Ebereei 12:23 - ꞌBuuk cĩ Thõõth cĩ Nyekuci

²³ Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

Ebereei 12:23 ပူးပေါင်းရင်းမြစ်များ

ꞌThianaattõ 18:25

Nẽ dĩdĩ, occa ꞌthẽk hõllõngaa aruhi eeta ꞌcĩg abũnnaa hĩ ꞌthẽccanniook hõdẽĩ. Nganiit loota nĩnga ꞌcĩ etteedi thooꞌthiok jurrung nẽ occa hõllõngaa adĩmani eet ꞌcĩg ammĩrĩ ꞌbuth.”

Luugithõõ 13:2

“Aanytaangu nganĩĩt lõhõlĩ ꞌcĩg arrittiaa ĩĩcĩ oou eetinii cĩg Ĩꞌthĩraẽlĩ. Lohollia ꞌcĩg au arrittiaa ĩĩcĩ oou, hode maala hĩ mĩꞌnyõ vẽlẽk ꞌcĩg au arrittiaa ĩĩcĩ oou, ĩĩn cĩgannĩg.”

Luugithõõ 4:22

Nẽẽthĩ, duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Ĩĩn Ĩꞌthĩraẽlĩ loholeec caannĩ ꞌcĩ oou,

ꞌLuuka 10:20

Ma thĩ hinnia hatallu, hĩnĩngĩtĩ ĩthĩktuung loriẽẽta ꞌcĩg abathĩ. Atalit hĩnĩngĩtĩ eteheeddi ꞌthaara cugguung hẽẽtahujjieen.”

Yõaannẽ 5:27

Nẽ aaꞌnyĩk Maaꞌnyia ĩnõõnnõ makaaꞌthĩt ꞌcĩ ẽttẽẽdĩ thooꞌthiok cĩg eet vẽlẽk, hĩnĩngĩtĩ ĩĩn nẽẽ Ngeertĩ Eeto.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

1 Korinthia 13:12

Nẽẽthĩ ꞌyioko, ꞌgii vẽlẽk ꞌcĩ hacĩnĩ naag Nyekuc, aaĩ hĩcĩ hacĩn ꞌthooura cĩnnĩ ꞌcĩ hõllõngaa edeeꞌnyia jurrung maadaraawatõõ. Nẽ hatĩ uruta, hacĩn hatĩ naag ĩnõõnnõ cũrũmũũm. Hõllõngaa haga naag hẽlẽggĩ vẽlẽk, nẽẽthĩ, haga hatĩnĩ, hĩcĩ agayyeet Nyekuci ngagĩĩta.

1 Korinthia 15:49

Hĩcĩ haduhõõ naag hĩ eet baa ẽhẽnytaa dooba ho, haattĩg hatĩ naag hĩ ẽẽtĩ baa aku hẽẽtahujjieen.

1 Korinthia 15:54

Eleeti ꞌcĩg ꞌyioko haꞌnyak naag ko, ĩĩn eleeti ꞌcĩg hõllõngaa attiranĩ nẽ adaahĩ. Nẽẽthĩ, ũũkcĩ hatĩ nẽẽg hĩĩtõ eleeti ꞌcĩg aalla ũdũt. Hatĩ hikia thõõth cĩ ꞌBuuk cĩ Nyekuci hĩĩ dĩdĩ hĩ baa aĩ, “Aꞌnyamanĩ daahĩthĩ!”

2 Korinthia 5:8

Haaut hokomit, hĩnĩngĩtĩ mẽẽn ngaatĩ hadaaknĩ loota nĩnga nẽ hõõt õlõ hẽẽtahujjieen hũrũmtĩ hĩ Makayyioohit.

Eevvetho 1:22

Aaꞌnyĩk Nyekuci Krĩstõ ꞌtirrian haggamĩ hẽlẽggĩ vẽlẽk, hátĩ hẽẽlĩ lothippit cĩ lemmioohu, nẽ aaꞌnyĩk ĩnõõnnõ hĩĩ Makayyioohit cĩ hẽlẽggĩ vẽlẽk.

Pilippi 4:3

Nẽ nii ꞌgõõna cĩ ꞌthĩnĩtõ ꞌcĩ hadticanni hõdẽĩ ho, halayyii ẽẽl ngaaĩ nicciaag ĩĩn ꞌramma hataa. Baa hadticaniinna hõdẽĩ hĩ ĩhõõggõ ngaatĩ hallimanna nyeemuut ꞌcĩ abũnnaa. Baa adticanni nẽẽg hõdẽĩ hĩ Kelementiino hĩ dticcianniook ũgĩ cĩgannĩg, ꞌcĩg eteheeddi ꞌthaarrioha cĩggĩĩng ꞌbuuhaa cĩ rũgẽtõ.

Kolooꞌthe 1:12

Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

1 Timotteeo 3:5

Má hõllõngaa aggam makayyioohiti õlõ cĩnnĩ jurrung, occa hatĩ aꞌthũũnnĩ nẽẽ lothippit cĩ lemmiook cĩg Nyekuci hutuno?

Ebereei 11:4

Baa lemiinit cĩ Abeele ꞌcĩ aaꞌnyĩk Nyekuc hẽlẽm ꞌgaarrieenit cĩnnĩ, hĩllõõan cĩ Kaiino. Baa aaꞌnyĩk ꞌbaaniniti Abeele hĩĩ eet ꞌcĩ abũnnaa nẽ ẽlẽm Nyekuci ꞌbaaninit cĩnnĩ. Tananga adaak Abeele hũnũũk, nga hõthõõthõõ naag hĩ ĩnõõnnõ terethiittaa cĩ lemiinit cĩnnĩ.

Ebereei 11:40

Baa aaĩ thõõth ciee hoti, hĩnĩngĩtĩ baa iyyiangtheekeet Nyekuci ngagĩĩt ꞌgii ꞌcĩ mẽẽn. Nẽ baa hõllõngaa adiim Nyekuci ĩhõõggõ hõdõlanit rũgẽt ꞌcĩ aalla ooo, nga haitiõõ naag tõõ.

Ebereei 2:12

Baa anneek Yeesu Nyekuc nẽẽ, “Haduhaahi hatĩ naa lothippit cĩ lemmioohu ꞌthaar cugunnig nẽ hẽbẽna dĩhĩthẽẽnĩt cunni, hatĩ au alayyi nẽẽg nganiita.”

Ebereei 9:27

Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 2:23

Tananga baa õdõõm eeta ĩnõõnnõ, baa hõllõngaa aruha nẽẽ oolo. Ma baa accananni nẽẽnĩ, baa hõllõngaa eggerꞌnyeek nẽẽ eet umwa. Nẽẽthĩ hinnianĩ, baa aalla aꞌnyak nẽẽ lemiinit hĩ Nyekuc ꞌcĩ ẽttẽẽd thooꞌthiok cĩg eetuk jurrung.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 14:4

Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 6:11

Baa aanytĩhoothĩk eet ꞌcĩg urukti vẽlẽk ceremwaana ꞌcĩg õõrẽẽgĩ. Baa adukiaak ĩhõõggõ thõõth hiyyiomanit nõõ hĩdĩhĩdĩĩc, ĩꞌthõng hũttũbanoothĩk ꞌliimira cĩ ꞌgõtõõnõgĩ hĩ ngõõnõgĩ cĩggĩĩng, ꞌcĩg ĩĩn dticcianniook cĩg Yeesu ꞌcĩg hatĩ nga aruhi, ꞌcĩg nga hummuddioothĩk ĩhõõggõ.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.