Ebereei 13:15 - ꞌBuuk cĩ Thõõth cĩ Nyekuci

¹⁵ Nẽẽthĩ hoti ho, haanytĩk Nyekuc ꞌgaarrieenit ꞌcĩ hadĩkꞌthĩ ĩnõõnnõ nẽ huduktaak hĩĩttĩk hathĩhĩ naag ĩnõõnnõ.

Ebereei 13:15 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

ꞌLuuka 10:21

Ma nĩngaata, aaꞌnyĩk Lorii ꞌcĩ Ẽllẽẽmĩth Yeesu haccamanoothĩk gẽrrẽẽt, nĩngĩtĩ õthõõthĩ Yeesu aĩnnĩ, “Hatallii naa nganiit gẽrrẽẽt Baaba, Makayyioohit cĩ hẽẽtkujjieen hĩ cĩ lootu, ngaatĩ ammiꞌthẽẽkĩ thooꞌthiok iccig eet ꞌcĩg ẽggẽẽnyĩth hĩ ꞌcĩg illimattĩ nẽ eteretheehu lõhõlĩ ꞌcĩg hidicig hĩ eet ꞌcĩg nga hillimattĩ. Ee Baaba, baa ꞌthẽk ꞌgii ꞌcĩ accamanaa nii cieeni.”

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Kolooꞌthe 1:12

Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

Ebereei 12:28

Hĩcĩ hummuddia naag habuccieet ꞌcĩ hõllõngaa õmmõõtĩ ho, hatalit nẽ hĩdĩhĩthĩt Nyekuc ngaatĩ halaĩ ĩnõõnnõ tẽẽlꞌthĩtaa ꞌcĩ ẽllẽẽmĩthĩ hĩ bulẽẽtta.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.