Ebereei 4:15 - ꞌBuuk cĩ Thõõth cĩ Nyekuci

¹⁵ Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 4:15 ပူးပေါင်းရင်းမြစ်များ

Luugithõõ 23:9

“Ma hadĩmannu eet cĩg looc ꞌcĩ ꞌrĩĩng ꞌbuth. Baa iiginnu niig buúk eet cĩg looc ꞌcĩ ꞌrĩĩng Ijjiba nẽ agayyu niig buúk rũgẽt cĩ eet cĩg looc ꞌcĩ ꞌrĩĩng.

Maatteeo 12:20

Aitiõõ hatĩ nẽẽ hõllõngaa aduul ĩhaooc ꞌcĩ aggiingi, hode adĩĩt ꞌloomo ꞌcĩ attũllĩ, ĩꞌthõng hatĩ haꞌnyaha bũnnai.

Maatteeo 4:1

Ma baa urutaa cĩnnĩ, ũũhĩ Lorii ꞌcĩ Ẽllẽẽmĩth Yeesu horrwaa ꞌcĩ õdõhõhĩĩ kak, hũũk hĩttĩman habuui cĩ loriẽẽt ꞌcĩg abathĩ.

ꞌLuuka 22:28

“Ĩĩgĩnnu niig eet ꞌcĩg harũmĩ hĩ nganĩĩt pĩĩrnatta caannĩ.

ꞌLuuka 4:2

Nĩngĩtĩ õkõ attĩmanĩ habuui cĩ loriẽẽt ꞌcĩg abathĩ ĩnõõnnõ waathinniook hẽẽn ꞌwec horrwaa ĩtĩho. Nẽ waathinniook nicciag, baa hõllõngaa aduhi nẽẽnĩ. Ma baa edeccia thooꞌthioha cieeg vẽlẽk, ikia adak ĩnõõnnõ magĩthĩ.

Yõaannẽ 8:46

Nganĩ hõrggẽẽnaa cunuung ꞌcĩ occa ammũda ꞌthẽccan hĩ nganĩĩta? Má haduhaakuung naa thõõth dĩdĩ nẽ hõllõngaa ẽlẽmmaangu inni?

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 5:2

Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.