Ebereei 12:3 - ꞌBuuk cĩ Thõõth cĩ Nyekuci

³ Ummuhuttooth thõõth baa ẽmmẽẽꞌthĩ Yeesu doominit ꞌcĩ õdõõmĩ eeta ꞌcĩg ĩĩn ꞌthẽccanniook ĩnõõnnõ. Nẽẽthĩ, aitiõõ hõllõngaa hatĩ appĩĩrnannu nẽ ũtũngteehu lemiinit cunuung.

Ebereei 12:3 ပူးပေါင်းရင်းမြစ်များ

Maatteeo 11:19

Ma baa aku Ngeertĩ Eeto aduhi nẽ ũhũdĩ, ainnu, ‘Ĩĩn ẽẽtĩ ciee lobolobbiaahit nẽ ĩĩ duuttiahit, ꞌgõõnĩ eet ꞌcĩg alũt occoro hĩ ꞌthẽccanniook.’ Nẽẽthĩ hinnianĩ, edeeꞌnyia ꞌgẽẽnyĩthĩ ꞌcĩ ĩĩn dĩdĩ, thooꞌthiohĩĩ vẽlẽk ĩcĩg adtican nẽẽnĩ.”

Maatteeo 12:24

Ma baa athĩhĩ Variꞌtheei thõõth icci ho, iita ĩĩtõ, “ꞌBeelthebub makayyioohit cĩ loriẽẽt ꞌcĩg abathĩ, ꞌcĩ aaꞌnyĩk eet icci hitiggia loriẽẽt ꞌcĩg abathĩ ho.”

Maatteeo 15:2

“Inni nuyyiooha cugunnig hẽꞌthẽcanit nyepitee cĩ makayyiook cĩg eetuk ko? Hõllõngaa nẽẽg ũũny athĩn cĩggĩĩng õõa ꞌcĩ duhẽẽttõ inni?”

Maatteeo 21:23

Baa õkõ aduhun Yeesu nĩngĩtĩ õbõhõõ hĩ halang cĩ ꞌCieeth cĩ Nyekuci nẽ illiman eeta, ma ho, ummuddiaak makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ nẽ ijinit ĩĩttĩk, “Ammũda nii makaaꞌthĩt ꞌcĩ adĩmanĩĩ thooꞌthiok iccig ko ĩĩna? Aaꞌnyi nganĩ?”

Maatteeo 21:46

Nĩngĩtĩ atarraabanĩ nẽẽg ꞌgõõl ꞌcĩ adiim ababuuthanĩ ĩnõõnnõ, nẽẽthĩ hinnia, baa itieelli nẽẽg lothippit, hĩnĩngĩtĩ baa ammuk lothippiti aĩ, ĩĩn Yeesu põrõvẽtaac.

Maatteeo 22:15

Ma nĩngaata, ulutti Variꞌtheei, õõt ũkũmatteek ꞌgõõl ꞌcĩ hatĩ aggamĩ Yeesu thooꞌthiohĩĩ cĩgĩnnĩg.

ꞌLuuka 14:1

Kõr umwa cĩ ꞌYiommaanõ, baa õkõ aduhi Yeesu õlõõ cĩ Variꞌtheenit umwa ꞌcĩ agayyi gẽrrẽẽt. Nĩngĩtĩ arũũrrĩ eeta ĩnõõnnõ,

ꞌLuuka 15:2

Ma nĩngaata, õngõõngõõcõ Variꞌtheei hĩ ꞌlimmanniook cĩg nyattaalak ĩĩtõ, “Aũ ẽẽtĩ ciee ꞌthẽccanniook nẽ udukto hĩ ĩnõõnnõ hõdẽĩ!”

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

ꞌLuuka 2:34

Nĩngĩtĩ aggatanĩ ꞌThimiõõnẽ ĩhõõggõ nẽ ĩĩnnĩk ꞌcĩ ĩĩn Maria aattĩ loholeeco, “Aꞌnyahaak hatĩ loholeec ciee eet ũgĩ bathi nẽ aꞌnyahaak ũgĩ bũnnai Ĩꞌthĩraẽla. Ĩꞌthõõa hatĩ Nyekuci ĩnõõnnõ hĩĩ terethiinit, nẽẽthĩ, mẽẽlĩg hatĩ eeta ꞌcĩg abũrĩ ĩnõõnnõ gẽrrẽẽt,

ꞌLuuka 5:21

Ammuk hinnia Variꞌtheei hĩ ꞌlimmanniook cĩg nyattaalak ꞌthinneetinii cĩggĩĩng aĩ, “Eet ꞌcĩ nganĩ ciee õdõõm Nyekuc ko? Nganĩ umwaa ꞌcĩ occa ammaannĩk ꞌthẽccanẽẽt? Nyekuc dioo ꞌcĩ occa ammaannĩhĩ.”

Yõaannẽ 10:20

Baa aĩ eeta ꞌcĩg mẽẽlĩg, “Eet ꞌcĩ aꞌnyak lori ꞌcĩ abathĩ niccieeni nẽ adak maangõnĩ! Inni ĩthĩhĩt ĩnõõnnõ ho?”

Yõaannẽ 18:22

Ma baa uduha Yeesu thõõth icci, ikia atabaang bolitheeniti umwaa cĩ ꞌCieeth cĩ Nyekuci ĩnõõnnõ nẽ ĩĩnnĩk, “Hõllõngaa ꞌgõõl ꞌcĩ occa ẽdẽcĩ nii paadĩr cobbi nicciaani!”

Yõaannẽ 5:16

Nẽẽthĩ, baa adĩman Yeesu thooꞌthiok iccig Kõrraa cĩ ꞌYiommaanõ. Ma ho, iita eggerenyteek makayyiooha cĩg ꞌJudeei Yeesu.

Yõaannẽ 7:12

Baa ẽppẽhanõõnĩ eeta Yeesu lothippita gẽrrẽẽt. Baa õthõõth ũgẽẽgĩ aĩ, “Ĩĩn Yeesu eet ꞌcĩ abũnnaa.” Nẽ tarĩ ĩĩtõ ũgẽẽgĩ, “Ĩggõõl nẽẽ eet vẽlẽk.”

Yõaannẽ 8:13

Ẽppẽhan hinnia Variꞌtheei ĩnõõnnõ anneek, “Othoothi nii thõõth cĩ ẽlẽ cunni ẽmmẽn nẽ thõõth ꞌcĩ aduha nii ho, hõllõngaa ĩĩn thõõth dĩdĩ.”

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!

Yõaannẽ 8:59

Ma nĩngaata, uuratta nẽẽg biyyiẽẽn ꞌcĩg adiim õhõdaanĩ Yeesu hadaak. Nĩngĩtĩ aguꞌthẽẽnĩ Yeesu nẽ uduhuna battaala ꞌCieethaa cĩ Nyekuci.

Yõaannẽ 9:40

Ma baa athĩhĩ Variꞌtheei ꞌcĩg baag abĩlĩ nĩngaata thõõth icci ho, iita ijinit nẽẽg Yeesu ĩĩttĩk, “Ma naag, hĩĩgĩnna naag buúk rubettĩg?”

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

2 Tẽꞌthaloonika 3:13

ꞌGotoonoga hĩ ngoonoga, ma happĩĩrnannu ngaatĩ adticannu thooꞌthiok ꞌcĩg abũnnaa ũdũt.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 12:5

Ataarrioꞌthu occa niig thooꞌthiok baag akũtannuung Nyekuci hĩ lohollia cĩgĩnnẽẽgĩ? Baa aduha nẽẽ aĩ, “Má hamaaccu tilooinit cĩ Makayyiookto, nẽ ma huunniku lemiinit hatĩ etereꞌthuung nẽẽnĩ.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

1 Pẽẽtũrũ 2:23

Tananga baa õdõõm eeta ĩnõõnnõ, baa hõllõngaa aruha nẽẽ oolo. Ma baa accananni nẽẽnĩ, baa hõllõngaa eggerꞌnyeek nẽẽ eet umwa. Nẽẽthĩ hinnianĩ, baa aalla aꞌnyak nẽẽ lemiinit hĩ Nyekuc ꞌcĩ ẽttẽẽd thooꞌthiok cĩg eetuk jurrung.

Terethiinit 2:3

Baa emmeeꞌthu niig thooꞌthiok nẽ accanatteeu gẽrrẽẽt, hĩnĩngĩtĩ nganĩĩta nẽ aalla nga ippiirria ũdũt.