Ebereei 11:35 - ꞌBuuk cĩ Thõõth cĩ Nyekuci

³⁵ Ma ho, iita ũrũkta maaccwaana cĩg ngaainu daahĩtha. Nẽẽthĩ, baa accananni eeta cieeg ũgẽẽgĩ gẽrrẽẽt nẽ ũtũbũrĩt ngaatĩ ooggianĩ baabuuthatõõ. Baa aga nẽẽg jurrung ngaatĩ hatĩ ammũdaanĩ dũman ꞌcĩ mẽẽn, hatĩ ũrũgta eeta vẽlẽk daahĩtha.

Ebereei 11:35 ပူးပေါင်းရင်းမြစ်များ

Maatteeo 22:30

Nẽ kõrraa ꞌcĩ hatĩ aaꞌnyĩkĩ Nyekuci eet hũrũgta tarĩ, hõllõngaa hatĩ aꞌthũwanni ngaaĩ hode iittiõõ hatĩ hõllõngaa aꞌthũwan eeta ꞌcĩg maacĩg ngaaĩ, aauto hatĩ nẽẽg hĩ aajĩlẽẽta cĩg hẽẽtkujjieen.

Maarko 12:25

Ma ũrũgũtha Nyekuci eet ꞌcĩg adaahito, iittiõõ hatĩ nẽẽg hõllõngaa au aꞌthũwanni tarĩ, iita hatĩ aauto nẽẽg hĩ aajĩlẽẽta cĩg hẽẽtkujjieen.

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 20:36

nẽ iittiõõ hatĩ nẽẽg hõllõngaa adaahĩ, hĩnĩngĩtĩ aauto hĩ aajĩlẽẽta. Ĩĩtõ hatĩ nẽẽg lõhõlĩ cĩg Nyekuci, hĩnĩngĩtĩ ĩĩtõ nẽẽg lõhõlĩ ꞌcĩg ũrũgta daahĩtha.

Yõaannẽ 5:29

nẽ hatĩ ũrũgta nẽẽg daahĩtha. Arũgna hatĩ eeta ꞌcĩg baag adtican thooꞌthiok ꞌcĩg abũnnaa nẽ õõt rũgẽta nẽ hatĩ ũrũgta eeta ꞌcĩg baag adtican thooꞌthiok ꞌcĩg abathĩ nẽ uukti.

Dtiicanĩ cĩg ꞌThooyyiahu 22:29

Nẽ eeta ꞌcĩg baag aĩ hijitta Paaulo, eejehit ĩĩcĩ uruto. Nĩngĩtĩ abarti ꞌgaalacĩ cobbi ẽmmẽn, baa ikia agaõõthĩ ngaatĩ ẽcẽbĩ eet cĩ ꞌRooma.

Dtiicanĩ cĩg ꞌThooyyiahu 23:6

Ma baa õrõõta Paaulo ngaatĩ ĩĩnnĩ eeta cĩg lokihooak ũgẽẽgĩ Thadutheei nẽ ĩĩtõ ũgẽẽgĩ Variꞌtheei ho, ikia õthõõth ĩĩ, “ꞌGotoonoga, hĩĩnĩ naa Variꞌtheenit, ngeertĩ Variꞌtheetto. Habili ꞌyioko lokihooa, hĩnĩngĩtĩ muhẽẽnĩt caannĩ ꞌcĩ arũkꞌthaanĩ eeta ꞌcĩg adaahito.”

Dtiicanĩ cĩg ꞌThooyyiahu 24:15

nẽ haꞌnyahi naa buúk muhẽẽnĩt hõdẽẽthõng hĩ Nyekuc, hĩcĩ ꞌthẽk aꞌnyak eeta cieegi. Aaĩ ꞌthẽk hatĩ rũgaanĩtĩ cĩ eet ꞌcĩg abũnnaa hĩ ꞌcĩg ĩĩn ꞌthẽccanniook.

Dtiicanĩ cĩg ꞌThooyyiahu 4:19

Baa ẽdẽcĩ Pẽẽtũrũ hĩ Yõaannẽ aĩ, “Ummuhit da nõõ niig hatĩ ma aũlan hĩ Nyekuc ngaatĩ occa hathiknuung naag ngagiit hĩllõõan ngaatĩ occa hathĩkna Nyekuc.

Dtiicanĩ cĩg ꞌThooyyiahu 9:41

Aggam Pẽẽtũrũ ĩnõõnnõ aꞌthiit hĩtĩnga ꞌjieena. Ma nĩngaata, ũtũvva Pẽẽtũrũ lemmiook hĩ ngaatĩbõyyĩꞌnya nẽ eteretheek ĩhõõggõ ngaatĩ ũrũgaaĩ ꞌDõõrka.

1 Korinthia 15:54

Eleeti ꞌcĩg ꞌyioko haꞌnyak naag ko, ĩĩn eleeti ꞌcĩg hõllõngaa attiranĩ nẽ adaahĩ. Nẽẽthĩ, ũũkcĩ hatĩ nẽẽg hĩĩtõ eleeti ꞌcĩg aalla ũdũt. Hatĩ hikia thõõth cĩ ꞌBuuk cĩ Nyekuci hĩĩ dĩdĩ hĩ baa aĩ, “Aꞌnyamanĩ daahĩthĩ!”

Pilippi 3:11

hátĩ hũrũga naa buúk ꞌgõõlẽẽ umwaanĩ, hĩ baa arũgna nẽẽnĩ.