Ebereei 12:11 - ꞌBuuk cĩ Thõõth cĩ Nyekuci

¹¹ Ahuci hõdõõkõthĩ hatĩ nga ilootteet eeta thõng. Má hillimanit ngaatĩ hathĩknĩ thõõth hatĩ nga ilootteet eeta, hadĩman hatĩ thõõth ꞌcĩ aũlanĩ nẽ haauto lõꞌngõõc.

Ebereei 12:11 ပူးပေါင်းရင်းမြစ်များ

ꞌThianaattõ 21:11

Nẽ baa õꞌngõnyõõ Abũrahamĩ hĩ ꞌthĩnĩt gẽrrẽẽt, hĩnĩngĩtĩ baa ĩĩn Ĩthĩmaĩlĩ buúk loholeec cĩnnĩ.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Ebereei 12:10

Hĩnĩngĩtĩ ilootteet ngagĩĩt nyakangaaꞌnya loota nĩnga irkiꞌnyia ꞌcĩg abadtẽc haaga, ꞌgõõlaa ꞌcĩ aga nẽẽg aĩ mẽẽn. Nẽẽthĩ, abũnnaa hĩ ngagĩĩt hõdõõkõthĩ hatĩ ilootteet Nyekuci, hátĩ hotholit ꞌlẽẽmĩth cĩnnĩ.

Ebereei 5:14

Ĩĩn ahat ꞌcĩ õkõmĩ cĩ eet cobbi nẽ aala illiman ngaatĩ ittiamanĩ ꞌgii ꞌcĩ abũnnaa hĩcĩ abathĩ.

1 Pẽẽtũrũ 1:6

Nẽẽthĩ, accamattoothĩk dĩdĩ. Nga ꞌthẽk aayyiaa taliiniti cobbi gẽrrẽẽt ĩĩcĩ oou, tananga occa nga emmeꞌthu ꞌtĩmman ꞌgoolliohĩĩ ꞌcĩg mẽẽlĩg hĩdĩhĩdĩĩc.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.