Ebereei 13:2 - ꞌBuuk cĩ Thõõth cĩ Nyekuci

² Ma hataarroꞌthu ngaatĩ avvaannu eet ꞌcĩg ĩĩn tahan hatĩ au õlõ, hĩnĩngĩtĩ eeta ũgẽẽgĩ ꞌcĩg baag avva tahan, ĩko hinnia avva aajĩlẽẽt nẽ hõllõngaa aga ngaatĩ ĩĩnnĩ aajĩlẽẽt buúk.

Ebereei 13:2 ပူးပေါင်းရင်းမြစ်များ

ꞌThianaattõ 18:1

Baa uppwaannak Makayyioohiti Nyekuci Abũrahaamõ õlõõ cĩnnĩ hẽẽnĩĩ cĩg eet ꞌcĩ haĩ Mamre baa aaĩ kõrra lokora. Baa iccioloongan Abũrahamĩ ngaatĩ õbõhõõ hĩ hattũũg cĩ ꞌcieethu, hĩnĩngĩtĩ baa ammũdeek aaburii kõrra kõr tĩho gẽrrẽẽt.

ꞌThianaattõ 19:1

Ma baa ꞌjiaatĩn niccia, uppwaattĩ aajĩlẽẽta baag ĩĩn ꞌramma ꞌtaaũnaa cĩ ꞌThõõdõmĩ nẽ õõt ummuddioothĩk Loot iccioloongan ngaatĩ õbõhõõ hĩ hattũũg cobbi cĩ ꞌtaaũnõõ. Ma baa adtuuha Lõõtĩ ĩhõõggõ ho, ĩtĩnga ũꞌthũkũcoothĩk nĩngĩtĩ õkõ ĩꞌthaaĩ,

Maatteeo 25:35

Hĩnĩngĩtĩ baa adaka nganĩĩt magĩthĩ nẽ aanytaangu ꞌgẽẽn ꞌcĩ hadahi, baa aamma kõrra nẽ aanytaangu maam ꞌcĩg hahudi, baa hĩĩnĩ tahanit nẽ utuvvuyyiaangu õlõõ cunuung.

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 25:43

Baa hĩĩnĩ tahanit nẽ hõllõngaa aaꞌnyaangu nĩngĩtĩ haayyi õlõõ cunuung. Baa haaĩ arriẽẽn nẽ hõllõngaa aaꞌnyaangu ceremwa ꞌcĩg hahimiti. Baa hommoori nẽ haau baabuutha nẽ hõllõngaa au acĩnnaangu buúk.’

Dtiicanĩ cĩg ꞌThooyyiahu 16:15

Ma baa urutaa ꞌcĩ aggamtĩ Liidia hĩ halang cĩnnĩ baattithimo, ikia ũtũvveet nẽẽ ngagĩĩt õlõõ cĩnnĩ. Baa anneekeet nẽẽ ngagĩĩt, “Má elemmu ngaatĩ hĩĩnnĩ naa lemmioohit cĩ Makayyiookto dĩdĩ, iita thĩ haauto õlõõ caannĩ.” Nĩngĩtĩ mĩĩ hẽlẽmma ngaatĩ hõõkõrra.

ꞌRooma 12:13

Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

ꞌRooma 16:23

Ĩꞌthaayyuung ꞌGaio ẽẽtĩ ꞌcĩ callĩ ꞌthĩnĩt ꞌcĩ aꞌthũũnna nganĩĩt hĩ lothippit cĩ lemmioohu vẽlẽk ngaati ngagiita. Nẽ ĩꞌthaayyuung Erathto ꞌcĩ itiangĩth ꞌrabbẽẽt cĩg ꞌtaaũnaak hĩ ꞌgotooneet Kwaarto buúk ngagiita.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

Tiito 1:8

Abũnnaa ĩĩn eet cĩ eetu ꞌcĩ ammĩnan thõõth ꞌcĩ abũnnaa. Abũnnaa ĩĩn eet ꞌcĩ aꞌnyak muhẽẽnĩt ꞌcĩ abũnnaa nẽ ĩĩ eet ꞌcĩ aꞌthũũnnĩ ẽlẽ, ꞌcĩ ẽllẽẽmĩthĩ.

1 Pẽẽtũrũ 4:9

Aanytĩk hẽẽrõn ꞌcĩg au olooyyiohĩĩ cugguung, nĩngĩtĩ ũꞌnyaahu hĩ ꞌgẽẽn ꞌcĩ adahĩ nẽ ma hongoongoeeku ĩhõõggõ.

3 Yõaannẽ 1:5

ꞌGõõna cĩ ꞌthĩnĩtõ, abũnna nii gẽrrẽẽt ngaatĩ aꞌthũũnnĩ thõõth cĩ Nyekuci hõdõõkõthĩ ꞌgõõlaa ꞌcĩ ẽẽlĩ nuyyiook ũgĩ cĩg Makayyiooktak, tananga ĩĩn nẽẽg tahan hĩ nganiita.