Ebereei 13:18 - ꞌBuuk cĩ Thõõth cĩ Nyekuci

¹⁸ Alayyiooyyieetu ngagĩĩta. Tẽllĩg ꞌthinneeti cĩggaang nẽ hattĩmanna hõdõõkõthĩ ngaatĩ hadĩmanna thooꞌthiok ꞌcĩg aũlanĩ.

Ebereei 13:18 ပူးပေါင်းရင်းမြစ်များ

Dtiicanĩ cĩg ꞌThooyyiahu 23:1

Baa nẽẽ akatĩ Paaulo makayyiook cĩg lokihooak hẽbẽrĩ nẽ ĩĩ, “ꞌGotoonoga hĩ ngoonoga, kõr icci hadticanoothihi naa Nyekuc thõõthaa ꞌcĩ tẽllĩ.”

Dtiicanĩ cĩg ꞌThooyyiahu 24:16

Nẽ harrĩcanaa hõdõõkõthĩ ngaatĩ haꞌnyahĩ ꞌthĩnĩt ꞌcĩ tẽllĩ muumaa cĩ Nyekuci hĩ muumtinii cĩg eetuk.

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

ꞌRooma 15:30

ꞌGotoonoga hĩ ngoonoga, halayyuung naa ngagiit ꞌthaarĩĩ cĩg Makayyioohit cĩnaac Yeesu Krĩstõ, hĩ mĩnnaanaa cĩ Lori ꞌcĩ Ẽllẽẽmĩthĩ, othollieehaangu thõõth ꞌcĩ hadiim hakuuni nĩĩca, ngaatĩ alaiinnaangu nganĩĩt hĩ Nyekuc.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

1 Tẽꞌthaloonika 4:12

Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

2 Tẽꞌthaloonika 3:1

Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.