Ebereei 11:8 - ꞌBuuk cĩ Thõõth cĩ Nyekuci

⁸ Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 11:8 ပူးပေါင်းရင်းမြစ်များ

ꞌThianaattõ 11:31

Ma ho, ikia ũtũngeek ꞌTẽra ꞌtaaũn cĩ Uri looccaa cĩ Kaldea, nẽ idiim ũũk ĩĩcĩ Kanaanĩ. Baa õõkõr nẽẽ hĩ ngeerĩnĩ Abũraamõ hĩ Loot, ngeertĩ Haraanĩ, hĩ alaan cĩnnĩ Tharaĩ, ngaa cĩ Abũraamõ. Baa õõ nẽẽg ĩꞌthõng looc ꞌcĩ haĩ Haraan, nĩngĩtĩ õlõmanĩ nĩngaata.

ꞌThianaattõ 12:5

Baa õõkõr nẽẽ hĩ ngaa cĩnnĩ Tharaĩ, hĩ ngeertĩ ꞌgõtõnõõnĩ ꞌcĩ haĩ Loot, hĩ appahacaaꞌnya cĩgĩnnĩg. Baa aꞌngĩd nẽẽ hẽlẽggĩ cĩggĩĩng vẽlẽk baa aꞌnyak nẽẽ looccaa cĩ Haraanĩ buúk. Nĩngĩtĩ õdõlanĩ Abũraamõ looc ꞌcĩ haĩ Kanaan.

ꞌThianaattõ 12:7

Ma nĩngaata, uppwaannak Makayyioohiti Nyekuci Abũraamõ tarĩ nẽ ĩĩnnĩk ĩnõõnnõ, “Ĩĩn lõõcĩ ciee looc ꞌcĩ hatĩ haaꞌnyihi naa ngeeruni.” Ma nĩngaata, etehenyeek Abũraamõ Makayyioohit ꞌcĩ uppwaannak ĩnõõnnõ ho, nĩngĩtĩ ĩbbõõrĩkĩ Nyekuc ꞌgaarrieenit.

ꞌThianaattõ 15:5

Ma nĩngaata, ũũhĩ Nyekuci Abũraamõ battaala nẽ ĩĩnnĩk, “Deenyoth da nõõ hẽẽtkujjieen nẽ má ũũlũ ngaatĩ occa agiili mũnyũny, occa thĩ hatĩ agiili lõhõlĩ ꞌcĩg hõkõ haaꞌnyii naa nganiit ko buúk.”

ꞌThianaattõ 17:8

Haaꞌnyuung hatĩ naa nganiit hĩ lõhõlĩ cugunnig looc cĩ Kanaanĩ ꞌcĩ ꞌyioko aayyi nii ho, hĩĩ cunuung ũdũt. Hĩĩnĩ hatĩ naa Nyekuc cĩ lõhõlĩ cugunnig.”

ꞌThianaattõ 20:13

Baa avvaanna Nyekuci nganĩĩt hũtũngeek õlõ cĩ baaba nẽ hõtõõa lõkõrẽẽt vẽlẽk, baa haduhaahi Thaara hanneehi, ‘Má amĩnannaanĩĩ, migithooyya nẽ uduhaahu eet ꞌcĩg hõmmõtõõ ꞌgõõla vẽlẽk anneek, hĩĩnĩ naa ꞌgotonu.’ ”

ꞌThianaattõ 22:18

Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

ꞌThianaattõ 26:3

Au nõõ looccaa cĩ hĩdĩhĩdĩĩc. Haꞌthuunni hatĩ naa nganiit nẽ haggataniina. Haaꞌnyii hatĩ naa nganiit hĩ lõhõlĩ cugunnig vẽlẽk looc icci nẽ hũꞌthũũtĩ thõõth baa habũtaneehi naa maaꞌnyu Abũrahaamõ.

Maatteeo 2:21

Nĩngĩtĩ ĩꞌngaannĩ Yothebo nẽ ũũhĩ loholeec hĩ aattĩnnĩ Ĩꞌthĩraẽla.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

Ebereei 11:33

Ẽẽl lemiiniti cĩnĩĩng ĩhõõggõ haggamit habuccieeꞌnya nẽ hĩnĩngĩtĩ adĩman thõõth ꞌcĩ aũlanĩ, umuddia thõõth baa aduha Nyekuci nẽ ecebit utugeeti cĩg ꞌmaaĩtu,

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 3:1

Nẽẽthĩ, má ĩĩnĩ ngaa cĩ eeto, adiim athihi thõõth cĩ maac cunni. Tananga abũrĩ nẽẽ nyeemuut cĩnaang, aaꞌnyihi hatĩ nii ĩnõõnnõ hikia hĩĩ lemmioohit ꞌgõõlaa ꞌcĩ adĩmanĩĩ thooꞌthiok ꞌcĩg abũnnaa. Iittiõõ hatĩ eet umwaa ꞌcĩ occa aduhaak ĩnõõnnõ thõõth ꞌcĩ aku ĩĩnnĩ nẽẽ Lemmioohit tõõ,

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?