Ebereei 11:32 - ꞌBuuk cĩ Thõõth cĩ Nyekuci

³² Occa ꞌyioko haini naa ne? Aitiõõ ꞌthaa ꞌcĩ occa hẽdtẽbanaanĩ thõõth cĩ ꞌJideõõnẽ hĩ Barak hĩ Thamthõõnẽ hĩ ꞌJevatha hĩ Daavide hĩ Thamueele hĩ põrõvẽtaaꞌnya tõõ.

Ebereei 11:32 ပူးပေါင်းရင်းမြစ်များ

Maatteeo 5:12

Accamattoothĩk gẽrrẽẽt, hĩnĩngĩtĩ ereeyyuung ngagiit ꞌbaaniniti cobbi gẽrrẽẽt hẽẽtahujjieen. Nẽ ummuhuttooth, baa ꞌthẽk adĩman eeta põrõvẽtaaꞌnya baag ꞌrẽẽttĩg buúk noho diooni.”

ꞌLuuka 13:28

“Aluyyu hatĩ gẽrrẽẽt nẽ adaktu nyĩgĩt hatĩ icittu Abũrahaamõ hĩ Iꞌthaako hĩ Yakobo hĩ põrõvẽtaaꞌnya vẽlẽk habuccieetaa cĩ Nyekuci nẽ nẽẽ itiggiayyioothihu niig battaali.

ꞌLuuka 16:31

“Anneek hinnia Abũrahamĩ ĩnõõnnõ, ‘Má hõllõngaa athĩhĩ nẽẽg thõõth cĩ Mũũꞌtha hĩ cĩ põrõvẽtaaꞌnyanu, aalla ꞌthẽk hatĩ hõllõngaa athĩknĩ noho, tananga hĩꞌthõõĩ ẽẽtĩ ꞌcĩ adaak ẽlẽk.’ ”

Yõaannẽ 21:25

Baa adtican Yeesu thooꞌthiok ũgĩ ꞌcĩg mẽẽlĩg gẽrrẽẽt buúk. Má baa heteheeddi thooꞌthioha cieeg vẽlẽk loota, hammuhi occa baa hõllõngaa aꞌnyak lõõcĩ vẽlẽk, nĩngĩtĩ occa aarĩhõõthĩkĩ ꞌbuuhẽta ꞌcĩg eheeddi ho vẽlẽk.

Dtiicanĩ cĩg ꞌThooyyiahu 10:43

Baa õthõõth põrõvẽtaaꞌnya vẽlẽk aĩ eeta ꞌcĩg ẽlẽmĩ Yeesu, ũũnnothoothĩk hatĩ ꞌthẽccanẽẽta cĩggĩĩng ꞌthaarĩĩ cĩgĩnnĩg.”

Dtiicanĩ cĩg ꞌThooyyiahu 13:20

Baa õkõõĩ thõõth ciee vẽlẽk irkiꞌnyia ꞌmiiaꞌnya ꞌwec hĩ hẽẽn ꞌtur. “Ma urutaa cĩ, ikia aaꞌnyĩk Nyekuci ĩhõõggõ habuẽẽt ꞌcĩg ẽttẽẽd thooꞌthiok, ĩꞌthõng hõdõlan kõr cĩ põrõvẽtaac Thamueele.

Dtiicanĩ cĩg ꞌThooyyiahu 3:24

“Baa udukta Thamueele hĩ põrõvẽtaaꞌnya baag au uruta buúk, thõõth ꞌcĩ ꞌyioko acinnu niig ko.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

ꞌRooma 4:1

Hõthõõth occa ꞌyioko naag Abũrahaamõ baangeet baa baangaani haĩ ũmmũda nẽẽ neegi thõõthaa cĩ ẽlẽmmĩ Nyekuci ĩnõõnnõ ho?

ꞌRooma 6:1

Hõthõõth occa ꞌyioko haĩ ne? Haraac ꞌyioko hẽꞌthẽcattõ noho, hátĩ hĩttõõrĩ bũnnai?

ꞌRooma 7:7

Hõthõõth occa ꞌyioko hatĩ naag nyattal haĩ ne? Haĩ ĩĩn nyattalĩ ꞌthẽccan? Aitiõõ ũdũt! Nẽ dĩdĩ occa baa nga haga naa ne ꞌcĩ haĩ ꞌthẽccan ko, hiittiõõ nyattalĩ tõõ. Hĩnĩngĩtĩ occa baa nga haga thõõth ꞌcĩ haĩ bũraneehinit ko hiittiõõ nyattalĩ ngaatĩ aĩnnĩ, “Ma habũraneehi ꞌgii cĩ eet umwa.”

ꞌJeemith 5:10

Hõlõ, ũnnẽẽc terethiinit baa põrõvẽtaaꞌnya baag õthõõth thõõth cĩ Makayyiookto. Baa adĩhan nẽẽg ꞌcannan korrioohĩĩ baag accananiini nẽẽgĩ.

2 Pẽẽtũrũ 1:21

Baa hõllõngaa addanga põrõvẽtaaꞌnya thooꞌthiok iccig ẽmmẽn, baa ẽtẽrẽth ĩhõõggõ Lorii ꞌcĩ Ẽllẽẽmĩth hĩ Nyekuc.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.