Ebereei 13:16 - ꞌBuuk cĩ Thõõth cĩ Nyekuci

¹⁶ Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 13:16 ပူးပေါင်းရင်းမြစ်များ

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

ꞌRooma 12:13

Uꞌthuutti pĩĩrnattiaak cĩg Nyekuci nẽ aanytĩhu hẽẽrõn hiita olooyyiohĩĩ cugguung.

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

ꞌGalaaꞌthia 6:6

Abũnnaa eeta ꞌcĩg allimanoothĩk thõõth cĩ Nyekuci ngaatĩ õthõlĩ hẽlẽggĩ vẽlẽk ꞌcĩg abũnnaa, hĩ eet ꞌcĩg alliman ĩhõõggõ ho.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Pilippi 4:14

Nẽ baa abũnnayyu niig ngaatĩ ẽẽllaangu nganĩĩt baa haaĩ pĩĩrnatta.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Vilõmẽẽnõ 1:6

Halayyi naa, hátĩ hĩttõõrĩ rũmẽẽnĩtĩ cĩ lemiinit ꞌcĩ othollu niig hĩ ꞌgoonogu lemmiook, hátĩ gaa nii hẽlẽggĩ vẽlẽk ꞌcĩg abũnnaa ꞌcĩg haꞌnyak naag hĩ Krĩstõ.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

3 Yõaannẽ 1:11

ꞌGõõna cĩ ꞌthĩnĩtõ, ma hĩthakꞌtha thooꞌthiok ꞌcĩg abathĩ ꞌcĩg adĩman eeta ũgẽẽgĩ! Nũũ terethiinit cĩ eet ꞌcĩg adĩman thooꞌthiok ꞌcĩg abũnnaa diooni. Gaooth ĩĩ, eeta ꞌcĩg adĩman dtiicanĩ ꞌcĩg abũnnaa, ẽtẽrꞌtha nẽẽg ngaatĩ ĩĩnnĩ lõhõlĩ cĩg Nyekuci. Nẽ eeta ꞌcĩg adĩman thooꞌthiok ꞌcĩg abathĩ, ẽtẽrꞌtha nẽẽg ngaatĩ nga hagayyi nẽẽg Nyekuc.