Ebereei 2:9 - ꞌBuuk cĩ Thõõth cĩ Nyekuci

⁹ Hĩcĩnĩt naag Yeesu baa arritanniaa hĩdĩhĩdĩĩc hĩllõõan aajĩlẽẽt. Nẽẽthĩ ꞌyioko, itihimoothĩk ĩnõõnnõ tẽmẽdẽhĩ cĩ bulẽẽttõ hĩcĩ tẽẽlꞌthĩtõõ, hĩnĩngĩtĩ baa adaak nẽẽnĩ. Bũnnaiittaa cĩ Nyekuci dĩdĩ, ikia atar Yeesu daahĩth hĩnĩngĩtĩ eet vẽlẽk.

Ebereei 2:9 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 6:28

Inni ahayũngattĩ niig, hĩnĩngĩtĩ ceremwa haaga ho? Ĩcĩnĩt nõõ ꞌgõõl ꞌcĩ alĩꞌthĩ nyetturi cĩg moru, aitiõõ nẽẽg hõllõngaa adticanni hode ẽhẽnyta ceremwa.

Maarko 9:1

Baa aduhaak Yeesu nuyyiook cĩgĩnnĩg hĩ lothippit anneek, “Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ hõllõngaa adaahĩ nga hĩcĩnĩt habuccieet cĩ Nyekuci ngaatĩ akuuni ꞌtirriaana.”

ꞌLuuka 9:27

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ arũgĩ ĩꞌthõng hĩcĩnĩt habuccieet cĩ Nyekuci.”

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 10:17

“Ammĩnannaa Baaba nganĩĩt, hĩnĩngĩtĩ hẽlẽmanaa naa rũgẽt caannĩ hadaahõ nẽ hatĩ hikia hũrũga tarĩ.

Yõaannẽ 12:32

Nẽẽthĩ, má hõdõngĩ naa hẽẽtahujjieen, halũta hatĩ eet vẽlẽk hiita hĩ nganĩĩta.”

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Yõaannẽ 8:51

Haduhaakuung dĩdĩ, ẽẽtĩ ꞌcĩ aꞌthũũnnĩ thõõth caannĩ, aitiõõ hatĩ hõllõngaa adaahĩ ũdũt.”

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!

Dtiicanĩ cĩg ꞌThooyyiahu 2:33

Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

ꞌRooma 5:18

Õõ hatĩ etteedothoothĩk eet vẽlẽk thooꞌthioha, hĩnĩngĩtĩ ꞌthẽccan cĩ Aadamĩ. Nẽẽthĩ, hĩnĩngĩtĩ ꞌgii ꞌcĩ abũnnaa ꞌcĩ adĩman Krĩstõ, elemeet Nyekuci ngagĩĩt nẽ aaꞌnyeet ꞌbaaninit cĩ rũgẽtõ.

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

ꞌRooma 8:32

Baa hõllõngaa ẽdẽnĩ Nyekuci Ngeerĩnĩ, nẽẽthĩ, baa aaꞌnyeet nẽẽ ĩnõõnnõ ngagĩĩta. Má baa adĩman Nyekuci hoti, ĩcca occa hatĩ hõllõngaa aaꞌnyeet nẽẽ hẽlẽggĩ vẽlẽk haaga?

2 Korinthia 5:15

Nẽ baa adaahĩ Krĩstõ, hĩnĩngĩtĩ eet vẽlẽk, hátĩ hiittiõõ eeta ꞌcĩg arũgĩ hõllõngaa arũgĩ, hĩnĩngĩtĩ eleeti cĩggĩĩng diooni. Abũnnaa arũgĩ nẽẽg, hátĩ haccamattoothĩk hĩ Krĩstõ baa adaahĩ nẽ ũrũga tarĩ, hĩnĩngĩtĩ ĩhõõggõ.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

ꞌGalaaꞌthia 4:4

Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,

1 Timotteeo 2:6

Baa ẽlẽmana nẽẽ ẽlẽ cĩnnĩ, hátĩ hõõga eet vẽlẽk haauto lõꞌngõõc. Nyeemuut ciee ꞌcĩ aaꞌnyĩk Nyekuci eet loonyini vẽlẽk, hatĩ ũttũbanoothĩk kõrra tĩho.

Ebereei 1:9

Baa ammĩnani nii thõõth ꞌcĩ abũnnaa nẽ aaburreehu thooꞌthiok ꞌcĩg abathĩ, nẽẽthĩ, hẽbẽraaii naa Nyekuci cunni nganiit ꞌlõõan ꞌgoonogu vẽlẽk, nẽ hiniibii ngõõrraa cĩ taliitto.”

Ebereei 10:5

Ĩnõõ baa akuuni Krĩstõ loota nĩnga, hikia hĩĩnnĩk Nyekuc, “Baa hõllõngaa adiimi nii ꞌgaarriẽẽn cĩg idiꞌngwaanu hode atabi ꞌbaaninit ꞌcĩ ũũny ꞌthẽccanẽẽt. Nẽẽthĩ, baa aaꞌnyaa nii nganĩĩt ẽlẽ caannĩ hẽlẽmana hĩĩ ꞌbaaninit.

Ebereei 11:5

Baa lemiinit ꞌcĩ aaꞌnyĩk Ẽẽnõk hũũk hẽẽtahujjieen rũgẽtẽẽt ko, “Baa aꞌnginoothi nẽẽ, hĩnĩngĩtĩ Nyekuc ꞌcĩ baa õkõõĩ ĩnõõnnõ ho.” Baa nga hũũk Ẽẽnõhĩ hẽẽtahujjieen, baa agayyi nẽẽ ngaatĩ ĩĩnnĩ eet ꞌcĩ aaꞌnyĩk Nyekuc haccamanoothĩk.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 2:7

Hĩnĩngĩtĩ irritanaa nii ĩnõõnnõ hĩdĩhĩdĩĩc hĩllõõan aajĩlẽẽt nẽ itihimẽẽhĩ ĩnõõnnõ temedek cĩ bulẽẽttõ hĩ ꞌcĩ iꞌngoliini eeta ĩnõõnnõ.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 8:3

Nẽẽthĩ, ma eberriaa paadĩrĩ umwaa cobbi haaꞌnyĩk Nyekuc ꞌbaaninit hĩ ꞌgaarriẽẽn, occa aaꞌnyĩk paadĩrĩ cĩnaac cobbi buúk Nyekuc ꞌgaarrieenit cĩnnĩ.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

Terethiinit 19:12

Baa alanyĩt hẽbẽrĩ cĩgĩnnĩg aattĩg hĩ ꞌgwaa nẽ itihim tẽmẽdẽhĩt ꞌcĩg mẽẽlĩg. Nẽ eheeddi ꞌthaara ẽllaa cĩnnĩ ꞌcĩg hõllõngaa aga eet umwaanĩ, aga nẽẽ dioo.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.