Ebereei 5:13 - ꞌBuuk cĩ Thõõth cĩ Nyekuci

¹³ Ẽẽtĩ ꞌcĩ nga alliman thõõth ꞌcĩ õõlõlĩĩ ho, hõllõngaa aku aga thõõth ꞌcĩ thooꞌthiok ꞌcĩg abũnnaa, aaĩ nẽẽ hĩ ĩdõlĩ ꞌcĩ adiim ira.

Ebereei 5:13 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maarko 10:15

Haduhaakuung naa ngagiit thõõth dĩdĩ, má hõllõngaa ẽlẽmĩ ẽẽtĩ habuccieet cĩ Nyekuci haau hĩcĩ ẽlẽmĩ loholeec ꞌcĩ hidiciẽẽnĩ, aitiõõ hatĩ hõllõngaa aduhun nẽẽ habuccieet cĩ Nyekuci ũdũt.”

ꞌRooma 2:20

ammuhi nii aini, occa eterethi eet ꞌcĩg aggiithi nẽ illimanuu lõhõlĩ ꞌcĩg hidicig thõõth cĩ Nyekuci. Hĩnĩngĩtĩ aga nii jurrung ngaatĩ aaꞌnyi nyattalĩ cĩ Nyekuci ꞌgẽẽnyĩth hũtũrũũr hĩ thõõth ꞌcĩ ĩĩn dĩdĩ.

1 Korinthia 13:11

Baa nga hĩĩnĩ naa loholeec ꞌcĩ hidici, baa hothoothi hĩ loholeec ꞌcĩ hidicẽẽnĩ nẽ haꞌnyaha muhẽẽnĩt hĩ loholeec ꞌcĩ hidicẽẽnĩ. Ma baa hĩĩna maka, hikia hũtũngeeha muhẽẽnĩt cĩ hĩdĩꞌthẽẽtõ.

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Korinthia 3:1

ꞌGotoonoga hĩ ngoonoga, aattiyyu niig hĩ eeta cĩg looc nicci, ĩnõõ cĩ hõllõngaa hallimannuung naa ngagiit thõõth hĩ eeta ꞌcĩg agaacõ thõõth cĩ Nyekuci dĩdĩ, hĩnĩngĩtĩ nga aattiyyu niig hĩ ĩdõlẽẽta haaga thõõthaa cĩ Krĩstõ ho.

2 Korinthia 3:9

Má occa aꞌnyaha nyattalĩ daahĩth nẽ aaꞌnyĩhoothĩk bulẽẽnĩtĩ cobbiẽẽnĩ, ma lõhõt ꞌcĩ ĩĩn ngeju ꞌcĩ aaꞌnyeet bũnnai hĩ Nyekuc ko, hõllõngaa occa aaꞌnyĩhoothĩk bulẽẽnĩtĩ cĩ ĩllõõan cobbi ho?

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

2 Timotteeo 3:16

Aku thõõth vẽlẽk ꞌcĩ eheeddi ꞌBuuhaa cĩ Nyekuci, hĩ Nyekuc ꞌcĩ abũnnaa ꞌcĩ eelleet hillimanit eet thõõth ꞌcĩ ĩĩn dĩdĩ nẽ eelleet heterethit eet ꞌgõõl ꞌcĩ abathĩ, hĩ ngaatĩ hallimanẽẽkĩ eet ꞌgõõl ꞌcĩ aattiyyi ꞌlimmaanaa ꞌcĩ abũnnaa.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

2 Yõaannẽ 1:11

Ẽẽtĩ ꞌcĩ akũtan eet ꞌcĩg aattĩg noho, õthõl nẽẽ hĩ ĩhõõggõ thooꞌthiok cĩggĩĩng ꞌcĩg abathĩ ho hõdẽĩ.