, hĩnĩngĩtĩ iiginnu niig cĩg Krĩstõ, ammũda hatĩ eet tĩho ꞌbaaninit cĩnnĩ.”


Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”


nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.


Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.


Ma ho, ummuhit nuyyiooha ꞌcĩg aattĩg Antioha ngaatĩ ĩꞌthõõĩkĩ ꞌbaaninit cĩnĩĩng ꞌgõõnõgĩ ꞌJudeea.


Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.


Hõllõngaa occa hẽhẽẽdakuung naa ngagiit waraga, hĩnĩngĩtĩ thõõth cĩ ꞌbaaninit cunuung ꞌcĩ aaꞌnyiku lemmiook ꞌcĩg aattĩg ꞌJeruꞌthalẽma ho.


Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.


Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.


Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.


Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.


Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.


Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.


Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.


Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.


Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.


Nẽ má haduhaak ꞌthẽccanẽẽt cĩggaac Nyekuc, haga ngaatĩ haarĩkĩ ꞌthinneeti cĩggaac hĩ ĩnõõnnõ haĩnnĩ, aũlan nẽẽ ngaatĩ ammaannĩkeet ngagĩĩt ꞌthẽccanẽẽt cĩggaac nẽ ũtũũnyeet thooꞌthiohĩĩ ꞌcĩg abathĩ vẽlẽk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ