Ebereei 3:6 - ꞌBuuk cĩ Thõõth cĩ Nyekuci

⁶ Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 3:6 ပူးပေါင်းရင်းမြစ်များ

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 16:18

Nẽẽthĩ ꞌyioko, hutuvvii hatĩ gõõng naa nganiit hiinnihii Pẽẽtũrũ, nĩngĩtĩ aĩ, ‘Lõbarab.’ Nẽ lõbarabaa cĩ, hehenyiti hatĩ naa lothippit cĩ lemmioohu nẽ aitiõõ hatĩ ꞌtirriani cĩ daahĩthõõ hõllõngaa ũũlũ ĩhõõggõ.

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

ꞌRooma 11:22

Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 5:2

nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

1 Korinthia 3:16

Hõllõngaa agayyu niig aĩ, ĩĩn eleeti cugguung ꞌCieeth cĩ Nyekuci nẽ aaĩ Lorii cĩ Nyekuci hĩ ngagiita?

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

1 Tẽꞌthaloonika 5:16

Accamattoothĩk hõdõõkõthĩ.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

1 Timotteeo 3:15

Má hõllõngaa hakuu hĩdĩĩkoothong, etereꞌthii hatĩ waraga ciee ꞌgõõl ꞌcĩ occa haattiyyi naag lothippiti cĩ lemmiook cĩg halang cĩ Nyekuci jurrung, hĩnĩngĩtĩ hĩĩgĩn naag halang cĩ Nyekuci ꞌcĩ arũgĩ, ꞌcĩ ĩĩn hitiir ꞌcĩ õkõmĩ ꞌcĩ hammũdaanĩ thõõth ꞌcĩ ĩĩn dĩdĩ.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

Ebereei 10:19

ꞌGotoonoga hĩ ngoonoga, akũtanneet biyyieeta cĩg Yeesu ngagĩĩt ngaatĩ hadukni Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 10:21

Nẽ hĩcĩ haꞌnyak naag paadĩr cobbi ꞌCieetõõ cĩ Nyekuci,

Ebereei 10:23

Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.

Ebereei 10:35

Ĩnõõ ꞌcĩ haĩ, ma hadhuheeku kõmĩĩth cĩ lemiinit cunuung tuu, hĩnĩngĩtĩ õbõdaakuung hatĩ ngagiit ꞌbaaniniti cobbiẽẽnĩ.

Ebereei 11:1

Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

Terethiinit 2:18

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thiatira. “Duhaak anneek, nyeemuut nicciaa ꞌcĩ ĩꞌthõõa Ngeertĩ Nyekuci, ꞌcĩ alanyĩt hẽbẽrĩ haauto hĩ lanyit cĩ ꞌgwoyyio nẽ attaalito ꞌthoona hĩ ꞌthĩĩha ꞌcĩg attalĩthĩ.

Terethiinit 2:25

Uꞌthuutti thõõth cĩ Nyekuci jurrung ĩꞌthõng hikia naana.

Terethiinit 2:26

“Nẽ haaꞌnyihi hatĩ naa eet ꞌcĩ ũtũbũr thõõth cĩ ꞌThĩttaanõ nẽ ũꞌthũũtĩ lemiinit caannĩ ũdũt, makaaꞌthĩt ꞌcĩ aggamĩ loonyin vẽlẽk, ĩꞌthõng decciaanĩt cĩ lootu.

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.