Ebereei 11:9 - ꞌBuuk cĩ Thõõth cĩ Nyekuci

⁹ Hĩnĩngĩtĩ baa aꞌnyak Abũrahaamõ lemiinit, aau nẽẽ hĩ tahanit looccaa baa aduhaak Nyekuci ĩnõõnnõ. Baa õlõman nẽẽ tuggẽẽtĩ hĩ baa õlõman Iꞌthaako hĩ Yakobo buúk, baag ippotaneek Nyekuci looc nicci dioo noho.

Ebereei 11:9 ပူးပေါင်းရင်းမြစ်များ

ꞌThianaattõ 12:8

Ma nĩngaata, ikia ũũk nẽẽ ĩĩcĩ muurriok ꞌcĩg aattĩg ĩĩcĩ uruto cĩ ꞌtaaũn cĩ Bẽthẽlĩ, nĩngĩtĩ õkõ ẽhẽnytĩ tuggu cĩnnĩ nĩngaata. Baa aaĩ Bẽthẽlĩ ĩĩ gõõng õkõlõõthĩkĩ kõrra nẽ aau Ai ĩĩcĩ uruto, ĩĩ gõõng uppwaannanĩ kõrra. Ma tarĩ nĩngaata, ẽtẽhẽnya nẽẽ nĩngĩtĩ ĩbbõõrĩkĩ Makayyioohit ꞌgaarrieenit nẽ ubuluth ĩnõõnnõ nĩngaata.

ꞌThianaattõ 13:18

Ma baa õtõõĩ Abũraamõ looc vẽlẽk, ikia uluugi õlõ nẽ ũũk õlõmaneek ngaatĩ õbõhõõ hĩ hẽẽn ꞌcĩg obbitig cĩg eet ꞌcĩ haĩ Mamre, ngaatĩ õbõhõõ hĩ ꞌtaaũn cĩ Heboronĩ. Nĩngĩtĩ ẽhẽnytaanĩ nĩngĩtĩ ĩbbõõrĩkĩ Makayyioohit ꞌgaarrieenit nĩngaata.

ꞌThianaattõ 13:3

Ma nĩngaata, ikia ũtũngeek Negeve nẽ õtõõĩ looc ĩꞌthõng Bẽthẽl, nga baa ẽhẽnytĩ nẽẽ tuggu, hõrggẽẽnaa cĩ ꞌtaaũn cĩ Bẽthẽlĩ hĩ Ai,

ꞌThianaattõ 17:8

Haaꞌnyuung hatĩ naa nganiit hĩ lõhõlĩ cugunnig looc cĩ Kanaanĩ ꞌcĩ ꞌyioko aayyi nii ho, hĩĩ cunuung ũdũt. Hĩĩnĩ hatĩ naa Nyekuc cĩ lõhõlĩ cugunnig.”

ꞌThianaattõ 18:6

Ma nĩngaata, ũꞌthũkũc Abũrahamĩ ũũk uduhun ꞌcieeth nẽ ĩĩnnĩk ngaa cĩnnĩ, “Thaara, ꞌtiha tũkan nẽ ũthũha ũbũnẽẽt ũgĩ hĩdĩĩkoothong.”

ꞌThianaattõ 18:9

Ma ho, ijinit eeta niccieeg Abũrahaamõ ĩĩttĩk, “Aaĩ ngaa cunni Thaara ngaana?” Ẽdẽcĩ Abũrahamĩ anneek, “Ĩnõõnnõ caa aaĩ ꞌcieetõõ hata.”

ꞌThianaattõ 21:34

Nĩngĩtĩ õkõ aayyi Abũrahamĩ looccaa cĩ Viliꞌthia irkiꞌnyia ꞌcĩg mẽẽlĩg ꞌrĩng.

ꞌThianaattõ 23:4

“Hõlõ, hĩĩnĩ naa eet cĩ looc ꞌcĩ ꞌrĩĩng ngaati haaga, aanytaangu looc umwa hũtũ, hátĩ hadaĩ ngaa caannĩ.”

ꞌThianaattõ 25:27

Ma baa iita itiliꞌthia lohollia niccieegi, ikia Eꞌthaau ĩĩ nyahaappan ꞌcĩ aga lĩhõ hĩ ngaatĩ õvvõõĩ mõrõtõõ gẽrrẽẽt. Nẽ baa ĩĩn Yakobo eet ꞌcĩ tarbalĩ ꞌcĩ aalla õlõ haaga.

ꞌThianaattõ 28:4

Aꞌnyĩĩk Nyekuc haaꞌnyi nganiit hĩ lõhõlĩ cugunnig ꞌgattan ꞌcĩ aaĩ hĩ baa aaꞌnyĩk nẽẽ Abũrahaamõ, hátĩ bĩtĩ looc nicci aayyi ho, baa ippotaneek nẽẽ Abũrahaamõ.”

ꞌThianaattõ 31:25

Nĩngĩtĩ õdõlanĩ Labanĩ Yakobo nga baa aarĩkĩ Yakobo taban muurriõhĩĩ cĩg ꞌGileadĩ nẽ atagguutho Labanĩ hĩ ittioonniok cĩgĩnnĩg ko buúk nĩngaata.

ꞌThianaattõ 35:27

Ma baa ho, ikia ũmmũdoothĩk Yakobo maaꞌnyĩ Iꞌthaako looccaa cĩ Mamre ngaatĩ õbõhõõ hĩ Kiriath Arba ngaatĩ baa õlõmanĩ Abũrahamĩ hĩ Iꞌthaako. Haĩ Kiriath Arba ꞌthaar ũgĩ Heboron.

ꞌThianaattõ 36:7

Baa aluug nẽẽ, hĩnĩngĩtĩ baa akadan hẽlẽggĩ arteeniti looccaa ꞌcĩ arũmẽẽnĩ nẽẽ hĩ Yakobo ho. Hĩnĩngĩtĩ baa abal nẽẽg hẽlẽggĩ ꞌcĩg mẽẽlĩg nẽ aꞌnyaman ngaatĩ arũmẽẽnĩ hõdẽĩ.

ꞌThianaattõ 47:9

Ẽdẽcĩ Yakobo habu anneek, “Ẽlẽ maac ciee ĩĩn irkiꞌnyia cĩgannĩg ꞌcĩg hõvvõõyyĩ ꞌjieena ꞌmiia hõdẽĩ hĩ hẽẽn iyyio. Hĩdĩcĩg irkiꞌnyia cĩgannĩg ꞌcĩg happĩĩrnanĩĩ hõvvõõyyĩ ꞌjieena ho haaga. Hõllõngaa occa aduhõõ hĩ baag hĩbaangĩ baagannĩg õvvõ ꞌjieena hĩ ꞌyioko naa ho.”

Ebereei 6:17

Nẽ tarĩ, aꞌthũũnnĩ Nyekuci ẽllaa cĩnnĩ ẽmmẽn lõbũtĩ, hátĩ hagaacõ eeta baag aduhaak nẽẽ lõbũtĩ ngaatĩ ĩĩnnĩ thõõth cĩ Nyekuci dĩdĩ.