Ebereei 2:10 - ꞌBuuk cĩ Thõõth cĩ Nyekuci

¹⁰ Baa Nyekuc ꞌcĩ ẽhẽnyta hẽlẽggĩ vẽlẽk ꞌtirriaanaa cĩnnĩ nẽ ikia ẽbẽan nẽẽ dioo ngaatĩ aaꞌnyĩkĩ Yeesu hũbũna ꞌcannaana, hátĩ hũũppan Yeesu ngaatĩ ẽẽlanĩ eet nẽ otholit bulẽẽnĩt cĩnnĩ.

Ebereei 2:10 ပူးပေါင်းရင်းမြစ်များ

ꞌThianaattõ 18:25

Nẽ dĩdĩ, occa ꞌthẽk hõllõngaa aruhi eeta ꞌcĩg abũnnaa hĩ ꞌthẽccanniook hõdẽĩ. Nganiit loota nĩnga ꞌcĩ etteedi thooꞌthiok jurrung nẽ occa hõllõngaa adĩmani eet ꞌcĩg ammĩrĩ ꞌbuth.”

ꞌLuuka 13:32

Ẽdẽcĩ hinnia Yeesu ĩhõõggõ anneek, “Õõt uduktaak irrieer iccia ĩĩttĩk, ‘Nga nõõ hiiggia naa loriẽẽt ꞌcĩg abathĩ nẽ hẽẽla eet ꞌcĩg õmmõõrĩ, kõr nicci hĩ lohotha nẽ hatĩ hẽdẽcaaha dtiic caannĩ luhutheet.’

ꞌLuuka 2:14

“Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

ꞌLuuka 24:26

Erekuung baa nooyyia ngagiit ngaatĩ occa accananiini Krĩstõ nga haaꞌnyĩhoothĩk bulẽẽnĩtĩ cĩnnẽẽnĩ?”

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

Yõaannẽ 11:52

Nẽẽthĩ nẽẽꞌthẽk, hõllõngaa occa adaahĩ Yeesu, hĩnĩngĩtĩ eet cĩg ꞌJudeei diooni, baa adaahĩ nẽẽ, hĩnĩngĩtĩ eet cĩg Nyekuci ꞌcĩg ĩꞌthanothoothĩk looc nicci vẽlẽk, hátĩ hũlũta nẽẽ ĩhõõggõ vẽlẽk ngaatĩ hõdẽẽthõng.

Yõaannẽ 19:30

Ma baa ũcũũcũ Yeesu viino nicci, ikia õthõõth nẽẽ ĩĩ, “Edeccia dtiici vẽlẽk!” Nĩngĩtĩ aggiingi õõ cĩnnĩ nẽ adaaha.

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

ꞌRooma 11:36

Au hẽlẽggĩ vẽlẽk hĩ Makayyioohit. Nẽ baa ẽhẽnytaa hẽlẽggĩ vẽlẽk, hĩnĩngĩtĩ ĩnõõnnõ nẽ hatĩ obodoothi hĩ ĩnõõnnõ. Hĩdĩhĩthĩt Makayyioohit ooo! Aamẽn.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 2:7

Aitiõõ tõõ, hõthõõꞌtha naag ꞌgẽẽnyĩth cĩ Nyekuci ꞌcĩ ĩllõõan ꞌgẽẽnyĩth cĩ eetu, baa ẽbẽra Nyekuci hidticanõõĩ hĩĩ bulẽẽnĩt cĩnaac, baa nga heteheꞌnyiaa hẽẽtkujjieen hĩ looc.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

2 Korinthia 5:18

Nyekuc ꞌcĩ adtican thooꞌthiok iccig vẽlẽk, ngaatĩ ĩꞌthõõanĩ Krĩstõ Ngeerĩnĩ hikia haganĩtheet ngagĩĩt hĩ Nyekuc nẽ aaꞌnyeet hĩĩtõ eet ꞌcĩg hadtican ganõn ngaatĩ haduhaakĩ eet helemit ĩnõõnnõ.

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Eevvetho 3:10

Baa tabiinit cĩ Nyekuci vẽlẽk ꞌcĩ baa adticaniini nẽẽ lothippit cĩ lemmioohu, hẽtẽrẽthaak ꞌgẽẽnyĩth cĩnnĩ ꞌcĩ aaĩ cũũmõ cũũmõ, makayyiook hĩ habuẽẽt ꞌcĩg hõllõngaa edeeꞌnyia ꞌcĩg aggam hẽẽtkujjieen.

Kolooꞌthe 3:4

Ma õbõda Krĩstõ ꞌcĩ aaꞌnyuung ngagiit ũrũgĩt ko, au hatĩ arũmeennu niig hĩ ĩnõõnnõ bulẽẽtta.

2 Timotteeo 2:10

Ĩnõõ cĩ hẽmmẽẽꞌthĩ naa thooꞌthiok vẽlẽk, hĩnĩngĩtĩ eet baag ẽbẽra Nyekuci, hátĩ hummuddia nẽẽg buúk elliaanĩt ꞌcĩ aaĩ hĩ Yeesu Krĩstõ bulẽẽttaa ꞌcĩ aalla ooo.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 7:28

Nẽẽthĩ, baa ẽbẽra nyattalĩ paadĩrꞌnya ꞌcĩg ĩĩn eet haaga ꞌcĩg hõllõngaa attiranĩ. Ma baa aaꞌnyĩhoothĩk eet nyattalĩ, ikia ẽbẽra Nyekuci Ngeerĩnĩ lõbũtĩĩa nẽ ikia ĩĩ Ngeerĩnĩ paadĩr cobbi ꞌcĩ ĩllõõan paadĩrꞌnya vẽlẽk ũdũt.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 7:9

Ma ngaati, hudtuuha lothippit cobbi gẽrrẽẽt cĩ eet ꞌcĩg aꞌnyamannaa ngaatĩ hagiili buúk, eet ꞌcĩg eberriaa habuccieeꞌnyanĩĩ cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ, abĩlĩ muumaa cĩ Nyekuci hĩ ĩcĩ Mĩꞌnyoono, ahimti nẽẽg vẽlẽk ceremwaanĩĩ ꞌcĩg õõrĩg nẽ aggamit urwo athĩnĩ.