Ebereei 11:27 - ꞌBuuk cĩ Thõõth cĩ Nyekuci

²⁷ Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.

Ebereei 11:27 ပူးပေါင်းရင်းမြစ်များ

Luugithõõ 11:8

Au hatĩ makayyiooha cugunnig ko vẽlẽk hĩ nganĩĩt nẽ alayyia ĩĩttĩhaa, ‘Ẽlẽ õõt hĩ eet cugunnig vẽlẽk ꞌcĩg anuyyi nganiita!’ Ma urutaa ꞌcĩ nẽ thĩ hatĩ hũũha naana.” Ma ho, ĩlĩĩlĩ Mũũꞌtha, nĩngĩtĩ ũũnnĩkĩ habu cĩ Ijjibi nẽ ũũha.

Luugithõõ 12:11

ꞌGõõl ꞌcĩ occa adaku niig iding cieeni. Ũbũrattĩ jurrung nẽ ũkũmattoothihu õõtõ, itihimit caawa, aꞌnyahit hĩbahĩꞌnya cĩg tohomiittak. Adahit iding warawara, hĩnĩngĩtĩ ĩĩn Kõr cĩ Haangittõõ cĩ Makayyiookto.

Luugithõõ 12:50

Ma ho, ĩdĩmanit eeta cĩg Ĩꞌthĩraẽlĩ vẽlẽk hĩcĩ aduhaak Makayyioohiti Mũũꞌtha hĩ Arõõnẽ ho.

Luugithõõ 4:19

Nẽẽthĩ ꞌyioko, baa aduhaak Makayyioohiti Mũũꞌtha Midiana anneek, “Bodooth Ijjiba, hĩnĩngĩtĩ adaahito eeta vẽlẽk baag adiim aruki nganiita.”

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 24:13

Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.

Maarko 13:13

Aharreekuung hatĩ ngagiit eeta vẽlẽk, hĩnĩngĩtĩ nganĩĩt Yeesu. Nẽẽthĩ, eet umwaa ꞌcĩ ẽmmẽẽthĩ ꞌcannan ĩꞌthõng decciaanĩt cĩ lootu, eelliaa hatĩ nẽẽnĩ.

Maarko 4:17

Nẽ hõllõngaa aduhun thõõth ꞌthinneetinii cĩggĩĩng jurrung nẽ hõllõngaa aalla ĩꞌthõng. Nẽ ma ikia ꞌcannani hode pĩĩrnanĩtĩ, hĩnĩngĩtĩ thõõth cĩ Nyekuci, iita ũtũngteek nẽẽg thõõth nĩĩcĩ noho ꞌcõm.

Dtiicanĩ cĩg ꞌThooyyiahu 2:25

Aduha habuui Daavide thõõth ꞌcĩ Yeesu aĩ, “ ‘Hacini naa Makayyioohit hõdõõkõthĩ muumaa caannĩ. Hĩnĩngĩtĩ aaĩ nẽẽ attiaa caannĩ ĩcobbi, nẽ aitiõõ hatĩ ꞌgii ꞌcĩ hiteelli tõõ.

1 Korinthia 13:7

Eteiini mĩnnanĩ eet hõdõõkõthĩ nẽ aꞌnyak lemiinit hĩ eet hõdõõkõthĩ nẽ aꞌnyak muhẽẽnĩt ꞌcĩ abũnnaa nẽ aalla mĩnnanĩ hõdõõkõthĩ.

2 Korinthia 4:18

Hẽlẽggĩ ꞌcĩg hacĩn naag thõng ko, ĩĩn hẽlẽggĩ ꞌcĩg hõllõngaa aalla ooo nẽ hẽlẽggĩ ꞌcĩg hõllõngaa hacĩn naaga, ĩĩn hẽlẽggĩ ꞌcĩg aalla ooo. Nẽ ꞌyioko hubbuuhit hẽbẽrĩ cĩggaac, hátĩ hĩcĩnĩt hẽlẽggĩ ꞌcĩg hõllõngaa edeeꞌnyia ho, hĩnĩngĩtĩ aalla hatĩ nẽẽg ooo.

Kolooꞌthe 1:15

Aaĩ Krĩstõ hĩ Nyekuci ꞌcĩ hõllõngaa hacĩn naaga. Baa arrittiaa nẽẽ ĩĩcĩ oou nẽ ĩĩn nẽẽ habu cĩ hẽlẽggĩ vẽlẽk ꞌcĩg ẽhẽnytaa.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 6:16

Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!

Ebereei 10:32

Ma hataarroꞌthu waathinniook baag oou, baag athiknu niig thõõth cĩ Yeesu, ummukta tarĩ ꞌgõõl baa elemmu niig thõõth cĩnnĩ, tananga baa hĩĩ maka pĩĩrnanĩtĩ cunuung gẽrrẽẽt.

Ebereei 11:1

Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ.

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

ꞌJeemith 5:11

Hadĩhĩth naag eet baag adĩhan ꞌcannan. Ĩthĩktu niig ꞌcannan cĩ ꞌJõõbĩ nẽ icittu ꞌgii ꞌcĩ aku adĩmaneek Makayyioohiti ĩnõõnnõ uruta. Aꞌnyak Makayyioohiti tamaati cobbi.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.