Ebereei 13:20 - ꞌBuuk cĩ Thõõth cĩ Nyekuci

²⁰ Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

Ebereei 13:20 ပူးပေါင်းရင်းမြစ်များ

Luugithõõ 24:8

Ma ho, ittiha Mũũꞌtha biyyi hẽddẽẽma nẽ urwacanĩ eeta. Ma tarĩ ho, ĩĩnnĩk ĩhõõggõ, “Biyyi cĩg lõhõtaak cieegi, baag aarĩk Makayyioohiti hĩ ngagiit, hĩnĩngĩtĩ thooꞌthiok iccig vẽlẽk.”

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Maarko 14:24

Ma nĩngaata, ĩĩnnĩk ĩhõõggõ, “Biyyi cĩg lõhõt caannĩ cieegi, ꞌcĩg hatĩ ẽrrẽnna, hĩnĩngĩtĩ eet vẽlẽk.

ꞌLuuka 22:20

Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 10:14

“Hĩĩnĩ naa tũhayyioohit ꞌcĩ abũnnaa. Haga naa aꞌtha cĩgannĩg nẽ agayyia aꞌtha cĩgannĩg buúk nganĩĩta.

Dtiicanĩ cĩg ꞌThooyyiahu 13:30

Nẽẽthĩ, baa ũrũgũtha Nyekuci ĩnõõnnõ daahĩtha,

Dtiicanĩ cĩg ꞌThooyyiahu 17:31

Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

Dtiicanĩ cĩg ꞌThooyyiahu 4:10

agaac thĩ nõõ thõõth icci niig hĩ eet cĩg Ĩꞌthĩraẽlĩ hũtũrũũr. ꞌThaar cĩg Yeesu Krĩstõ cĩ Naaꞌtharẽtĩ, baa odooddiku niig hurucceea nẽ ũrũgũtha Nyekuci daahĩtha, ꞌcĩ abũnnayyĩ ẽẽtĩ ciee abĩlĩ muumaa cunuung ko.

Dtiicanĩ cĩg ꞌThooyyiahu 5:30

Baa aruku niig Yeesu ngaatĩ odooddiku hurucceea. Nẽẽthĩ, baa ũrũgũtha Nyekuci baa ala hĩbaangĩ cĩggaac baarkit ĩnõõnnõ daahĩtha.

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

ꞌRooma 10:7

Hode occa ajin aĩ, “Nganĩ ꞌcĩ occa allũũcĩ õkõ looccaa cĩ daakiahu?” hũũk hũrũgũtha Krĩstõ daahĩtha.

ꞌRooma 15:33

Halayyi naa haini aꞌnyĩĩk Nyekuc ꞌcĩ aaꞌnyeet ganõn haau hĩ ngagiit vẽlẽk ooo. Aamẽn.

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

1 Korinthia 14:33

Adiim Nyekuci hẽlẽggĩ vẽlẽk hidticattĩ lõꞌngõõc ꞌgõõlaa ꞌcĩ abũnnaa. Ma õmmõtõõ lothippiꞌnya cĩg lemmioohu,

1 Korinthia 15:15

Hĩllõõan thõõth niccia, hummuddiaawa naag hĩĩtta oloꞌngiaak cĩg thõõth cĩ Nyekuci, hĩnĩngĩtĩ baa hothooꞌthia naag thõõth cĩ Nyekuci hĩĩtta, baa ũrũgũtha nẽẽ Krĩstõ daahĩtha. Nẽẽthĩ, nga hũrũgũtha nẽẽ ĩnõõnnõ daahĩtha, hatĩ baa nga hũrũgta daakiaha daahĩtha.

1 Korinthia 6:14

ꞌTirriaanaa cĩnnĩ, baa arũgtha Nyekuci Makayyioohit cĩnaac daahĩtha nẽ arũgthanneet hatĩ nẽẽ ngagĩĩt buúk daahĩtha.

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 4:14

hĩnĩngĩtĩ haga naag haĩ, baa arũgtha Nyekuci Makayyioohit Yeesu daahĩtha. Arũgthanneet hatĩ Nyekuci ngagĩĩt buúk hĩ ngagiit daahĩtha, hĩ baa arũgtha nẽẽ Yeesu. Nẽ aꞌnyahaanneet hatĩ nẽẽ ngagĩĩt ngaatĩ aayyi nẽẽnĩ, hũrũmtĩ hõdẽĩ hĩ ĩnõõnnõ.

ꞌGalaaꞌthia 1:1

Nganĩĩt Paaulo ꞌthooyyiahit ꞌcĩ ĩꞌthõõannaa Yeesu Krĩstõ hĩ Nyekuc Baangeet, baa arũgtha Yeesu daahĩtha. Baa hõllõngaa ĩꞌthõõannaa nganĩĩt eeta hode ẽẽtĩ umwaa haaga.

Eevvetho 1:20

hũrũgũtha Krĩstõ daahĩtha nẽ aaꞌnyĩk ĩnõõnnõ haau attiaa cĩnnĩ ĩcobbi hẽẽtahujjieen.

Pilippi 4:9

Agayyu niig ꞌlimman baa haaꞌnyuung naana nẽ agayyu thooꞌthiok baag athĩknaangu niig nganĩĩt hothoothi nẽ ĩcĩttaangu nganĩĩt ngaatĩ hadĩmanĩĩ. Ũnnẽẽc terethiinit baalannĩ. Nẽ hatĩ aau Nyekuci cĩ ganõõnõ hĩ ngagiita.

Kolooꞌthe 2:12

Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

Ebereei 9:20

Ma ho, uduhaak eet ĩĩnnĩk, “Biyyi cĩg lõhõtaak cieegi, baa aduhaakuung ngagiit Nyekuci anneekuung uꞌthuutti.”

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.