Ebereei 4:16 - ꞌBuuk cĩ Thõõth cĩ Nyekuci

¹⁶ Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 4:16 ပူးပေါင်းရင်းမြစ်များ

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Ebereei 13:6

Occa aaꞌnyuung thõõth ciee othoothit ĩĩtõ, “Ĩĩn Makayyioohiti ellioohit caannĩ! Inni occa hatĩ hitingõlĩ naa thõõth ꞌcĩ adĩmaneeka eeta haaga ho?”

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 9:5

Cadduhaa cĩ lohoto ho lokora, abĩlĩ aajĩlẽẽta ꞌramma cĩg bulẽẽttak nẽ ẽbbẽttaanito havvuuto hithidit loriẽẽta cĩggĩĩng cadduk ꞌcĩ urwacanoothĩk biyyieeta ꞌcĩg ũũnnõthõõthĩkĩ ꞌthẽccanẽẽta nẽ occa hõllõngaa hẽddẽẽba thooꞌthiok iccig vẽlẽk ꞌyioko.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.