Ebereei 5:2 - ꞌBuuk cĩ Thõõth cĩ Nyekuci

² Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

Ebereei 5:2 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

2 Korinthia 11:30

Nẽ má hirriana naana, abũnnaa hirrianĩ hẽlẽggĩ ꞌcĩg ẽtẽrꞌtha aĩ, aitiõõ nganĩĩt ꞌtirriani tõõ.

2 Korinthia 12:5

Hirrianĩ hatĩ naa eet tĩho, hõllõngaa hatĩ hirrianĩ ẽlẽ caannĩ nẽ hatĩ hõthõõtha pĩĩrnanĩt cĩ ẽlẽ caannĩ diooni.

ꞌGalaaꞌthia 4:13

Dĩdĩ, agayyu niig aĩ, baa hommoori naa baa hakuu hallimaneekuung nyeemuut ꞌcĩ abũnnaa ĩĩcĩ oou.

Eevvetho 4:18

Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

Ebereei 12:13

“Ũkũmatteek ꞌgõõl hũbũna,” hátĩ hiittiõõ eeta ꞌcĩg hõllõngaa attiran hĩ ꞌcĩg ahuuli lemiittaa cĩnĩĩng, hõllõngaa ẽttẽẽd looc.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 2:18

Hĩnĩngĩtĩ baa accananni nẽẽ baa attĩmanni, occa ũũlũ nẽẽ ngaatĩ ẽẽlanneet ngagĩĩt buúk hatĩ hattĩmanni.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 7:28

Nẽẽthĩ, baa ẽbẽra nyattalĩ paadĩrꞌnya ꞌcĩg ĩĩn eet haaga ꞌcĩg hõllõngaa attiranĩ. Ma baa aaꞌnyĩhoothĩk eet nyattalĩ, ikia ẽbẽra Nyekuci Ngeerĩnĩ lõbũtĩĩa nẽ ikia ĩĩ Ngeerĩnĩ paadĩr cobbi ꞌcĩ ĩllõõan paadĩrꞌnya vẽlẽk ũdũt.

Ebereei 9:7

Nẽẽthĩ, baa paadĩr cobbi dioo ꞌcĩ aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko tabattĩ hõdẽẽthõng irkita. Aꞌnyak paadĩrĩ biyyi ꞌcĩg õkõ aꞌnyĩĩk Nyekuc hũtũũny ꞌthẽccanẽẽt cĩgĩnnĩg hĩ cĩg eetuk, ꞌthẽccanẽẽt baag adĩman nẽẽg nẽ hõllõngaa aga.

ꞌJeemith 5:19

ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.