Ebereei 2:17 - ꞌBuuk cĩ Thõõth cĩ Nyekuci

¹⁷ Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 2:17 ပူးပေါင်းရင်းမြစ်များ

ꞌRooma 15:17

Nẽẽthĩ hoti ho, haccamanoothihi naa hĩnĩngĩtĩ Yeesu Krĩstõ dtiicaa caannĩ hĩ Nyekuc.

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

Eevvetho 2:16

Nẽ ẽllaa nĩĩcĩ dioo, ikia aganĩth Krĩstõ ĩhõõggõ hĩ Nyekuc, ngaatĩ adaaknĩ hurucceea nẽ ĩbĩlĩ mẽdẽr cĩnĩĩng.

Kolooꞌthe 1:21

Baa gõõng iiginnu niig ꞌrẽẽttĩg hĩ Nyekuc. Baa aaꞌnyuung muhẽẽnĩtĩ cunuung ngagiit ĩĩtõ mĩrõk cĩg Nyekuci nẽ ĩdĩmattu thooꞌthiok ꞌcĩg abathĩ.

Ebereei 10:21

Nẽ hĩcĩ haꞌnyak naag paadĩr cobbi ꞌCieetõõ cĩ Nyekuci,

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Ebereei 2:16

Nẽ dĩdĩ, baa hõllõngaa aku nẽẽ aĩ hẽẽla aajĩlẽẽt, baa aku ẽẽla lõhõlĩ cĩg Abũrahamĩ vẽlẽk.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 3:2

Baa athĩhĩ Yeesu Nyekuc baa ẽbẽra ĩnõõnnõ, haau hĩ baa athĩhĩ Mũũꞌtha Nyekuc, ngaatĩ adticanõõthĩkĩ eet vẽlẽk cĩg Nyekuci.

Ebereei 3:5

Baa ẽlẽmĩ Mũũꞌtha ngaatĩ adticanõõthĩkĩ eet ꞌCieethaa cĩ Nyekuci nẽ uduha cũrũmũũm thooꞌthiok ꞌcĩg hatĩ au edeeꞌnyia horumwa.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 5:1

Eberriaa paadĩrĩ cobbi lothippitaa cĩ eetu hĩĩ dticciannioohit cĩ Nyekuci, haaꞌnyĩk Nyekuc ꞌbaaninit hĩ ꞌgaarriẽẽn ꞌcĩg ũũny ꞌthẽccanẽẽt cĩg eetuk.

Ebereei 5:10

Nĩngĩtĩ aku ẽbẽraanĩ Nyekuci ĩnõõnnõ hĩĩ paadĩr cobbi haau hĩ baa Melkithẽdẽhĩ.

Ebereei 5:2

Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

Ebereei 5:5

Ĩnõõ baa hõllõngaa attihi Krĩstõ makaaꞌthĩt cĩ paadĩr cobbi ẽmmẽn, Nyekuc ꞌcĩ baa aduhaak ĩnõõnnõ anneek, “Iini nii Loholeec caannĩ nẽ ꞌyioko kõr nicci, hanneekii hĩĩnĩ naa Maaꞌnyu.”

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 7:28

Nẽẽthĩ, baa ẽbẽra nyattalĩ paadĩrꞌnya ꞌcĩg ĩĩn eet haaga ꞌcĩg hõllõngaa attiranĩ. Ma baa aaꞌnyĩhoothĩk eet nyattalĩ, ikia ẽbẽra Nyekuci Ngeerĩnĩ lõbũtĩĩa nẽ ikia ĩĩ Ngeerĩnĩ paadĩr cobbi ꞌcĩ ĩllõõan paadĩrꞌnya vẽlẽk ũdũt.

Ebereei 8:1

Thõõth dẽẽdẽ ꞌcĩ aaddi ꞌcĩ aĩ nẽẽ, haꞌnyak naag paadĩr cobbi, ĩnõõnnõ Yeesu ꞌcĩ iccioloongan attiaa cobbi dtaabawa, makaaꞌthĩtaa cĩ Nyekuci hẽẽtahujjieen.

Ebereei 8:3

Nẽẽthĩ, ma eberriaa paadĩrĩ umwaa cobbi haaꞌnyĩk Nyekuc ꞌbaaninit hĩ ꞌgaarriẽẽn, occa aaꞌnyĩk paadĩrĩ cĩnaac cobbi buúk Nyekuc ꞌgaarrieenit cĩnnĩ.

Ebereei 9:11

Nẽẽthĩ ꞌyioko, ikia ĩĩ Krĩstõ paadĩr cobbi cĩ hẽlẽggĩ vẽlẽk ꞌcĩg abũnnaa ꞌcĩg aauto loota nĩnga ho. Nẽ uduhun nẽẽ ꞌCieeth cĩ Nyekuci hẽẽtahujjieen, ꞌcĩ baa hõllõngaa ẽhẽnyta ẽẽtĩ ꞌcĩ holli õõ nẽ hõllõngaa ĩĩn dhoorit cĩ looc ꞌcĩ ẽhẽnytaa thõng ko.