Ebereei 3:5 - ꞌBuuk cĩ Thõõth cĩ Nyekuci

⁵ Baa ẽlẽmĩ Mũũꞌtha ngaatĩ adticanõõthĩkĩ eet ꞌCieethaa cĩ Nyekuci nẽ uduha cũrũmũũm thooꞌthiok ꞌcĩg hatĩ au edeeꞌnyia horumwa.

Ebereei 3:5 ပူးပေါင်းရင်းမြစ်များ

Luugithõõ 14:31

Ma baa acĩn eeta cĩg Ĩꞌthĩraẽlĩ ꞌtirrian cobbi ꞌcĩ uuki Makayyioohiti eet cĩg Ijjibi ho, iita itingolli nẽẽg Makayyioohit nẽ aarrik ꞌthinneeti cĩggĩĩng hĩ ĩnõõnnõ hĩ Mũũꞌtha dticciannioohit cĩnnĩ buúk.

Maatteeo 24:45

“Nganĩ ꞌcĩ ĩĩn dticciannioohit ꞌcĩ abũnnaa ꞌcĩ ẽggẽẽnyĩth, ꞌcĩ anneek baattĩ olu, bẽẽk õlõ cĩnnĩ nẽ aaꞌnyĩk eet cĩg olu ꞌgẽẽn ꞌthaa ꞌcĩ adiimi nẽẽgĩ?

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

ꞌLuuka 24:27

Nẽ ꞌthianaatta hĩ Mũũꞌtha hĩ põrõvẽtaaꞌnya vẽlẽk, uduhaak Yeesu ĩhõõggõ thõõth baa adukiaa ꞌBuuhẽtĩĩ cĩg Nyekuci, hĩnĩngĩtĩ ĩnõõnnõ.

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Dtiicanĩ cĩg ꞌThooyyiahu 28:23

Nĩngĩtĩ aarĩkĩ kõr umwa ꞌcĩ au õmmõtõõnĩ hĩ Paaulo. Ma ho, iita ꞌthẽk othohottia nẽẽg eet ꞌcĩg mẽẽlĩg ngaatĩ baa aayyi nẽẽ ho. Ma kõr niccia ngerrenita ĩꞌthõng hutub lõõcĩ, irrioonĩk Paaulo eet nẽ uduhaak ĩhõõggõ habuccieet cĩ Nyekuci. Baa attĩman gẽrrẽẽt, ngaatĩ alũllũũmanẽẽkĩ ĩhõõggõ thõõth cĩ Yeesu, nyattaalaa cĩ Mũũꞌtha hĩ thooꞌthiohĩĩ ꞌcĩg ẽhẽẽd põrõvẽtaaꞌnya.

Dtiicanĩ cĩg ꞌThooyyiahu 7:37

“Mũũꞌtha ꞌcĩ aduhaak eet cĩg Ĩꞌthĩraẽlĩ anneek, ‘Ĩꞌthõõakuung hatĩ Nyekuci ngagiit põrõvẽtaac ꞌcĩ haduhoonna hĩ nganĩĩt eetinii cugguung.’

ꞌRooma 3:21

Nẽẽthĩ ꞌyioko, eteretheeheet Nyekuci ngagĩĩt ꞌgõõl ꞌcĩ aaꞌnyeet ngagĩĩt hũbũttaath hĩ ĩnõõnnõ. Aduha nyattalĩ hĩ põrõvẽtaaꞌnya ꞌgõõl ꞌcĩ aku elemmeet Nyekuci ngagĩĩta nẽ hõllõngaa, hĩnĩngĩtĩ hanũ nyattal cĩ Mũũꞌtha.

1 Korinthia 4:2

Nẽẽthĩ ꞌyioko, adiim eeta baag aaꞌnyĩhoothĩk dtiici hidticanit dtiic cĩnĩĩng jurrung.

1 Timotteeo 1:12

Hatali naa Yeesu Krĩstõ Makayyioohit cĩnaac baa aaꞌnya nganĩĩt ꞌtirrian, hĩnĩngĩtĩ acĩnna nẽẽ nganĩĩt ngaatĩ haꞌthũũnnĩ thõõth ꞌcĩ hadticanĩĩ dtiic cĩnnĩ dĩdĩ.

Ebereei 1:1

Baangaani, baa gõõng othoothĩk Nyekuci hĩbaangĩ utugeetinii cĩg põrõvẽtaaꞌnyanu tabattĩ mẽẽlĩg ꞌgoolliohĩĩ cũũmõ cũũmõ.

Ebereei 3:2

Baa athĩhĩ Yeesu Nyekuc baa ẽbẽra ĩnõõnnõ, haau hĩ baa athĩhĩ Mũũꞌtha Nyekuc, ngaatĩ adticanõõthĩkĩ eet vẽlẽk cĩg Nyekuci.

Ebereei 3:4

Hĩnĩngĩtĩ aꞌnyak ꞌcieethi vẽlẽk teheꞌnyioohit, nẽẽthĩ, eet ꞌcĩ ẽhẽnyta hẽlẽggĩ vẽlẽk Nyekuci.

Ebereei 8:5

Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

Terethiinit 15:3

Nẽ ebenit tẽgẽl cĩ Mũũꞌtha baa ĩĩn dticciannioohit cĩ Nyekuci nẽ ebenit tẽgẽl cĩ Mĩꞌnyõõnak buúk ĩĩtõ, “Makayyioohit Nyekuc ꞌTirriannioohit ꞌcĩ ĩllõõani vẽlẽk, abulanneet thooꞌthioha ꞌcĩg adticani nii ꞌcĩg ĩĩn dĩdĩ. Aggami nii eet vẽlẽk jurrung, nii Habuui cĩ irkiꞌnyia vẽlẽk ko.