Ebereei 11:37 - ꞌBuuk cĩ Thõõth cĩ Nyekuci

³⁷ Nẽ baa aalla ohoddiaa ũgẽẽgĩ biyyiẽẽnĩ hadaahito, hode appaki ũgẽẽgĩ hĩĩtõ ꞌramma hode aruhi nyetubooꞌnyanĩ. Baa hiꞌthihi ũgĩ ceremwa nẽẽthĩ, baa ahimit nẽẽg ceremwa cĩg aꞌthaannu hĩ cĩg ẽẽthak. Baa ĩĩn nẽẽg hullaha nẽ accanattĩ, nẽ uukti thõng buúk.

Ebereei 11:37 ပူးပေါင်းရင်းမြစ်များ

Maatteeo 21:35

Au hinnia aggam bekiooha dticcianniook cĩgĩnnĩg ko nẽ uukito umwa nẽ uruhit umwa nẽ ohoddia ꞌcĩ ĩĩn iyyio biyyiẽẽnĩ.

Maatteeo 3:4

Baa ahimit Yõaannẽ ceremwa ꞌcĩg ẽhẽnytaa ĩmanĩĩ cĩg nyaakaalak nẽ ẽcẽb hadẽẽngõ. Baa ꞌgẽẽn cĩnnĩ ꞌgirooc hĩ loteec.

Maatteeo 8:20

Ẽdẽcĩ Yeesu anneek, “Aꞌnyak irrieerrwaana ꞌlõõhĩt nẽ aꞌnyahit hĩbaallĩ ꞌcieethi cĩggĩĩng, nẽẽthĩ aitiõõ Ngeertĩ Eeto nĩngĩtĩ oongiyyi haaga tõõ.”

ꞌLuuka 13:34

Ma ho, õppõdan Yeesu ĩĩ, “ꞌWui niig eeta cĩg ꞌJeruꞌthalẽmĩ, aruku bẽrẽ niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiita. Hĩĩdĩ naa hõdõõkõthĩ ngaatĩ hadiim halũtaanĩ lõhõlĩ cugguung ngaatĩ hõdẽẽthõng, hĩ gõõng alũtaak tũhũlũc lõhõlĩ cĩgĩnnĩg havvuutõnĩtõõ, aburru hinnia niiga.

Dtiicanĩ cĩg ꞌThooyyiahu 14:19

Ma ho, iita makayyiooha ũgẽẽgĩ cĩg ꞌJudeei Antioha hĩ Ikonium hiita hũlũllũũmanit lothippit hũtũbũrĩt Paaulo. Õhõda ĩnõõnnõ biyyiẽẽnĩ nẽ utugurrieek ꞌtaaũna battaala, muhẽẽttaa ꞌcĩ aĩnnĩ adaak oho ẽlẽk.

Dtiicanĩ cĩg ꞌThooyyiahu 7:52

Aaĩ nooyyia baa põrõvẽtaacĩ umwaa ꞌcĩ nga huruhit hĩbaangĩ cugguung? Ucuddia nõõ nẽẽg põrõvẽtaaꞌnya baag aduha thõõth ꞌcĩ akuuni Ẽẽtĩ cĩ Abũnnaa. Nẽ ꞌyioko õhõppõõcattu niig ĩnõõnnõ nĩngĩtĩ aruku.

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

Ebereei 11:25

Baa ẽlẽmĩ nẽẽ ngaatĩ appĩĩrnanĩ hĩ eet cĩg Nyekuci hõdẽĩ, hĩllõõan ngaatĩ accamanõõthĩkĩ ꞌthẽccaana hĩdĩhĩdĩĩc.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.

Terethiinit 11:3

Haaꞌnyihi hatĩ naa makaaꞌthĩt caannĩ põrõvẽtaaꞌnya ꞌramma ꞌcĩg ĩĩn hẽbẽrĩ cĩgannĩg ꞌcĩg aattĩg hatiꞌtheeta ho, hõõt hirrioottĩk eet waathinnioohĩĩ ꞌcĩg ĩĩn aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).”