Ebereei 3:12 - ꞌBuuk cĩ Thõõth cĩ Nyekuci

¹² ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 3:12 ပူးပေါင်းရင်းမြစ်များ

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 24:4

Ẽdẽcĩ Yeesu aĩ, “Ĩcĩnĩt jurrung nẽ ma haaꞌnyiku eet umwa higgooluung ngagiita.

Maarko 13:23

Aaut dĩkĩĩm huduhaahuung naa ngagiit thõõth vẽlẽk, õõa ꞌcĩ nga hikiaaĩ kõrra tĩho.”

Maarko 13:33

Aaut dĩkĩĩm, hĩnĩngĩtĩ hõllõngaa agayyu niig aku kõrra tĩho hatĩngaan.

Maarko 13:9

“Ma iꞌthiattaaĩ ẽdẽẽnyta thooꞌthioha cieegi, uꞌthuutti eleeti cugguung, hĩnĩngĩtĩ aggamiinnu hatĩ niig nẽ oottu lokihooa, nẽ ommokteeu ꞌCieethinii cĩg Laiittak. Aꞌngĩdeennu hatĩ õõt ĩbĩlĩt muumtinii cĩg makayyioohu hĩ ĩĩcĩg habueetu, hátĩ udukta lemiinit ꞌcĩ ẽlẽmmaangu niig nganĩĩt ko.

ꞌLuuka 21:8

Ẽdẽcĩ Yeesu anneek, “Uꞌthuutti eleeti, hátĩ hiittiõõ hõllõngaa iggoolluung eeta. Au hatĩ eeta ꞌcĩg mẽẽlĩg ꞌthaarĩĩ cĩgannĩg ꞌcĩg au õthõõth aĩ, ‘Hĩĩnĩ naa Krĩstõ,’ nẽ ‘Õbõhĩ kõrra.’ Ma hanuyyu ĩhõõggõ.

ꞌRooma 11:21

Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

1 Tẽꞌthaloonika 1:9

Nẽ tarĩ, baa athithan eeta vẽlẽk thõõth ꞌcĩ elemmeetu niig ngagĩĩt, kõr baa hẽhẽẽrõnaakuung, hĩ ꞌgõõl baa uunniku niig hẽlẽggĩ ꞌcĩg ala eeta hĩĩtõ nyekuꞌnya nẽ idticattoothihu Nyekuc dĩdĩ ꞌcĩ arũgĩ.

Ebereei 10:31

Ahuci ukẽẽnĩtĩ gẽrrẽẽt athĩnĩĩ cĩg Nyekuc ꞌcĩ arũgĩ.

Ebereei 10:38

Nẽẽthĩ, arũgĩ hatĩ ẽẽtĩ caannĩ ꞌcĩ abũnnaa, hĩnĩngĩtĩ lemiinit. Nẽ aitiõõ hatĩ naa hõllõngaa haccamanoothihi, hatĩ aaĩ ẽẽtĩ umwaa ꞌcĩ abũrra nganĩĩta.”

Ebereei 12:15

Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 3:10

Ĩnõõ ꞌcĩ baa halĩĩllĩkĩĩ naa eet tĩko irkiꞌnyia nicciag, nẽ hĩĩna nẽẽ, ‘Gõõng abũrra nẽẽg nganĩĩta. Nẽ ũtũbũrĩt thõõth ꞌcĩ haduhaahi naa ĩhõõggõ hidticanit.’

Ebereei 3:19

Hĩcĩnĩt naag ngaatĩ hõllõngaa adukni nẽẽg nĩngĩtĩ ꞌyiommaanõ ho, hĩnĩngĩtĩ abũrĩ nẽẽg thõõth cĩ Nyekuci.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.