Ebereei 2:2 - ꞌBuuk cĩ Thõõth cĩ Nyekuci

² Hĩnĩngĩtĩ thõõth baa aduha aajĩlẽẽta, ĩĩn thõõth dĩdĩ nẽ má baa ẽꞌthẽcan ẽẽtĩ umwaanĩ, uuki eet tĩho thõng.

Ebereei 2:2 ပူးပေါင်းရင်းမြစ်များ

Dtiicanĩ cĩg ꞌThooyyiahu 7:53

Baa ngagiit ꞌcĩg aaꞌnyĩhoothĩkuung nyattalĩ cĩ Nyekuci baa aꞌnyaha aajĩlẽẽta, nẽẽthĩ hinnia, hõllõngaa anuyyu ũdũt.”

ꞌGalaaꞌthia 3:19

Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta.

Ebereei 1:1

Baangaani, baa gõõng othoothĩk Nyekuci hĩbaangĩ utugeetinii cĩg põrõvẽtaaꞌnyanu tabattĩ mẽẽlĩg ꞌgoolliohĩĩ cũũmõ cũũmõ.

Ebereei 10:28

Nẽ ẽẽtĩ ꞌcĩ baa abũrĩ nyattal baa Mũũꞌtha, aruhi hiꞌthihi tamaati hẽbẽrẽẽnnĩĩ cĩg eet ꞌcĩg ĩĩn ꞌramma hode iyyio.

Ebereei 10:35

Ĩnõõ ꞌcĩ haĩ, ma hadhuheeku kõmĩĩth cĩ lemiinit cunuung tuu, hĩnĩngĩtĩ õbõdaakuung hatĩ ngagiit ꞌbaaniniti cobbiẽẽnĩ.

Ebereei 11:26

Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

2 Pẽẽtũrũ 1:19

Nẽẽthĩ hoti ho, haga naag jurrung, ngaatĩ haarĩkĩ ꞌthinneeti cĩggaac nyeemuutaa cĩ Nyekuci ĩĩ baa irrioon põrõvẽtaaꞌnya. Aaĩ nyeemuut ciee hĩ ꞌloomo ꞌcĩ attũllĩ muguuratõõ, alanyĩt ĩꞌthõng haal lõõcĩ nẽ attũllĩ lanyit cĩ Krĩstõ ꞌthinneetinii cugguung, haau hĩcĩ attũhũl cõõbõõcĩ cĩ ngerrenito looc. Adticannu hatĩ ꞌgii ꞌcĩ abũnnaa, hatĩ athiknu nyeemuut icci jurrung.

ꞌJuud 1:5

Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta.