Ebereei 11:7 - ꞌBuuk cĩ Thõõth cĩ Nyekuci

⁷ Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 11:7 ပူးပေါင်းရင်းမြစ်များ

ꞌThianaattõ 19:14

Nĩngĩtĩ õkõ aduhaakĩ Lõõtĩ nyahaappanĩt ꞌcĩg baag adiim aꞌthũwan lõhõlĩ cĩgĩnnĩg ko annẽẽkĩ, “Ĩtĩngaac ngaati hĩdĩĩkoothong, idiim Makayyioohiti akatĩ ꞌtaaũn icci ꞌgwoo!” Baa hinnia ammuk nyahaappanĩta niccieeg aĩ, ĩggõõl Lõõtĩ ĩhõõggõ thõng.

ꞌThianaattõ 6:13

ikia uduhaak nẽẽ Nõõa ĩĩnnĩk, “Hataba naa hũcũda eet hĩ looc vẽlẽk hĩĩ ꞌthĩĩ, hĩnĩngĩtĩ ꞌthẽccanẽẽt ꞌcĩg adtican nẽẽg ko.

ꞌThianaattõ 6:22

Ma ho, ĩdĩman Nõõa thooꞌthiok iccig vẽlẽk hĩ baa aduhaak Nyekuci ĩnõõnnõ.

ꞌThianaattõ 6:9

Nẽ thõõth cĩ Nõõa cieeni: Baa ĩĩn Nõõa eet umwa ꞌcĩ ammĩnan Nyekuci gẽrrẽẽt, hĩnĩngĩtĩ baa ĩĩn nẽẽ eet ꞌcĩ abũnnaa eetini vẽlẽk. Baa aga Nõõa ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk.

ꞌThianaattõ 7:23

Ma nĩngaata ikia ũcũda Nyekuci hẽlẽggĩ baag ẽhẽnyta nẽẽ vẽlẽk, nĩngĩtĩ ũũnnĩkĩ Nõõa dioo hĩ õlõ cĩnnĩ hĩ idiꞌngwa hĩ hĩbaallĩ baag õkõõĩ nẽẽ haahũlatõõ.

ꞌThianaattõ 7:5

Nĩngĩtĩ adticanĩ Nõõa thõõth ꞌcĩ aduhaak Makayyioohiti ho vẽlẽk jurrung.

ꞌThianaattõ 8:16

“Uduhutta battaala hĩ ngaa cunni hĩ lõhõlĩ cugunnig hĩ ngaaĩ cĩggĩĩng vẽlẽk.

Maatteeo 2:12

Ma baa urutaa cĩnnĩ, ikia othoothĩk Nyekuci ꞌgeeꞌnyiak niccig honoothittatõõ, hiittiõõ hõllõngaa obodoothi hĩ Ẽrõõdẽ tarĩ. Nĩngĩtĩ õbõdõõꞌthĩ nẽẽg looccaa cĩnĩĩng ꞌgõõlaa umwaanĩ ĩĩcĩ ꞌrĩĩng.

Maatteeo 24:15

Nẽ õthõõth Yeesu tarĩ ĩĩ, “Aaĩ hatĩ kõrra ꞌcĩ acinnu niig ‘ꞌgii ꞌcĩ abathĩ gẽrrẽẽt ꞌcĩ aꞌnyaha ꞌribban,’ abĩlĩ Ngaatĩ Ẽllẽẽmĩth ꞌCieethaa cĩ Nyekuci, hĩ baa aduha põrõvẽtaacĩ Danieele aĩ, anneek eet ꞌcĩ agiili thõõth icci, thĩĩk jurrung!

Maatteeo 24:25

Agaac ĩĩtõ heterethuung naa ĩĩcĩ oou ẽlẽk.

Maatteeo 24:38

Hĩnĩngĩtĩ baarkit, baa nga huruk Nyekuci eet vẽlẽk tawaana cobbi, baa aduhi eeta nẽ ũhũdĩt mẽrtĩ nẽ ũꞌthũwattõõ, hode aaꞌnyĩk lõhõlĩ cĩggĩĩng hũꞌthũwattĩ, ĩꞌthõng kõr baa adukni Nõõa haahũl cobbi.

Maatteeo 3:7

Ma baa acĩn Yõaannẽ Variꞌtheei hĩ Thadutheei ꞌcĩg mẽẽlĩg ngaatĩ au aggamĩ baattithimo ho, ikia eggerenyeek ĩhõõggõ ĩĩnnĩk, “Niig eeta ꞌcĩg abaꞌthu aaut hĩ hũkaaꞌnya ho, nganĩ ꞌcĩ aduhaakuung ngagiit aĩ, iita baattithimooa, hátĩ iliittia ukẽẽnĩt ꞌcĩ hatĩ aku ho?

ꞌLuuka 17:26

“Ma ikia Ngeertĩ Eeto, aaĩ hatĩ hĩ waathinniooha baag Nõõa.

ꞌRooma 1:17

Aduha nyeemuut ꞌcĩ abũnnaa ho, ꞌgõõl ꞌcĩ elemmeet Nyekuci hĩĩtõ tẽllĩg muumaa cĩnnĩ. Iꞌthianaanĩ thõõth ciee nẽ ũttũbanoothĩk lemiitta. Attũbanoothĩk thõõth ciee ꞌthianaatta ĩꞌthõng decciaanĩt lemiitta. Hĩcĩ aduha ꞌBuuhi cĩ Nyekuci aĩ, “Arũgĩ hatĩ ẽẽtĩ ꞌcĩ ẽlẽmĩ Nyekuci, hĩnĩngĩtĩ lemiinit.”

ꞌRooma 10:6

Nẽẽthĩ, aduha bũnnai ꞌcĩ aku lemiitta aĩ, “Ma hothooꞌthu ꞌthinneetinitõõ hainnu, ‘Nganĩ ꞌcĩ occa õtõd hẽẽtahujjieen?’ ” Nĩngĩtĩ aĩ, hũũk haꞌnyaha Krĩstõ loota.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 4:11

Baa aaꞌnyĩk Abũrahamĩ ẽlẽ cĩnnĩ hẽttẽẽdĩ, hĩnĩngĩtĩ hẽtẽrẽtha aĩ, baa ẽlẽmĩ Nyekuci ĩnõõnnõ, hĩnĩngĩtĩ lemiinit cĩnnĩ, tananga baa nga hẽttẽẽdĩ ẽlẽ cĩnnẽẽnĩ. Thõõth ꞌcĩ aaꞌnyĩk Abũrahaamõ hĩĩ maaꞌnyĩ eet vẽlẽk ꞌcĩg ẽlẽmĩ Nyekuc ko cieeni, tananga nga hetteeddi eleeti cĩggĩĩng.

ꞌRooma 4:13

Baa hõllõngaa ammũda Abũrahamĩ hĩ lõhõlĩ cĩg lõhõlĩ cĩgĩnnĩg, thõõth ꞌcĩ aduha Nyekuci, aĩ ĩĩn hatĩ nẽẽg ꞌrigiꞌthiook cĩg lootu, hĩnĩngĩtĩ nyattal. Nẽẽthĩ, baa ammũda, hĩnĩngĩtĩ bũnnai ꞌcĩ aku, hĩnĩngĩtĩ lemiinit.

ꞌRooma 9:30

Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc.

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

Ebereei 11:1

Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.

Ebereei 8:5

Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”

1 Pẽẽtũrũ 3:20

loriẽẽt cĩg eet baag hõllõngaa athĩhĩ Nyekuc baangaani, baa ẽrẽ Nyekuci hũtũngteek ꞌthẽccanẽẽt cĩggĩĩng waathinnioohĩĩ baag nga ẽhẽnytĩ Nõõa haahũl thõng. Baa eet turkiyyio thõng, ꞌcĩg baag eelliaa tawaanaa ĩbaa maka gẽrrẽẽt.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

2 Pẽẽtũrũ 2:5

Nẽ korrioohĩĩ baag Nõõa, baa hõllõngaa ammaannĩk Nyekuci eet ꞌcĩg abũrĩ ĩnõõnnõ loota nĩnga. Baa aruk nẽẽ ĩhõõggõ tawaana nẽ ẽẽla Nõõa hĩ eet tũkĩramma halaangatõõ cĩnnĩ, hĩnĩngĩtĩ baa ĩĩn Nõõa eet ꞌcĩ irrioon thõõth ꞌcĩ aũlanĩ.

2 Pẽẽtũrũ 3:6

Nĩngĩtĩ aku acũdaanĩ Nyekuci looc baa baarkit tawaanaa cobbi gẽrrẽẽt.