Ebereei 13:14 - ꞌBuuk cĩ Thõõth cĩ Nyekuci

¹⁴ Hĩnĩngĩtĩ aitiõõ lõõcĩ ciee hõllõngaa ĩĩn õlõ cĩnaac ꞌcĩ aalla ũdũt, nga hẽrẽ naag õlõ ꞌcĩ nga aayyiaa.

Ebereei 13:14 ပူးပေါင်းရင်းမြစ်များ

1 Korinthia 7:29

Nẽ thõõth ꞌcĩ haini naa ho ꞌgotoonoga hĩ ngoonoga, huturig waathinniooha ꞌcĩg nga haattiyyi naag loota nĩnga ho gẽrrẽẽt. Nẽẽthĩ, iꞌthianaanĩ ꞌyioko, aꞌnyĩĩk eet ꞌcĩg aꞌnyak ngaaĩ haauto hĩcĩ hõllõngaa aꞌnyahĩ;

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

Eevvetho 2:19

Hĩnĩngĩtĩ thõõth icci, iittiõõ niig hõllõngaa iiginnu eet cĩg looc cĩrrĩĩng, iittu niig eet cĩg halang cĩ Nyekuci,

Pilippi 3:20

Nẽẽthĩ, hĩĩgĩn naag eet cĩg hẽẽtkujjieen ngaatĩ aayyi Yeesu Krĩstõ. Nẽ habũraneek naag ngaatĩ hẽrẽĩ ĩnõõnnõ hõbõda hĩĩ Ellioohit cĩnaac.

Ebereei 10:34

Baa ippiiriau niig hõdẽĩ hĩ eet baag aarĩhoothiku baabuuthatõõ. Ma baa ootti eeta ijjio cugguung vẽlẽk, baa ẽlẽmaaku taliitta. Baa agayyu niig ngaatĩ ereeyyuung ngagiit hẽlẽggĩ cugguung ꞌcĩg abũnnaa ꞌcĩg aalla ũdũt.

Ebereei 12:22

Nẽ ꞌyioko, iitiaau niig muuraa cĩ ꞌThionĩ hĩ õlõõ cĩ Nyekuci ꞌJeruꞌthalẽma. ꞌTaaũn cobbi cĩ Nyekuc ꞌcĩ arũgĩ cieeni, nĩngĩtĩ au adahĩ aajĩlẽẽta ꞌcĩg ĩĩn aalibꞌnya hĩ aalibꞌnya karrama.

Ebereei 12:27

Aĩ thõõth ciee nẽẽ, õmmõõnnĩ hatĩ Nyekuci hẽlẽggĩ vẽlẽk baag ẽhẽnytaa hiꞌngittõõthĩ, hátĩ hidionganit hẽlẽggĩ ꞌcĩg hõllõngaa õmmõõtĩ diooni.

Ebereei 2:5

Baa hõllõngaa aajĩlẽẽt ꞌcĩg aaꞌnyĩk Nyekuci haggamit looc ꞌcĩ ĩĩn ngeju ꞌcĩ hõthõõth naag ꞌcĩ hatĩ aku horumwa ho.

Ebereei 4:9

Nẽẽthĩ, baa uduhaaheet Nyekuci ngagĩĩt ĩĩnnĩheet haaꞌnyuung hatĩ Kõr cĩ ꞌYiommaanõ, ꞌcĩ hatĩ hiyyiomanĩ naaga, tananga nga hikia kõrra tĩho.

Ebereei 9:11

Nẽẽthĩ ꞌyioko, ikia ĩĩ Krĩstõ paadĩr cobbi cĩ hẽlẽggĩ vẽlẽk ꞌcĩg abũnnaa ꞌcĩg aauto loota nĩnga ho. Nẽ uduhun nẽẽ ꞌCieeth cĩ Nyekuci hẽẽtahujjieen, ꞌcĩ baa hõllõngaa ẽhẽnyta ẽẽtĩ ꞌcĩ holli õõ nẽ hõllõngaa ĩĩn dhoorit cĩ looc ꞌcĩ ẽhẽnytaa thõng ko.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.