Ebereei 5:14 - ꞌBuuk cĩ Thõõth cĩ Nyekuci

¹⁴ Ĩĩn ahat ꞌcĩ õkõmĩ cĩ eet cobbi nẽ aala illiman ngaatĩ ittiamanĩ ꞌgii ꞌcĩ abũnnaa hĩcĩ abathĩ.

Ebereei 5:14 ပူးပေါင်းရင်းမြစ်များ

ꞌThianaattõ 3:5

Õthõõth Nyekuci hoti, hĩnĩngĩtĩ aga aĩ, má uduktu, abbuuhi hatĩ hẽbẽrĩ cugguung nẽ agayyu thooꞌthiok ꞌcĩg abũnnaa hĩ ꞌcĩg abathĩ aaut hĩ nẽẽnĩ.”

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

1 Korinthia 2:6

Nẽẽthĩ, hõthõõꞌtha naag nyeemuut cĩ ꞌgẽẽnyĩthõõ lothippitaa cĩ eet ꞌcĩg okomit lemiitta, nẽẽthĩ hinnia, hõllõngaa hõthõõꞌtha ꞌgẽẽnyĩthaa cĩ looc nicci, hode ꞌgaala cĩg looc nicci, ꞌcĩg hatĩ aꞌnginoothi haaga.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 4:13

Õkõ hatĩ dtiici ciee ĩĩcĩ oou ĩꞌthõng hũrũmeet lemiiniti nẽ hagaacõ Ngeertĩ Nyekuci. Nẽẽthĩ hatĩ hiita hĩtĩlĩthĩt naag hĩĩtõ makatĩg, lemiittaa hĩ Yeesu Krĩstõ nẽ hiita haauto naag hĩ nẽẽnĩ.

Pilippi 3:15

Aꞌnyĩĩk eet vẽlẽk ꞌcĩg okomit lemiitta, helemit thooꞌthiok iccig. Nẽ má hõllõngaa elemmu thõõth umwa, haga naa aaꞌnyuung hatĩ Nyekuci agaac thõõth tĩho.

1 Tẽꞌthaloonika 5:21

ĩttĩmanit hẽlẽggĩ vẽlẽk. Nẽ akatti hẽbẽrĩ thooꞌthiok iccig jurrung nẽ uꞌthuutti thõõth ꞌcĩ abũnnaa diooni.

1 Timotteeo 4:7

Ma hadticaniini dtẽẽllẽn ꞌcĩg hõllõngaa ĩĩn dĩdĩ, ꞌcĩg hõllõngaa õõkõrõõ hĩ thõõth cĩ Nyekuci, gõõng accamana ngaaĩ ꞌcĩg atahaanyito, haĩ haaga nẽẽ, ꞌrũhũũlana ngaatĩ allimanĩĩ thõõth cĩ Nyekuci.

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.