Ebereei 2:11 - ꞌBuuk cĩ Thõõth cĩ Nyekuci

¹¹ Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Ebereei 2:11 ပူးပေါင်းရင်းမြစ်များ

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 28:10

Ma nĩngaata, ikia uduhaak Yeesu ĩhõõggõ ĩĩnnĩk, “Ma hiteelinnu! Õõt uduktaak ꞌgotoonoga anneek, hõõt hommottio ĩĩcĩ ꞌGalileea, õõ hatĩ acĩnna nẽẽg nganĩĩt ĩĩca.”

Maarko 3:34

Nĩngĩtĩ akannĩ nẽẽ hẽbẽrĩ lothippit nẽ õthõõth ĩĩ, “Ĩĩn cieeg morwahit caannĩ hĩ ꞌgotoonoga hĩ ngoonoga cĩgannĩg!

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

ꞌLuuka 9:26

Nẽ má abũrĩ ẽẽtĩ umwaa ngaatĩ ẽlẽmma nganĩĩt hĩ thõõth caannĩ, abũrĩ hatĩ Ngeertĩ Eeto buúk ngaatĩ ẽlẽmmĩ ĩnõõnnõ, hatĩ ikia nẽẽ bulẽẽttaa cĩnnĩ, hĩ ĩĩcĩ Maacõnĩ, hĩ ĩĩcĩ aajĩlẽẽt ꞌcĩg ẽllẽẽmĩthĩ.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Dtiicanĩ cĩg ꞌThooyyiahu 17:26

Baa ẽhẽnyta Nyekuci loonyin ꞌcĩg ꞌyioko aattiyyi eeta loota nĩnga ho vẽlẽk, eeta hõdẽẽthõng nẽ ummuk authet hĩ ꞌgõõl ꞌcĩ aattiyyi.

Dtiicanĩ cĩg ꞌThooyyiahu 17:28

‘nẽ aaꞌnyeet nẽẽ ngagĩĩt ꞌtirrian ꞌcĩ harũgnĩ hĩ ꞌcĩ hõvvõõyyĩ hĩ ꞌcĩ hĩĩgĩnnĩ eet ko. Hĩĩgĩn naag lõhõlĩ cĩgĩnnĩg,’ haau hĩcĩ aduha teheeddioha cugguung cĩg dteellenu.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

ꞌGalaaꞌthia 4:4

Ma baa õdõlan kõrra niccia dẽẽdẽ, ikia ĩꞌthõõa Nyekuci Ngeerĩnĩ, ꞌcĩ baa ũũkca ngaa baa aꞌthũũnnĩ nyattal cĩ Mũũꞌtha,

Ebereei 10:10

Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 10:14

Hĩnĩngĩtĩ ꞌgaarrieenit cĩnnĩ ꞌcĩ odoyyii ho, ikia õõga Krĩstõ eet ꞌcĩg aꞌnyahaak nẽẽ Nyekuc ꞌthẽccaana.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 13:12

Baa accananni Yeesu nẽẽ buúk battaalaa cĩ ꞌtaaũn cobbi, hátĩ haanytĩk biyyieeta cĩgĩnnĩg eet helleemito.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.