Ebereei 13:12 - ꞌBuuk cĩ Thõõth cĩ Nyekuci

¹² Baa accananni Yeesu nẽẽ buúk battaalaa cĩ ꞌtaaũn cobbi, hátĩ haanytĩk biyyieeta cĩgĩnnĩg eet helleemito.

Ebereei 13:12 ပူးပေါင်းရင်းမြစ်များ

ꞌLuuka 4:29

Nĩngĩtĩ ĩꞌngaannĩ nẽ utugurit Yeesu ootti ꞌtaaũna battaala, lõhẽrẽhẽrraa cĩ muur ꞌcĩ ehenytiini ꞌtaaũnĩ cĩnĩĩng ko nẽ idiimito udhuhit ꞌthilla.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Yõaannẽ 19:34

Baa hinnia acuhan ũũrũtaacĩ umwaa Yeesu dĩlaawa habanyit hetterria biyyieeta nẽ irikta maama nĩĩcĩ noho.

Dtiicanĩ cĩg ꞌThooyyiahu 7:58

nĩngĩtĩ agurrẽẽkĩ ĩnõõnnõ ꞌtaaũna battaala nẽ iꞌthiattaaĩ ohoddia ĩnõõnnõ thõng. Baa aarĩk hinnia eeta ꞌcĩg addangaak ĩnõõnnõ ho ceremwa cĩggĩĩng haggam nyahaappanĩ umwaa ꞌcĩ haĩ ꞌthaar ꞌThaaulo.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Ebereei 10:10

Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

Ebereei 2:11

Yeesu hĩ eet ꞌcĩg aaꞌnyĩk nẽẽ helleemito ho, odoyyii Maaꞌnyia. Ĩnõõ ꞌcĩ hõllõngaa aꞌngaaõnnĩ Yeesu ngaatĩ avvĩyyĩ ĩhõõggõ annẽẽkĩ ꞌgõtõõnõgĩ hĩ ngõõnõgĩ.

Terethiinit 14:20

Baa aaĩ ꞌlook ꞌcĩ ammacciini viino ho, battaala ngadiihaa cĩ ꞌtaaũn cobbi. Ma baa amaccĩ viino nicciee ho, ariha hinnia biyyieeta. Ma ho, utuhuyyi biyyieeta hĩĩtõ hidioo ꞌcĩ aarĩk hĩĩ uun gẽrrẽẽt, haꞌnyak maaĩlꞌnya ꞌmiia hõdẽĩ hĩ hẽẽn turkiyyio (180) nẽ uuthik occa ũũppan ngaatĩ ammũlũũnyanaanĩ nyangõõllẽẽ.