Ebereei 11:4 - ꞌBuuk cĩ Thõõth cĩ Nyekuci

⁴ Baa lemiinit cĩ Abeele ꞌcĩ aaꞌnyĩk Nyekuc hẽlẽm ꞌgaarrieenit cĩnnĩ, hĩllõõan cĩ Kaiino. Baa aaꞌnyĩk ꞌbaaniniti Abeele hĩĩ eet ꞌcĩ abũnnaa nẽ ẽlẽm Nyekuci ꞌbaaninit cĩnnĩ. Tananga adaak Abeele hũnũũk, nga hõthõõthõõ naag hĩ ĩnõõnnõ terethiittaa cĩ lemiinit cĩnnĩ.

Ebereei 11:4 ပူးပေါင်းရင်းမြစ်များ

ꞌThianaattõ 4:10

Nẽ othoothĩk Makayyioohiti Kaiino ĩĩnnĩk, “Ne ꞌyioko ꞌthẽk ꞌcĩ adĩmani nii noho ho? Allweeka nganĩĩt biyyieeta cĩg ꞌgotonoonu loota.

ꞌThianaattõ 4:15

Ẽdẽcĩ Makayyioohiti Kaiino anneek, “Aitiõõ, má uruhi ẽẽtĩ umwaanĩ, huuki hatĩ naa eet tĩho buúk tabattĩ tũrkĩramma hĩllõõan ukẽẽnĩt cunni ho.” Nĩngĩtĩ aarĩkĩ Makayyioohiti Nyekuci nyamacaar ẽllaa cĩ Kaiino, hátĩ hiittiõõ hõllõngaa aruk eet umwaa ĩnõõnnõ hatĩ õmmõtõõ.

ꞌThianaattõ 4:25

Baa oogin Aadamĩ hĩ ngaa cĩnnĩ tarĩ, nẽ ikia ittira nẽẽ loholeec umwa ꞌcĩ maacĩ tarĩ. Ikia akateek nẽẽ ĩnõõnnõ ꞌthaar ꞌcĩg haĩ Thẽth, nẽ ĩĩ, “Aaꞌnya Nyekuci loholeec ꞌcĩ maacĩ umwa tarĩ, hirigith Abeele baa aruk Kaiino.”

ꞌThianaattõ 4:8

Ma nĩngaata, uduhaak Kaiino ꞌgõtõnĩ ĩĩnnĩk, “Hõõt da hotooyyi mana.” Ĩko nẽẽ allab Kaiino ꞌgõtõnĩ thõng. Ma baa õõ õvvõõĩ nẽẽg mana ho, ũtũhũoothĩk Kaiino ꞌgõtõnĩ, nĩngĩtĩ aruhi ĩnõõnnõ hadaak.

Maatteeo 23:35

Nẽẽthĩ hoti ho, eheellu hatĩ niig daahĩꞌthiook cĩg eet vẽlẽk cĩg Nyekuci, iꞌthianaanĩ hĩ eet ꞌcĩ abũnnaa, Abeele hõdõlan ꞌThakaria ngeertĩ Berekia, baa aruku hõrggẽẽnaa cĩ ꞌCieeth cĩ Nyekuci hĩ altaarĩ ꞌcĩ ĩbboorini ꞌgaarriẽẽna.

ꞌLuuka 11:51

Iꞌthianaanĩ biyyiẽẽtĩ cĩg Abeele ĩꞌthõng hõdõlan cĩg ꞌThakaria baa aruhi hõrggẽẽnaa cĩ altaarĩ ꞌcĩ ĩbboorini ꞌgaarrieeniti hĩ ꞌCieeth cĩ Nyekuci. Ee mĩĩ, haduhaakuung dĩdĩ, õcõõd ꞌthẽk hatĩ lohollia cĩg irkiꞌnyia iccig thooꞌthiok iccig vẽlẽk hĩ otto.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

Ebereei 11:2

Baa aaꞌnyĩk lemiiniti hĩbaangĩ cĩggaac haccamana Nyekuci.

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

Ebereei 12:24

Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

Ebereei 5:1

Eberriaa paadĩrĩ cobbi lothippitaa cĩ eetu hĩĩ dticciannioohit cĩ Nyekuci, haaꞌnyĩk Nyekuc ꞌbaaninit hĩ ꞌgaarriẽẽn ꞌcĩg ũũny ꞌthẽccanẽẽt cĩg eetuk.

Ebereei 9:22

Nẽ dĩdĩ nyattaalaa cĩ Mũũꞌtha, ũũnyĩ hẽlẽggĩ vẽlẽk biyyiẽẽtĩ. Ma nga hibboorria biyyieeta, aitiõõ hõllõngaa ũũnnothoothĩk ꞌthẽccanẽẽta.

2 Pẽẽtũrũ 2:8

Dĩdĩ, baa ꞌthẽk ĩĩn Lõõtĩ eet ꞌcĩ abũnnaa, ꞌcĩ baa accananni ꞌthĩnĩtatõõ cĩnnĩ, hĩnĩngĩtĩ thooꞌthiok ꞌcĩg abathĩ ꞌcĩg adtuuha nẽẽ nẽ ĩthĩk waathinnioohĩ vẽlẽk.

ꞌJuud 1:11

Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ, ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra. Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.