Ebereei 13:17 - ꞌBuuk cĩ Thõõth cĩ Nyekuci

¹⁷ Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

Ebereei 13:17 ပူးပေါင်းရင်းမြစ်များ

ꞌThianaattõ 16:9

Ma ho, ĩĩnnĩk aajĩlõ cĩ Makayyiookto ĩnõõnnõ, “Bodooth õlõõ cĩ Tharaĩ, bĩĩt dticcianoothĩk ĩnõõnnõ.

ꞌLuuka 16:2

Nĩngĩtĩ avvaanĩ dticciannioohit tĩho ꞌcieetõõ nẽ ĩĩnnĩk, ‘Ne ꞌcĩ hathihi naa aĩ eeta adĩmani nii ho? ꞌNyahaahaa da ꞌbuuk gõõng ẽhẽẽdĩkĩĩ ꞌrabbẽẽta, hĩnĩngĩtĩ iittiõõ nii hõllõngaa occa aggami dtiic icci.’

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

ꞌRooma 14:12

Nẽẽthĩ hoti ho, haduhaak hatĩ naag hõdẽĩ hõdẽĩ thõõth hĩ Nyekuc, hĩnĩngĩtĩ thooꞌthiok ꞌcĩg hadtican naaga.

1 Korinthia 16:16

elemit eet ꞌcĩg aattĩg hoti, hĩ eet vẽlẽk ꞌcĩg au arũmoothiku hĩ ngagiit nẽ idticattoou hõdẽĩ.

Eevvetho 5:21

Ĩthĩhĩt ꞌgoonogu ꞌcĩg ĩĩn lemmiook tẽẽlꞌthĩtaa cĩ Krĩstõ.

Pilippi 1:4

Ma halayyi naana, halaiinnuung ngagiit vẽlẽk hõdõõkõthĩ taliitta,

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

Pilippi 2:29

Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ,

Pilippi 3:18

Baa gõõng hiloottuung naa ngagiit tabattĩ mẽẽlĩg nẽ hõbõdẽẽkĩ tarĩ, tilaalõnĩ hẽbẽrẽẽnnĩĩ cĩgannĩg hanneekuung, mẽẽlĩg eeta ꞌcĩg ĩĩn mĩrõk cĩg hurucce cĩ Krĩstõ.

Pilippi 4:1

Nẽẽthĩ hoti ho, ꞌgotoonoga hĩ ngoonoga ꞌcĩg hammĩnani, aallattia uꞌthuutti thõõth cĩ Makayyiookto jurrung. Hammĩnannuung naa ngagiit nẽ hadiimi hakuu hacinnuunga. Hirriani naa hõdõõkõthĩ nẽ hatala, hĩnĩngĩtĩ ngagiita.

2 Tẽꞌthaloonika 3:14

Ĩcĩnĩt eet ꞌcĩg abũrĩ thõõth ꞌcĩ hẽhẽẽdanna naag waragaawaa cĩ ho jurrung. Iliittia eet tĩko thõng, aꞌngaaõn hatĩ nẽẽg ẽmmẽn.

1 Timotteeo 5:17

Occa hadũman makayyiook cĩg lothippit cĩ lemmiohu tabattĩ ꞌramma, hatĩ horoong maka dtiici cĩnĩĩng ꞌcĩ irrioonĩkĩ eet nẽ illimatteek thõõth cĩ Nyekuci ho.

Ebereei 13:24

Hõlõ, ĩꞌthaayyihaangu makayyiook cugguung hĩ eet cĩg Nyekuci vẽlẽk. Ĩꞌthaayyuung lemmiooha cĩg Nyekuci ꞌcĩg aattĩg Itali buúk ngagiita.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.

ꞌJeemith 4:7

Aanytĩk eleeti cugguung Nyekuc! Aꞌnyamanit habu cĩ loriẽẽt ꞌcĩg abathĩ, hátĩ hukul hutungeehuung ngagiita.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”