Ebereei 4:9 - ꞌBuuk cĩ Thõõth cĩ Nyekuci

⁹ Nẽẽthĩ, baa uduhaaheet Nyekuci ngagĩĩt ĩĩnnĩheet haaꞌnyuung hatĩ Kõr cĩ ꞌYiommaanõ, ꞌcĩ hatĩ hiyyiomanĩ naaga, tananga nga hikia kõrra tĩho.

Ebereei 4:9 ပူးပေါင်းရင်းမြစ်များ

Luugithõõ 16:30

Nĩngĩtĩ iyyiomanĩ eeta kõrraa ꞌcĩ ĩĩn tũkĩramma.

Maatteeo 1:21

Ũũkca hatĩ nẽẽ loholeec ꞌcĩ maacĩ. Kateek hatĩ loholeec ꞌthaar ꞌcĩg haĩ Yeesu, hĩnĩngĩtĩ ẽẽla hatĩ nẽẽ eet cĩgĩnnĩg ꞌthẽccanẽẽtĩĩ cĩggĩĩng.”

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 11:25

Baa ẽlẽmĩ nẽẽ ngaatĩ appĩĩrnanĩ hĩ eet cĩg Nyekuci hõdẽĩ, hĩllõõan ngaatĩ accamanõõthĩkĩ ꞌthẽccaana hĩdĩhĩdĩĩc.

Ebereei 3:11

Nẽ hũbũtana lĩĩlĩẽẽtta hĩĩna, ‘Aitiõõ hatĩ nẽẽg hõllõngaa aduhun nĩngĩtĩ hiyyiomanĩĩ naana.’ ”

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:10

Kõr tĩho, iyyioman hatĩ eeta cĩg Nyekuci dtiicanẽẽnnĩĩ cĩggĩĩng, hĩnĩngĩtĩ uduhunit nẽẽg nĩngĩtĩ ꞌyiomman cĩ Nyekuci, hĩ baa iyyioman Nyekuci dtiicaa cĩnnĩ.

Ebereei 4:3

Ngagĩĩt ꞌcĩg hẽlẽmĩ Nyeemuut icci ĩĩn Ngeju ho, ꞌcĩg occa haduhun nĩngĩtĩ ꞌyiomman tĩho, hĩ baa aduha Nyekuci aĩ, “Hũbũtana lĩĩlĩẽẽtta hĩĩna, ‘Aitiõõ hatĩ nẽẽg hõllõngaa aduhun nĩngĩtĩ haayyi naa hiita hiyyiomanit.’ ” Baa aduha Nyekuci thõõth icci, tananga baa ẽdẽcaak nẽẽ ngaatĩ ẽhẽnytaanĩ looc.

Ebereei 4:8

Má baa aaꞌnyĩk ꞌJooꞌthua baa ĩĩn lemmioohit ĩhõõggõ ꞌyiomman, occa hõllõngaa õthõõth Nyekuci kõr umwa cĩ ꞌyiommaanõ tarĩ.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 21:4

Attũmũny hatĩ Nyekuci tilaalõ vẽlẽk hẽbẽrẽẽnnĩĩ cĩggĩĩng. Nẽ hatĩ iittiõõ ẽẽtĩ ꞌcĩ nga ommoꞌthi, hode accananni hode alu hode adaahĩ tarĩ tõõ, hĩnĩngĩtĩ iꞌngittõõthĩ hẽlẽggĩ cieeg baag oou ho vẽlẽk ũdũt.”