Ebereei 13:22 - ꞌBuuk cĩ Thõõth cĩ Nyekuci

²² ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.

Ebereei 13:22 ပူးပေါင်းရင်းမြစ်များ

Dtiicanĩ cĩg ꞌThooyyiahu 13:15

Ma urutaa cĩ tigiilẽnĩt ꞌcĩ aku nyattaala cĩ Mũũꞌtha hĩ ĩĩcĩ põrõvẽtaaꞌnyanu, ĩꞌthooyyia makayyiooha cĩg ꞌCieeth cĩ Laiitto eet umwa hikia huduhaak Paaulo hĩ Baarnaba hĩĩnnĩk, “ꞌGotoonoga, má aꞌnyaku nyeemuut umwa ꞌcĩ ẽẽl eeta, iita nuun udukta.”

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

ꞌGalaaꞌthia 6:11

Akatti hẽbẽrĩ ꞌgõõl ꞌcĩ hẽhẽẽdakuung naa ngagiit waraga nyamacaarwaanĩĩ ꞌcĩg obbitig attiaa caannĩ ho jurrung.

Eevvetho 3:3

Nẽ baa hẽhẽẽdakuung naa ngagiit waraga ꞌcĩ huturi, ꞌcĩ eterꞌtheeka Nyekuci nganĩĩt thooꞌthiok cĩgĩnnĩg ꞌcĩg baag gõõng ammiꞌthi.

Ebereei 12:5

Ataarrioꞌthu occa niig thooꞌthiok baag akũtannuung Nyekuci hĩ lohollia cĩgĩnnẽẽgĩ? Baa aduha nẽẽ aĩ, “Má hamaaccu tilooinit cĩ Makayyiookto, nẽ ma huunniku lemiinit hatĩ etereꞌthuung nẽẽnĩ.

Ebereei 13:19

Hadiimi naa laiinit cunuung hĩ Nyekuc, hátĩ hẽhẽẽrõnaahuung ngagiit tarĩ hĩdĩĩkoothong.

Ebereei 2:1

Huꞌthuutti naag thõõth baa illimanoothĩheet nẽ hĩthĩhĩt jurrung, hátĩ hiittiõõ hõllõngaa hĩꞌthanni tahatak nẽ hũtũngteek thõõth ꞌcĩ ĩĩn dĩdĩ.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.