Ebereei 12:24 - ꞌBuuk cĩ Thõõth cĩ Nyekuci

²⁴ Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

Ebereei 12:24 ပူးပေါင်းရင်းမြစ်များ

ꞌThianaattõ 4:10

Nẽ othoothĩk Makayyioohiti Kaiino ĩĩnnĩk, “Ne ꞌyioko ꞌthẽk ꞌcĩ adĩmani nii noho ho? Allweeka nganĩĩt biyyieeta cĩg ꞌgotonoonu loota.

Luugithõõ 24:8

Ma ho, ittiha Mũũꞌtha biyyi hẽddẽẽma nẽ urwacanĩ eeta. Ma tarĩ ho, ĩĩnnĩk ĩhõõggõ, “Biyyi cĩg lõhõtaak cieegi, baag aarĩk Makayyioohiti hĩ ngagiit, hĩnĩngĩtĩ thooꞌthiok iccig vẽlẽk.”

Maatteeo 23:35

Nẽẽthĩ hoti ho, eheellu hatĩ niig daahĩꞌthiook cĩg eet vẽlẽk cĩg Nyekuci, iꞌthianaanĩ hĩ eet ꞌcĩ abũnnaa, Abeele hõdõlan ꞌThakaria ngeertĩ Berekia, baa aruku hõrggẽẽnaa cĩ ꞌCieeth cĩ Nyekuci hĩ altaarĩ ꞌcĩ ĩbboorini ꞌgaarriẽẽna.

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Maarko 14:24

Ma nĩngaata, ĩĩnnĩk ĩhõõggõ, “Biyyi cĩg lõhõt caannĩ cieegi, ꞌcĩg hatĩ ẽrrẽnna, hĩnĩngĩtĩ eet vẽlẽk.

ꞌLuuka 11:51

Iꞌthianaanĩ biyyiẽẽtĩ cĩg Abeele ĩꞌthõng hõdõlan cĩg ꞌThakaria baa aruhi hõrggẽẽnaa cĩ altaarĩ ꞌcĩ ĩbboorini ꞌgaarrieeniti hĩ ꞌCieeth cĩ Nyekuci. Ee mĩĩ, haduhaakuung dĩdĩ, õcõõd ꞌthẽk hatĩ lohollia cĩg irkiꞌnyia iccig thooꞌthiok iccig vẽlẽk hĩ otto.

ꞌLuuka 22:20

Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.

ꞌGalaaꞌthia 3:20

Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 11:28

Baa aaꞌnyĩk lemiiniti Mũũꞌtha hadak Karrama cĩ Kõr ꞌcĩ Haangittõõ. Baa urwacaneek nẽẽ biyyi cĩg heleggeennu hẽẽnĩĩ cĩg hattũũgetu, hátĩ hiittiõõ hõllõngaa aruk Nyekuci lõhõlĩ ꞌcĩg maacĩg ꞌcĩg oou cĩg Ĩꞌthĩraẽlĩ.

Ebereei 11:4

Baa lemiinit cĩ Abeele ꞌcĩ aaꞌnyĩk Nyekuc hẽlẽm ꞌgaarrieenit cĩnnĩ, hĩllõõan cĩ Kaiino. Baa aaꞌnyĩk ꞌbaaniniti Abeele hĩĩ eet ꞌcĩ abũnnaa nẽ ẽlẽm Nyekuci ꞌbaaninit cĩnnĩ. Tananga adaak Abeele hũnũũk, nga hõthõõthõõ naag hĩ ĩnõõnnõ terethiittaa cĩ lemiinit cĩnnĩ.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

Ebereei 7:22

Nẽ hĩnĩngĩtĩ lõbũtĩ icci, ikia aaꞌnyeet Yeesu lõhõt ꞌcĩ abũnnaa hĩ Nyekuc.

Ebereei 8:13

Ma õthõõth Makayyioohiti thõõth cĩ lõhõt ꞌcĩ ĩĩn ngeju ho, õthõõth nẽẽ aĩ, iittiõõ lõhõt baa ꞌrẽẽnĩ hõllõngaa adticanni. Nẽ ꞌyioko, õbõhĩ uduhoothĩha nẽ iꞌnginõõthĩ hatĩ hĩdĩĩkoothong.

Ebereei 8:6

Nẽẽthĩ ꞌyioko, eberria Yeesu paadĩrĩ cĩnaac cobbi nẽ aaꞌnyĩhoothĩk dtiici ꞌcĩ ĩllõõan dtiic cĩ paadĩrꞌnya baag oou, hĩnĩngĩtĩ ĩĩ nẽẽ jayyio ꞌcĩ othooꞌtheet ngagĩĩt hĩ Nyekuc jurrung, thõõthaa cĩ lõhõt ꞌcĩ ĩĩn ngeju baa aduha Nyekuci.

Ebereei 8:8

Nẽẽthĩ, baa hinnia aku ammũda Nyekuci ꞌthẽccan hĩ eet, nĩngĩtĩ õthõõthĩ Makayyioohiti aĩnnĩ, “Aku hatĩ kõrra, ꞌcĩ haarĩkĩĩ naa lõhõt ꞌcĩ ĩĩn ngeju hĩ eet cĩg Ĩꞌthĩraẽlĩ hĩ cĩg ꞌJuuda buúk.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

Ebereei 9:19

Urutaa baa itigiilihi Mũũꞌtha nyattalliook cĩg Nyekuci eet vẽlẽk, ikia ittiha nẽẽ biyyi cĩg maala hĩ cĩg ẽẽthak hĩ maam urwacanĩ ꞌbuuk cĩ nyattal cĩ Nyekuci hĩ eet buúk. Baa urwacaniini Mũũꞌtha cẽrẽm ꞌcĩ õlõõ hĩ bõllõõk.

Ebereei 9:21

ꞌGõõlaa nĩĩcĩ dioo, ikia urwacan Mũũꞌtha ꞌCieeth cĩ Nyekuci horrwaa ꞌcĩ õdõhõhĩĩ kak, hĩ hẽlẽggĩ vẽlẽk ꞌcĩg adticaniini paadĩrꞌnya laiitta.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.