Ebereei 12:25 - ꞌBuuk cĩ Thõõth cĩ Nyekuci

²⁵ Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 12:25 ပူးပေါင်းရင်းမြစ်များ

Luugithõõ 16:29

Ummuhuttooth nõõ ngaatĩ aaꞌnyuung Makayyioohiti Kõr cĩ ꞌYiommaanõ, ĩnõõ ꞌcĩ aaꞌnyuung nẽẽ ngagiit ũbũnẽẽt ꞌcĩg ũũppan waathinniook ꞌramma lõõcĩ tõrkõnõn ko. Adiim aattĩg eeta vẽlẽk ngaatĩ aattiyyi kõrraa ꞌcĩ ĩĩn tũkĩramma, aitiõõ ẽẽtĩ ꞌcĩ occa õkõ ĩĩmwaanĩ tõõ.”

Luugithõõ 20:22

Ma ho, ĩĩnnĩk Makayyioohiti Mũũꞌtha, “Duhaak eet cĩg Ĩꞌthĩraẽlĩ thõõth icci, ‘Icittu thĩ aattĩ ngaatĩ hõthõõthakuung naa ngagiit hẽẽtahujjieen.

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 8:4

Ma ho, ĩĩnnĩk Yeesu ĩnõõnnõ, “Ma haduhaahi eet umwa thõõth icci. Deceek bĩĩt teretheek paadĩr ẽlẽ cunni nẽ aaꞌnyĩhuu ĩnõõnnõ ꞌbaaninit baa aduha Mũũꞌtha, hátĩ hagaacõ eeta ngaatĩ ũbũnaĩĩ nii dĩdĩ.”

Dtiicanĩ cĩg ꞌThooyyiahu 7:35

“Baa ĩĩn ciee Mũũꞌtha baa ꞌthẽk abũrĩ eeta ngaatĩ annẽẽkĩ, ‘Nganĩ ꞌcĩ aaꞌnyi nganiit makaaꞌthĩt ꞌcĩ etteedĩkeet ngagĩĩt thõõth ko?’ Baa ĩꞌthõõa Nyekuci Mũũꞌtha hikia hĩĩ makayyioohit ꞌcĩ õõga ĩhõõggõ aajĩlõõaa baa uppwaannak ĩnõõnnõ tumuthaa baa atũũthĩ.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

2 Timotteeo 4:4

Au hatĩ abũrĩ eeta thõõth cĩ Nyekuci ꞌcĩ ĩĩn dĩdĩ nẽ utuhuyyi ũnnẽẽcõ dtẽẽllẽn cĩg baangaani.

Ebereei 1:1

Baangaani, baa gõõng othoothĩk Nyekuci hĩbaangĩ utugeetinii cĩg põrõvẽtaaꞌnyanu tabattĩ mẽẽlĩg ꞌgoolliohĩĩ cũũmõ cũũmõ.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 12:19

hode tũũrĩ ꞌcĩ adtaki tõõ. Baa athĩhĩ eeta cĩg Ĩꞌthĩraẽlĩ molook ꞌcĩ õthõõthĩ. Nẽẽthĩ, baa alaacõ nẽẽg molook tĩho hĩjjaahõ,

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 3:17

Hĩ nganĩ nooyyia baag aaꞌnyĩk Nyekuc hĩlĩĩlĩ ĩꞌthõng irkiꞌnyia hẽẽn ꞌwec ko? Hõllõngaa nooyyia ĩhõõggõ eeta baag ẽꞌthẽcattõõ nẽ adaahito horrwatõõ ꞌcĩ õdõhõhĩĩ kak nẽẽgĩ?

Ebereei 8:5

Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 22:9

Anneeka hinnia nẽẽ, “Ma halayyaa nganĩĩta, laa Nyekuc, hĩĩnĩ naa dticciannioohit cĩ Nyekuci haaga hĩ nii buúk nẽ hĩĩnĩ dticciannioohit hĩ ꞌgotoonogu põrõvẽtaaꞌnya cĩgĩnnẽẽgĩ, hĩ eet vẽlẽk ꞌcĩg athĩhĩ nẽ elemit thõõth ꞌcĩ eheeddi ꞌbuuhaa cĩ ho.”