Ebereei 2:3 - ꞌBuuk cĩ Thõõth cĩ Nyekuci

³ Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

Ebereei 2:3 ပူးပေါင်းရင်းမြစ်များ

Maatteeo 23:33

“Niig lohollia cĩg hũkaaꞌnyanu ho! Alĩĩtannu hatĩ niig ukẽẽnĩt cĩ ꞌgwoo ꞌcĩ aalla ũdũt hutuno?

Maatteeo 4:17

Ngaanĩngĩtĩ kõr niccia, iꞌthianaaĩ Yeesu ngaatĩ irrioonĩkĩ eet annẽẽkĩ, “Ũtũngteek ꞌthẽccanẽẽt cugguung, hĩnĩngĩtĩ aau habuccieet cĩ hẽẽtkujjieen ojoonu.”

Maarko 1:14

Ma baa urutaa ꞌcĩ aarĩhõõthĩhĩ Yõaannẽ baabuuth ẽlẽk, ikia ũũk Yeesu ꞌGalileea nẽ ũũk illiman nyeemuut ꞌcĩ abũnnaa cĩ Nyekuci.

ꞌLuuka 1:2

Ĩĩn thooꞌthioha baag ẽhẽẽd nẽẽg ko, nyeemuꞌnya baag aduhaakeet ngagĩĩt eeta baag ĩcĩnĩt hẽbẽrẽẽnnĩĩ cĩggĩĩng dẽẽdẽ.

ꞌLuuka 1:69

Aaꞌnyeet nẽẽ ngagĩĩt Ellioohit ꞌcĩ attiran gẽrrẽẽt, ꞌcĩ aku habuccieetaa cĩ Daavide dticciannioohit cĩnnĩ,

ꞌLuuka 24:19

Ẽdẽcĩ Yeesu anneek, “Neegi baallĩ?” Ẽdẽcĩ nẽẽg aĩ, “Thõõth cĩ Yeesu cĩ Naaꞌtharẽtĩ, baa ĩĩn põrõvẽtaac ꞌcĩ attiran gẽrrẽẽt thooꞌthiohĩĩ ꞌcĩg õthõõthĩ nẽ idtican hẽbẽrẽẽnnĩĩ cĩg Nyekuci hĩ ĩcĩg eet vẽlẽk.

Yõaannẽ 15:27

Adiim aduhaaku niig buúk eet thõõth caannĩ, hĩnĩngĩtĩ baa hũrũmtĩ naag hĩ ngagiit baa ĩĩcĩ oou.

Dtiicanĩ cĩg ꞌThooyyiahu 1:22

iꞌthianaanĩ kõr baa baattithimo cĩ Yõaannẽ ĩꞌthõng hikia hõdõngĩ Yeesu hũũk hẽẽtahujjieen. Hĩnĩngĩtĩ, hátĩ hikia hĩĩ ẽẽtĩ ꞌcĩ hẽbẽra ho, hebereec cĩ thõõth baa arũgnaanĩ Makayyioohiti Yeesu.

Dtiicanĩ cĩg ꞌThooyyiahu 2:22

“Ĩthĩhĩt thooꞌthiok iccig, niig eeta cĩg Ĩꞌthĩraẽlĩ. Baa ĩĩn Yeesu cĩ Naaꞌtharẽtĩ eet ꞌcĩ aku makaaꞌthĩtaa cĩ Nyekuci nẽ aaꞌnyĩk Nyekuci ĩnõõnnõ hidtican thooꞌthiok ꞌcĩg ĩnaat eeta. Nẽ agayyu ꞌthẽk niig vẽlẽk thõõth icci, hĩnĩngĩtĩ baa adtican Yeesu thooꞌthiok iccig hõrggẽẽnaa cunuung.

Dtiicanĩ cĩg ꞌThooyyiahu 4:12

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

ꞌRooma 11:14

haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ.

ꞌRooma 2:3

Nẽ ꞌyioko ma etteedihi nii ẽẽtĩ ꞌcĩ holli õõ haaga ĩhõõggõ thõõth nẽ nẽẽ aalla adĩmani thooꞌthiok tĩko dẽẽdẽ, ammuhi nii aini alĩĩta hatĩ ukẽẽnĩt cĩ Nyekuci?

1 Korinthia 1:21

Baa ẽggẽẽnyĩth Nyekuci ngaatĩ hõllõngaa aaꞌnyĩkĩ eet cĩg looc nicci hidticattõõĩ ꞌgẽẽnyĩth cĩnĩĩng hagayyi ĩnõõnnõ. Nẽẽthĩ hinnianĩ, baa ẽbẽra Nyekuci ngaatĩ ẽẽlĩ eet ꞌcĩg ẽlẽmĩ nyeemuut ꞌcĩ aggiithi ꞌcĩ hallimanna naag ko diooni.

1 Tẽꞌthaloonika 5:3

Ma ammuk eeta aĩ, “Haattiyyia lõꞌngõõc ꞌlẽẽmĩtha,” adhukiaak hinnia hatĩ pĩĩrnanĩtĩ ꞌcĩ ĩꞌthaan ĩhõõggõ haau hĩ gõõng alubaak ngaa huciithi ꞌcĩ atturi ꞌgoonnia. Nẽ aitiõõ hatĩ nẽẽg hõllõngaa alĩĩta.

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

Tiito 2:11

Hĩnĩngĩtĩ eteretheeheet bũnnai cĩ Nyekuci ꞌgõõl ꞌcĩ eellianĩ eeta vẽlẽk bũnnaiitta cĩnnĩ.

Ebereei 1:1

Baangaani, baa gõõng othoothĩk Nyekuci hĩbaangĩ utugeetinii cĩg põrõvẽtaaꞌnyanu tabattĩ mẽẽlĩg ꞌgoolliohĩĩ cũũmõ cũũmõ.

Ebereei 1:14

Nẽẽthĩ hoti ho, ĩĩn aajĩlẽẽta loriẽẽt haaga ꞌcĩg ĩꞌthooyyiaa, hiita hidticattoothĩk eet ꞌcĩg hatĩ eelliaa.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Yõaannẽ 1:1

Haduhaakuung naa ngagiit eet ꞌcĩ baa aaĩ baa ꞌthianaattaa cĩ lootu, baa hathĩkna nẽ hĩcĩtta ĩnõõnnõ hẽbẽrẽẽnnĩĩ cĩggaang nẽ huhumta athĩnĩĩ cĩggaang dẽẽdẽ. Ĩĩn nẽẽ Thõõth cĩ rũgẽt ꞌcĩ hirrioonna naag ko.

ꞌJuud 1:17

ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou.

Terethiinit 7:10

Ẽggẽrẽny nẽẽg vẽlẽk aĩ, “Aku eliiniti vẽlẽk hĩ Nyekuc cĩnaac ꞌcĩ aaĩ dtaabawa ho nẽ aku hĩ Mĩꞌnyõõn.”