Ebereei 13:4 - ꞌBuuk cĩ Thõõth cĩ Nyekuci

⁴ Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

Ebereei 13:4 ပူးပေါင်းရင်းမြစ်များ

ꞌThianaattõ 2:21

Nĩngĩtĩ aaꞌnyĩkĩ Makayyioohiti Nyekuci Aadam hohoddia ũꞌnyaaha nẽ avvahana onyiit cĩnnĩ hõdẽĩ nẽ ĩdĩĩt nĩngĩtĩ avvahanaanĩ onyiit ko idiinga.

ꞌThianaattõ 2:24

Hĩnĩngĩtĩ thõõth icci, ũũnnĩk hatĩ ẽẽtĩ õlõ cĩ maacõnĩ hĩcĩ aattĩnnĩ nẽ ũũk ũꞌthũwanõõ nẽ õõt ũrũmtĩ hĩ ngaa cĩnnĩ hĩĩtõ ẽlẽ hõdẽẽthõng.

1 Korinthia 5:13

Ẽttẽẽd Nyekuci thõõth cĩ eet vẽlẽk. Nẽ aĩ ꞌBuuhi cĩ Nyekuci nẽẽ, “Itiggiayyieek eet cugguung ꞌcĩg ĩĩn ꞌthẽccanniook hõrggẽẽnaa cunuung battaala.”

1 Korinthia 6:18

Iliittia thooꞌthiok ꞌcĩg ĩĩn ꞌriiring. Nẽ ꞌthẽccanẽẽta ũgẽẽgĩ vẽlẽk ꞌcĩg ẽꞌthẽcan ẽẽtĩ, aattĩg ẽllaa cĩnnĩ battaala, nẽẽthĩ, ẽẽtĩ ꞌcĩ adĩman ꞌthẽccan ꞌcĩ attihi ngaaĩ tahatak, adĩman ꞌthẽccan cĩ ẽlẽ cĩnnĩ ẽmmẽn.

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

1 Korinthia 7:38

Abũnnaa ngaatĩ haꞌthũaniini, nẽẽthĩ, mẽẽn ngaatĩ occa hõllõngaa haꞌthũaniini ũdũt.

1 Korinthia 9:5

Ĩcca occa hõllõngaa haꞌnyak naag makaaꞌthĩt ꞌcĩ hõõkõrĩ hõdẽĩ hĩ ngaa ꞌcĩ ĩĩn lemmioohit, hĩcĩ õõkõr ꞌthooyyiaha ũgẽẽgĩ hĩ ꞌgõtõõnõgĩ Makayyiooktak hĩ Pẽẽtũrũ?

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

ꞌGalaaꞌthia 5:19

Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ.

ꞌGalaaꞌthia 5:21

iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

1 Tẽꞌthaloonika 4:6

Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

1 Timotteeo 3:12

Abũnnaa ꞌthẽk ẽẽtĩ ꞌcĩ adticanni lothippitaa cĩ lemmioohu, aꞌnyak ngaa hõdẽẽthõng nẽ ĩĩn eet ꞌcĩ aꞌthũũnnĩ õlõ hĩ lõhõlĩ cĩgĩnnĩg jurrung.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 3:4

Nẽ abũnnaa makayyioohiti cĩ lothippit cĩ lemmioohu ĩĩn eet dĩdĩ ꞌcĩ aꞌthũũnnĩ õlõ cĩnnĩ jurrung nẽ irrioonĩk lõhõlĩ cĩgĩnnĩg hĩthĩhĩt nẽ itingolli thõõth ꞌcĩ aduha nẽẽnĩ.

1 Timotteeo 4:3

Ẽdẽnẽẽkĩ oloꞌngiaaha tĩko eet ngaatĩ aꞌthũwaniini, hĩ ngaatĩ aduhi ꞌgeenniok baag ẽhẽnyta Nyekuci, hátĩ huduhit eeta taliitta, eeta ꞌcĩg ẽlẽmĩ Nyekuc nẽ agaacõ thõõth ꞌcĩ ĩĩn dĩdĩ.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

Tiito 1:6

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aitiõõ thooꞌthioha ꞌcĩg abathĩ tõõ nẽ aꞌnyak ngaa hõdẽẽthõng nẽ abũnnaa ĩĩn lohollia cĩgĩnnĩg buúk lemmiook ꞌcĩg abũnnaa, ꞌcĩg hõllõngaa aꞌnyaha ngaaoni hĩ ꞌriiring nẽ ĩthĩhĩt thõõth cĩ maacõnĩ hĩ aatĩnĩĩng.

Ebereei 12:16

Ma hẽlẽmaaku eet umwa ꞌcĩ adĩman thooꞌthiok ꞌcĩg ĩĩn ꞌriiring nẽ ũtũbũr Nyekuc hĩ baa Eꞌthaau, baa ũũtẽnĩ ꞌgattan cĩnnĩ cĩ ꞌtirriaattõ, hĩnĩngĩtĩ ahat ꞌcĩ baa aduk tabattĩ hõdẽẽthõng.

Terethiinit 22:15

Ma battaala ꞌtaaũna, baa aattĩg eeta ꞌcĩg aattĩg hĩ ũthũrẽẽta ꞌcĩg adĩman thooꞌthiok ꞌcĩg ĩĩn ꞌriiring, hĩ buuyyiak hĩ ngarĩta hĩ eet ꞌcĩg adtican thooꞌthiok ꞌcĩg ĩĩn ꞌriiring, ꞌcĩg ooginni hĩ ngaaĩ ꞌcĩg eetuk tahatak, hĩ eet ꞌcĩg aruk ꞌgõõnõgĩ, hĩ ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya, hĩ eet ꞌcĩg accamana ngaatĩ õthõõthĩ õlõng ooo haaga nẽ otongomit ꞌgõõnõgĩ.