Ebereei 13:8 - ꞌBuuk cĩ Thõõth cĩ Nyekuci

⁸ Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

Ebereei 13:8 ပူးပေါင်းရင်းမြစ်များ

ꞌThianaattõ 21:33

Ma ho, ikia itiboolan Abũrahamĩ motooꞌngĩt Bẽẽrthẽbattĩ nẽ ubuluth Makayyioohit Nyekuc ꞌcĩ aalla ooo nĩngaata.

Luugithõõ 3:14

Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”

2 Korinthia 1:19

Hĩnĩngĩtĩ Yeesu Krĩstõ Ngeertĩ Nyekuci baa hallimaneekuung naag ngagiita, hõllõngaa aĩ pang pang thõõthaa ꞌcĩ ĩĩn dĩdĩ, hode ĩĩcĩ hõllõngaa ĩĩn dĩdĩ. Ĩnõõnnõ baa haduhaakuung naag hĩ ꞌThĩĩla hĩ Timotteeo Nyeemuut cĩnnĩ ꞌcĩ Abũnnaa. Ĩĩn thooꞌthioha ꞌcĩg aduha Nyekuci vẽlẽk dĩdĩ nẽ adĩman hõdõõkõthĩ thõõth ꞌcĩ aduha nẽẽnĩ.

2 Korinthia 1:20

Tananga hĩĩ mẽẽlĩg thooꞌthioha ꞌcĩg aduha Nyekuci ĩĩn nẽẽg vẽlẽk “Dĩdĩ” hĩ Krĩstõ. Nẽ hĩnĩngĩtĩ ĩnõõnnõ, hiita hĩĩtõ naag vẽlẽk, aꞌnyĩĩk haau noho bulẽẽttaa cĩ Nyekuci.

Ebereei 1:12

Appũrcca hatĩ nii hẽẽtkujjieen kĩ looc hĩ cẽrẽm gõõng happũrcca nẽ hudhukteek tuu, nẽ hõllõngaa hatĩ adtuurnik irkiꞌnyia cugunnẽẽgĩ, aalla hatĩ nii ooo nẽ hõllõngaa ahaanyi ũdũt.”

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJuud 1:25

Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”