Ebereei 4:11 - ꞌBuuk cĩ Thõõth cĩ Nyekuci

¹¹ Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 4:11 ပူးပေါင်းရင်းမြစ်များ

Maatteeo 11:12

Nganĩngĩtĩ waathinniook baag Yõaannẽ Batitta ĩꞌthõng hĩĩ noho, ĩtĩlĩth habuccieet cĩ hẽẽtkujjieen ꞌtirriaanaa ꞌcĩ maka gẽrrẽẽt nẽ aattĩg eeta ꞌcĩg adiim õõĩ habuccieet nicci ꞌtirriaana.

Maatteeo 7:13

“Uduhunit hattũũg ꞌcĩ lũdũcĩ. Hĩnĩngĩtĩ padtac hattũũg hĩ ꞌgõõl ꞌcĩ õkõõĩ eet ĩĩcĩ daahĩthõõ nẽ mẽẽlĩg eeta ꞌcĩg aduhun ngaatĩho.

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

ꞌLuuka 16:16

Ma ho, irrioonĩk Yeesu nuyyiook ĩĩnnĩk “Baa udukiaak eet vẽlẽk nyattalĩ cĩ Mũũꞌtha hĩ thõõth cĩ põrõvẽtaaꞌnyanu, ĩꞌthõng hikia Yõaannẽ Batitta. Nganĩngĩtĩ irkiꞌnyia nicciag, nga ꞌthẽk allimanoothĩk eet nyeemuut ꞌcĩ abũnnaa cĩ habuccieet cĩ Nyekuci noho nẽ nga ꞌthẽk attĩman eeta vẽlẽk kõmĩĩtha ngaatĩ occa adukni.

Yõaannẽ 6:27

Ma harrĩcanaannu dtiic, hĩnĩngĩtĩ ꞌgẽẽn ꞌcĩ ugguba, nẽẽthĩ, ĩrrĩcatta dtiic ꞌcĩ aꞌnyak rũgẽt ꞌcĩ aalla ũdũt, ꞌcĩ hatĩ aaꞌnyuung Ngeertĩ Eeto ngagiita. Baa aaꞌnyĩk Maaꞌnyia Nyekuci ĩnõõnnõ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta.”

Dtiicanĩ cĩg ꞌThooyyiahu 26:19

“Nẽ ꞌyioko habu Agirippa, baa hõllõngaa haburi naa thõõth cĩ molook ꞌcĩ aku hẽẽtahujjieen ko.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Kolooꞌthe 3:6

Aku hatĩ uuk Nyekuci eet ngaꞌngaritta, hĩnĩngĩtĩ thooꞌthiok iccig.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 3:18

Hĩ nganĩ baag abũtaneek Nyekuci irkiꞌnyia hẽẽn ꞌwec anneek, hõllõngaa hatĩ aduhun nẽẽg nĩngĩtĩ aayyi nẽẽ, hátĩ hõõt hiyyiomanit, hõllõngaa nooyyia ĩhõõggõ eeta baag abũrĩ thõõth cĩ Nyekuci?

Ebereei 4:6

Nga abbuuhi nĩngĩtĩ ꞌyiommaanõ ho, hátĩ huduhunit eeta ũgẽẽgĩ, aitiõõ eeta baag ĩthĩhĩt nyeemuut ꞌcĩ abũnnaa nẽ ũtũbũrĩt hõllõngaa aduhuni.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

2 Pẽẽtũrũ 2:6

Baa uuk Nyekuci eet cĩg ꞌtaaũnniook ꞌcĩg obbitig cĩg ꞌThõõdõmĩ hĩ ꞌGõmõõra, ngaatĩ atũũthĩ ĩhõõggõ hĩĩtõ hatiꞌtheet nẽ aaꞌnyĩk ĩhõõggõ hĩĩtõ terethiinit ꞌcĩ ꞌgii ꞌcĩ hatĩ edeeꞌnyiak eet vẽlẽk ꞌcĩg hõllõngaa iꞌngolli Nyekuc.