Ebereei 12:15 - ꞌBuuk cĩ Thõõth cĩ Nyekuci

¹⁵ Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

Ebereei 12:15 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

1 Korinthia 13:8

Aitiõõ mĩnnanĩ hõllõngaa adtuunnihi. Nẽẽthĩ, ngaatĩ adukiaanĩ thooꞌthioha ꞌcĩg hatĩ horumwa, au hatĩ abĩlĩ nẽẽgĩ nẽ ngaatĩ õthõõthĩ eeta thooꞌthiohĩ cũũmõ cũũmõ, au hatĩ abĩlĩ nẽẽgĩ, ngaatĩ aayyi ꞌgẽẽnyĩthĩ, aku hatĩ aꞌnginoothi.

1 Korinthia 15:33

Ma haggiiꞌthu eleeti cugguung haaga noho. Ẽꞌthẽcannuung hatĩ ngagiit ꞌgoonogu ꞌcĩg abathĩ.

1 Korinthia 5:6

Aitiõõ ꞌrianĩĩthĩ cunuung ko hõllõngaa abũnnaa. Hõllõngaa nooyyia agayyu niig ngaatĩ ĩꞌthanõthõõthĩkĩ abũũlana ꞌcĩg abadtẽc haaga tũkan ꞌcĩ oꞌngoꞌnyi hũtũrũũr?

2 Korinthia 13:5

Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

ꞌGalaaꞌthia 2:13

Ma baa adtuuha eeta cĩg ꞌJudeei ũgẽẽgĩ ꞌcĩg baag aattĩg nĩngaata Pẽẽtũrũ ngaatĩ adĩmanĩ hoti ho, iita ĩthahithit nẽẽg buúk ĩnõõnnõ, Baarnaba buúk nĩngaata ataddaanĩ haaga, nĩngĩtĩ anũĩ nẽẽ buúk ꞌgõõl cĩnĩĩng ko.

ꞌGalaaꞌthia 5:4

Nẽ ma adiimmu niig hataluung Nyekuci ꞌgõõlaa ꞌcĩ anuyyu nyattal cĩ Mũũꞌtha, eꞌngerrioou niig hĩ bũnnai cĩ Krĩstõ ꞌcĩ ĩllõõan vẽlẽk.

Eevvetho 5:3

Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

2 Pẽẽtũrũ 1:10

Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 3:11

Má atũũthĩ hatĩ hẽlẽggĩ vẽlẽk hoti, adiim occa iiginnu niig eet ꞌcĩg aattiyyu hutuno? Adiim aꞌnyaku niig authet ꞌcĩ ẽllẽẽmĩthĩ ꞌcĩ athiknu Nyekuc,

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

2 Yõaannẽ 1:8

Ĩcĩnĩt jurrung, hátĩ hiittiõõ hõllõngaa ammanyannu thõõth baa hadticaniini gẽrrẽẽt haĩ hummuddiaaĩ dũman ko. Idticattõ gẽrrẽẽt, hátĩ ummudia dũman hũtũrũũr.