Ebereei 13:13 - ꞌBuuk cĩ Thõõth cĩ Nyekuci

¹³ Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.

Ebereei 13:13 ပူးပေါင်းရင်းမြစ်များ

Maatteeo 16:24

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Má adiim eet umwaa ĩĩn nuyyioohit caannĩ, aꞌnyĩĩk hataarõthĩ ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

Maatteeo 27:32

Ma baa nga õvvõ nẽẽg ꞌgõõla, iita ommottio hĩ eet umwa ꞌcĩ haĩ ꞌThimõõnẽ cĩ looc cĩ Cireene, nĩngĩtĩ attĩnganẽẽkĩ ĩnõõnnõ hirriongan hurucce cĩ Yeesu ho.

Maatteeo 5:11

“ꞌGattan hĩ ngagiit eet ꞌcĩg odoommuung eeta, adĩmannuung ꞌbuth nẽ addangtaahuung thooꞌthiohĩĩ ꞌcĩg abathĩ, hĩnĩngĩtĩ nganĩĩta.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

ꞌLuuka 9:23

Ma ho, uduhaak ĩhõõggõ vẽlẽk ĩĩnnĩk, “Ẽẽtĩ ꞌcĩ adiim anũyya nganĩĩta, aꞌnyĩĩk hẽlẽmana ẽlẽ cĩnnĩ nẽ irriongan hurucce cĩnnĩ nẽ ũnũaanĩ.

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

Ebereei 11:26

Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 12:3

Ummuhuttooth thõõth baa ẽmmẽẽꞌthĩ Yeesu doominit ꞌcĩ õdõõmĩ eeta ꞌcĩg ĩĩn ꞌthẽccanniook ĩnõõnnõ. Nẽẽthĩ, aitiõõ hõllõngaa hatĩ appĩĩrnannu nẽ ũtũngteehu lemiinit cunuung.

Ebereei 12:4

Nẽẽthĩ, ꞌgõõlaa ꞌcĩ oꞌngonyoonnu niig kĩ ꞌthẽccanẽẽta, nga adaahit niiga.

1 Pẽẽtũrũ 4:4

Nẽ ꞌyioko, ukullieek ꞌgoonogu baag gõõng ookorru ꞌjieen, hĩnĩngĩtĩ iittiõõ hõllõngaa ookorru niig hĩ ĩhõõggõ, ngaatĩ adĩmannu thooꞌthiok ꞌcĩg abathĩ nẽ odoomtuung nẽẽg ngagiit, hĩnĩngĩtĩ thooꞌthiok iccig.