Ebereei 12:1 - ꞌBuuk cĩ Thõõth cĩ Nyekuci

¹ Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

Ebereei 12:1 ပူးပေါင်းရင်းမြစ်များ

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

Maarko 10:50

Nĩngĩtĩ adhuhẽẽkĩ nẽẽ cẽrẽm ꞌcĩ ahimit ẽllaa cĩnnĩ ngadiiha nẽ ĩꞌngõth ꞌjieena ũũk hĩ Yeesu.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 16:28

hĩnĩngĩtĩ haꞌnyahi ꞌgotoonoga ꞌtur õlõ. Aꞌnyĩĩk nuun hũũk hirrioonik ĩhõõggõ, hátĩ hiittiõõ hõllõngaa au nẽẽg buúk ngaatĩ ꞌcannaanõ ho.’

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

Yõaannẽ 3:32

Õthõõth nẽẽ thõõth ꞌcĩ baa ĩcĩn nẽẽ nẽ ĩthĩha. Nẽẽthĩ hinnia, aitiõõ ẽẽtĩ ꞌcĩ ẽlẽmĩ thõõth cĩnnĩ ho tõõ.

Yõaannẽ 4:39

Baa au ẽlẽmĩ eeta ꞌcĩg mẽẽlĩg cĩg Thamaria ꞌtaaũnaa tĩho Yeesu, hĩnĩngĩtĩ thõõth ꞌcĩ aduhaak ngaa ĩhõõggõ anneek, “Aduhaaka ẽẽtĩ ciee thõõth vẽlẽk ꞌcĩ gõõng hadĩmani naana.”

Yõaannẽ 4:44

Baa õthõõth Yeesu aĩ, “Hõllõngaa itieelli eeta põrõvẽtaac looccaa cĩnnĩ, iꞌngolli eeta ĩnõõnnõ loonyinii ꞌcĩg ꞌrĩĩng diooni.”

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

Eevvetho 4:25

Ma nga hoolongeeku ꞌgoonogu, iꞌthiattaaĩ uduktaak ĩhõõggõ thõõth ꞌcĩ ĩĩn dĩdĩ, hĩnĩngĩtĩ hĩĩgĩn naag ũbũtĩ cĩ ẽlẽ hõdẽẽthõng.

Pilippi 1:30

Baa ĩcĩttaangu niig nganĩĩt ngaatĩ haccananiini nẽ aalla athiknu aĩ, nga haccanannii noho. Nẽẽthĩ ꞌyioko, accanattĩ niig buúk ꞌgõõlaa baa haccananiini naana.

Pilippi 2:16

Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ.

2 Timotteeo 2:4

Hõllõngaa ũũrũtaacĩ aduknoothĩk dtiicanĩ cĩg eet ꞌcĩg hollig, adiim ꞌthẽk nẽẽ haaꞌnyĩk makayyioohit cĩnnĩ haccamanoothĩk.

2 Timotteeo 4:7

Baa hidticana naa jore ꞌcĩ abũnnaa, hẽdẽcaaha iret buúk nẽ hũꞌthũũtĩ lemiinit dĩdĩ.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

ꞌJeemith 1:3

Hĩnĩngĩtĩ agayyu niig aĩ, má ĩttĩmanĩ lemiiniti cunuung, occa hatĩ ammũda temeethi cunuung ꞌgõõl ꞌcĩ alĩꞌthĩ.

1 Pẽẽtũrũ 2:1

Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.

2 Pẽẽtũrũ 1:6

nẽ ittoorrihu ꞌgẽẽnyĩth authet cĩ haꞌthũũnnĩ eleeti jurrung nẽ ittoorrihu authet ꞌcĩ haꞌthũũnnĩ eleeti temeethi nẽ ittoorrihu temeethi ꞌgõõl ꞌcĩ haaꞌnyĩkĩ Nyekuc haccamanoothĩk;

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 13:10

Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.